NDUNGE YA KUDILONGA

Ditalese Kyambote mu Lumwenu

O dixibulu Tiyaku wa sokesa o Bibidya ni lumwenu lututwatekesa kumona kyoso kitwala moxi dyetu. (Tiy. 1:​22-25) Kyebhi kitutena kuditalesa kyambote mu Bibidya kala twamuditalesa mu lumwenu?

Tanga kyambote. Se tuditalesa ni lusolo mu lumwenu, nange kitwanda tena kumona se twadiyudika kyambote mba kana. Phala tutene kumona o ima itwabhingi kulungulula moxi dyetu, twatokala we kutanga kyambote o Mak’â ma Nzambi.

Ditalese dingi eye muveji dya kutalesa akwenu. Sayi ithangana kyoso kituditalesa mu lumwenu, tutena we kutalesamu akwetu. Nange, tutena kudikwatenena ngo ku ima yayibha ya akwetu amumoneka we mu lumwenu. Kyene we kimoxi, mu kutanga o Bibidya nange tutena ngo kudikwatenena mu ima yabhingi kulungulula akwetu, maji se tubhanga kiki kitwanda tena kumona o ima itwabhingi kulungulula.

Kana kubhonza. Se u ditalesa mu lumwenu anga udikwatenena ngo mu itote yé, wanda luwala. Mukutanga o Mak’â Nzambi kana kubhonza, kana kukingila kukala u muthu wa yuka, ditalese kala kyakutalesa Jihova.—Tiy. 3:17.