O Kidi Kya Lungu ni Hádya
Wa dibhwidisa kyá ihi ya-nda bhita ku hádya? O Bibidya i tu tangela o izulukutu ya-nda bhita mu ixi mu izuwa yetu, ya-nda lungulula o ukexilu wa mwenyu wa athu oso.
Jezú wa jimbulula kyebhi ki tweji kwijiya kwila, “o Utuminu wa Nzambi wa zukama.” (Luka 21:31) Mwene wa kanena kwila, mu ima yavulu yeji bhita kweji kala ita yavulu, o itungutisu ya ixi yeji di bandekesa, o nzala yeji vula o mawuhaxi eji di bandekesa ni ima ya mukwá dingi i twene mu mona kyá.—Luka 21:10-17.
O Bibidya ilondekesa we kwila mu “izuwa ya sukidila-ku” ya utuminu wa jinguvulu o athu eji bhanga ima yayibha. Eye u tena kutanga o izulukutu yiyi mu divulu dya 2 Timote 3:1-5. Kyoso ki u mona o ukexilu wa athu lelu, se phata eye u xikina kwila, o kikanenu kiki kya Bibidya kya lungu ni ima ya mu bhita kindala.
Kiki kilombolola ihi? O kithangana phala o Utuminu wa Nzambi kubhangesa o ixi kukituka kididi kyambote kya zukama. (Luka 21:36) Mu Bibidya, Nzambi wa kanena ima yambote phala o ixi ni athu a-nda tunga-mu. Tu mone o ima yiyi.
UNGUVULU WAMBOTE
“[Jezú] anga a mu bhana o kutumina, ni kijingu, ni ungana, phala miji yoso, ni ifuxi, ni madimi moso ende ni ku mu bhikila mwene. O kutumina kwê kwa-nda [nangenena], ku kwene dizubhilu, o ungana wê wene ngó, ka tena ku u bhwisa-ku.”—DANIYELE 7:14.
Kiki kilombolola kwila, eye u tena kusanguluka ku mwenyu mu unguvulu wa tumbika Nzambi, wa solo Mon’ê kala Sobha.
SAWIDI YAMBOTE
“Ki bhwa kà kala mukwa-bhata mu Jeluzaleme wila: ‛Nga kata, lémbwa.’”—IZAYA 33:24.
Kiki kilombolola kwila, eye ki wa-nda kata dingi; ki wa-nda fwa.
KUTULULUKA KWA KIDI
“Ita wa i swikika katé ku maxokolo a’xi, uta wa mufula wa u bhakula.”—JISÁLAMU 46:9.
Kiki kilombolola kwila, ki bhwa-nda kala dingi ita ne hadi ijila mukonda dya ita.
O IXI YOSO YA-NDA KWIZALA NI ATHU AYUKA
“Mukwa phulu-ó ubhwa athu ku mesu; . . . Oso-phe a lenduka, ene a lundula o ixi.”—JISÁLAMU 37:10, 11.
Kiki kilombolola kwila, ki kwa-nda kala dingi athu a ibha, kwa-nda kala ngó athu a mesena kubelesela Nzambi.
IXI YENOSO YA-NDA KITUKA PALAYÍZU
“Ene-phe a kà tunga jinzo, anga a kala-mu; a kà dima milenga ya mividi, anga a kà dyá idima yê.”—IZAYA 65:21, 22.
Kiki kilombolola kwila, o ixi yoso ya-nda yuka. Nzambi wa-nda tambwijila o misambu yetu ya kwila o vondadi yê a i bhange “mu ixi.”—Matesu 6:10
Eye Nange Wandawabhela we o Maka Yá
ESSENTIAL BIBLE TEACHINGS
O Utuminu wa Nzambi Ihi?
Mu kithangana kya ukunji wê mu ixi, Jezú wa zwela dingi ya lungu ni Utuminu mak’engi ndenge. Mu mivu yavulu, athu ene mu samba mu kubhinga kwila utuminu yu wize.
IA LUNGU N’ETU
Bhinga Phala Kukukunda
Kuzwela yalungu ni kibhwidisu kya Bibidya mba kudilonga yalungu ni Jimbangi ja Jihova.
