KUMATEKA KUZWELA NI MUTHU
DISÁ 6
Kana Kukala ni Woma Wakubhana Umbangi
Kitumu: “Ni kikwatekesu kya Nzambi yetu twasange nguzu phala ku mitudila o njimbu yambote ya Nzambi.”—1 Te. 2:2.
Ihi Yabhange Jezú
1. Tala o VIDYU, mba tanga Luka 19:1-7. Mukusuluka xinganeka ku ibhwidisu yiyi:
Kima Kyahi Kitulonga o Phangu ya Jezú?
2. Twabhingi kuswina phala kuboka o njimbu ya Utuminu wa Nzambi ku athu oso sé kathombo.
Kayela Jezú
3. Dyelela kwa Jihova. O nzumbi ya Nzambi yabhana nguzu kwa Jezú phala kuboka. O nzumbi yenyiyi itena we kukubhana nguzu. (Mat. 10:19, 20; Luk. 4:18) Bhinga kwa Jihova phala kukubhana nguzu ya kuboka ku yó nange atukwatesa woma.—Ikalakalu 4:29.
4. Kitutokala kubanza kwila athu kanda twivwa. Nange tukala ni hele yakuzwela ni athu mukonda dya pholo yâ, kudilonga kwâ, mukonda jimvwama mba jingadyama, mba hanji mukonda dya wendelu wâ mba ngeleja yâ. Maji ijiya kwila:
-
Jihova ni Jezú atena kumona o ima yala ku mixima ya athu; etu kitutena.
-
Kitutokala kubanza kwila muthu yú Jihova kandamukwatela henda.
5. Kana kukala ni woma maji aluka, xila o athu. (Mat. 10:16) Kana kuzoka. Ni kuxila kwoso, se muthu kamesena kwivwa o njimbu yambote mba se mwene wedi kala wamesena kukubhanga kyaibha, kana kusuluka kuzwela-ne.—Jisa. 17:14.
