Ua zuela kiá ni muthu ia lungu ni ithangana iambote i ua bhiti ni Jimbangi ja Jihova—mu kiônge mu kilunga kia ku suínisa kiavulu, mu iônge ia makota ia kusangulukisa kiavulu mba musoso uambote ua bhiti mu sidivisu ia kuboka, mba maka ambote u ua te ni phang’iê mu kilunga? Eie ku jimbi Jihova; muéne ué ka ku jimbi. Muéne ka jimbi o sidivisu iê i ua bhange ni ufiiele uoso. Muéne ua mesena kiavulu ku ku kuatekesa kuvutuka kua muéne.

Jihova uambe: “Eme, eme-muène muene, nga-nda kusota o mbudi jami, inga ngi ji takana. Mukuâ ni mubidi kia kenga o kilunga kiê, bhu kizuua muene kia kala mu’axaxi ka jimbudi jê ja di muange, kiene ue eme ki nga-nda kukenga o jimbudi jami; anga ngi ji takana mu ididi ioso mu ja di muangena.”—Izekiiele 34:11, 12.