DISÁ 05
O Bibidya Njimbu ya Nzambi Phala Etu
Jihova wa tubhana o Bibidya. Yú ujitu wakatunda, wala ni 66 amadivulu. Maji nange eye udibhwidisa: ‘Kyebhiphe kitwatena kukala ni Bibidya? O Bibidya ya tokala kwa nanyi?’ Phala kutambwijila o kibhwidisu kiki, tu mone kyebhi o njimbu ya Nzambi, o Bibidya, ya bhixila kokwetu.
1. Kyebhi o Bibidya ya tokala kwa Nzambi se athu ene a isoneka?
O Bibidya a isoneka ku 40 amayala. Kwabhiti 1.600 amivu phala kuzubha ku isoneka. O divulu dyadyanga adisoneka kumuvu wa 1513 A.K.K. o divulu dya sukina adisoneka ku muvu wa 98 K.K. O asoneki a Bibidya atungile mu ididi ki idifu. Né kiki, o ima yoso ya soneka mu Bibidya, ya difu. Kiki kya bhiti kyebhi? Kiki kya bhiti mukonda o Bibidya mak’â Nzambi. (Tanga 1 Tesalonika 2:13.) O asoneki, ka soneka o ibanzelu yâ. Ene asoneka o ‘ibanzelu ya Nzambi bhu kaxi ka Nzumbi Ikôla.’ a (2 Phetele 1:21) Bhu kaxi ka nzumbi ikôla, Nzambi wa bhangesa o mayala kusoneka o ibanzelu yê mu Bibidya.—2 Timote 3:16.
2. Ananyi atena kukatula mbote mu Bibidya?
“Athu oso a tungu mu ngongo, ku ifuxi yoso, ni miji yoso, ni madimi, ni madyembu,” atena kukatula mbote mu njimbu yambote itusanga mu Bibidya. (Tanga Dijingunwinu 14:6.) Lelu, o Bibidya yala dingi mu madimi avulu, divulu dyoso dyoso ndenge. O athu amutanga o Bibidya lelu, ene dingi abeta kota mu ngongo. Kiki kidi, kabasa kididi mba dimi dizwela o muthu.
3. O Bibidya ya bhiti mu ilwezu yebhi, ni kyebhi Jihova kya ilange?
O Bibidya a isoneka mu jiphaphela ki jilaleka kuzanga kala ja ibha ya yama ni jiphaphela ja papilu. Maji o mayala azolele o Bibidya, akexile mu ikopiyala ni kudilanga kwoso. Sayi athu atokalele kunguvulu ni atwameni ajingeleja amesenene kubwika o Bibidya. Maji sayi athu ate o myenyu yâ mu kilwezu phala ku ilanga. Jihova kehela kima mba muthu kumufudisa kuzwela n’etu. O Bibidya yamba: “O maka a Nzambi yetuphe maxalelaku . . . katé ku hadya ni hadya.”—Izaya 40:8.
DILONGE DINGI
Dilonge dingi kyebhi Nzambi kya kwatekesa o mayala kusoneka o Bibidya bhu kaxi ka nzumbi ikôla, kyebhi kya ilange ni ihi ya bhange phala o athu kutanga o maka mê.
4. O Bibidya ilondekesa se yene ya Tokala kwa nanyi
Tala OVIDYU. Anga tanga 2 Timote 3:16, mu kusuluka bhanga o ibhwidisu ya kayela.
-
Se athu ene asoneka o Bibidya, mukonda dyahi a ixana Mak’â Nzambi?
-
Eye uxikina kwila, Nzambi wate o ibanzelu yê ku mixima ya athu phala ku isoneka?
Kya difu ni mukwa ditenda ubhinga ku seketa yê kusoneka mukanda, maji o njimbu ya tokala ku mukwa ditenda. Kyene kimoxi we ni Bibidya, ya tokala kwa Nzambi, ki itokala ku athu a isoneka kana
5. O Bibidya ya bhiti mu ilwezu yavulu maji ya bhuluka
Se o Bibidya ya Nzambi, mu kidi mwene weji ilanga. Yene ya bhiti mu ilwezu yavulu ya ku ibwika. O misoso ilondekesa kwila, athu ala ni kutena amesenene kubwika o mak’â Nzambi. O atwameni ajingeleja kamesenene kwila, o athu akala ni Bibidya mba a itanga. Nemwene ni izukutisu yoso yiyi, athu avulu ate o myenyu yâ mu kilwezu phala kulanga o divulu didi. Twandakwijiya muthu wabhange kiki, tala OVIDYU, mukusuluka bhanga o kibhwidisu kya kayela.
-
Mu kwijiya o kidi kya lungu ni athu ate o myenyu yâ mu ilwezu phala kulanga o Bibidya, o kwila ikubhangesa kukala dingi ni vondadi ya ku itanga? Mukonda dyahi?
Tanga Jisálamu 119:97, mukusuluka bhanga o kibhwidisu kya kayela:
-
Mukonda dyahi athu avulu exile polondo phala kuta o myenyu yâ mu ilwezu phala kulungulula ni kuwanena o Bibidya?
6. Divulu phala athu oso
O Bibidya dyene o divulu dya beta kota kudilungulula ni kudiwanena. Tanga Ikalakalu 10:34, 35, mukusuluka bhanga o ibhwidisu ya kayela:
-
Mukonda dyahi Nzambi wa mesena kwila o maka mê a alungulula ni kwa awanena mu madimi avulu?
-
Ihi iwawabhela dingi kwijiya ya lungu ni Bibidya?
Nange
100%
a athu kumundu
ene mutanga o Bibidya mu dimi dya tendela kyambote
Yala kya mu
3.000
amadimi ndenge
kixi ya tenena mba jimbandu nange abhange kya
5.000.000.000
a ji Bibidya kumundu oso,
divulu dyoso dyoso ndenge
ATHU AVULU AMBA: “O Bibidya divulu ngó dyokulu dya soneka o athu.”
-
Kyene we ki ubanza?
-
Ihi ilondekesa kwila o Bibidya Mak’â Nzambi?
IHI IWADILONGO
O Bibidya Mak’â Nzambi, mwene wa bhangesa kwila, athu oso akala ni Bibidya ni ku itanga.
Kubhitulula
-
Kyoso o Bibidya yamba kwila, Nzambi wa bhangesa o athu kusoneka o Bibidya, kiki kilombolola ihi?
-
Ihi iwawabhela dingi mu kwijiya kwila, o Bibidya ya bhuluka sumbala ni izukutisu yavulu ya ku ibwika mba mu kwijiya kwila yene a ilungulula ni ku iwanena mu madimi avulu?
-
Kyebhi ki udivwa mu kwijiya kwila, Nzambi wabhange yoso ni yoso phala tutene kudizwelesa nê bhu kaxi ka maka mê?
TOKWESA DINGI
Mateka mu mikanda yokulu, katé mu mikanda yene mu lungulula mu izuwa yetu.
“Kyebhi Kitwatena Kukala ni Bibidya” (Despertai!, Novembro de 2007, mu Phutu)
Dilonge kyebhi o Bibidya ya bhuluka mu ilwezu itatu ya makota.
“Kyebhi o Bibidya ya Nangenena Katé mu Izuwa Yetu” (O Mulangidi No. 4 2016)
Tala o ilwezu ya dibhana nayu o athu phala kulungulula o Bibidya.
O Bibidya a ikopiyala kyá kyavulu, a ilungulula we kya mu madimi avulu. Kyebhi ki utena kwijiya kwila, o njimbu ya Bibidya ki ya lunguluka?
“O Kwila o Milongi ya Bibidya ya Lunguluka?” (Milongi ya jw.org)
a Kala kitwandadilonga mu Disá dya 07, o nzumbi ikôla o nguzu ya tenena ya Nzambi.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
