DISÁ 03
Okwila Utena Kudyelela mu Bibidya?
Mu Bibidya mwala ikanenu ni itendelesu yavulu. Nange wamesena kwijiya ihi ilonga o Bibidya maji wala ni hele. Okwila udyelela mu ikanenu ni mu itendelesu ya divulu didi dyokulu? Uxikina ni kidi kyoso kwila o Bibidya itena kutukwatekesa kindala, ni kwila o ima izwela yalungu ni hádya yakidi? Athu avulu axikina kwila kidi. Maji kudimwena kota.
1. Okwila omisoso yala mu Bibidya yakidi mwene?
O Bibidya yene yamba kwila omaka ‘asonekamu akidi.’ (Ndongixi 12:10) Yene izwela misoso yakidi yalungu ni athu akexile mwene kumwenyu. (Tanga Luka 1:3; 3:1, 2.) O akwa misoso ni yo ene mukanda o ima koxi amavu ene muxikina mukidi kyalungu ni ithangana, athu, ididi ni misoso itanga o Bibidya.
2. Mukonda dyahi tutena kuzwela kwila o Bibidya yala hanji ni valolo?
O Bibidya izwela ima ka ijidile ku athu mukithangana kya isoneka. Mukifika, o Bibidya izwela yalungu ni maka ajingijiye. Ima yavulu yalungu ni jingijiye kakexile mu ixikina ku athu avulu mukithangana kya isoneka. Maji, omilongi ya ubhe ya jingijiye ilondekesa kwila o ima izwela o Bibidya yakidi mwene. Kuma yene “ixalela mwene sé dizubhilu, mukonda ki i xikina ku i jima katé ku hádya.”—Jisálamu 111:8.
3. Mukonda dyahi tutena kuxikina mu ima izwela o Bibidya yalungu ni hádya?
Mu Bibidya mwala ikanenu a ‘ya ima kiluwa ibhita.’ (Izaya 46:10) Ima yavulu yabhiti kumundu a isonekene kya mu Bibidya mivu yavulu ande dya kubhita. O Bibidya yazwelele kyá kyebhi kyejikala o ima kumundu mu izuwa yalelu. Sayi ikanenu ya Bibidya twandadilonga nayu mudisá didi. O kumona o kikumbidilu kya ikanenu yiyi, kitubhangesa kudiwana!
DILONGE DINGI
Tala kyebhi lelu ojingijiye axikina mu ima izwela o Bibidya, mu kusuluka tokwesa ikanenu ya Bibidya.
4. O jingijiye axikina mu ima izwela o Bibidya
Mukulu athu avulu axikinene kwila o ixi yakexile kuthandu dya kima. Tala OVIDYU.
Tala yasoneka mudivulu dya Jobe mu 3.500 jamivu kudima. Tanga Jobe 26:7, mukusuluka bhanga okibhwidisu kyakayela:
-
Mukonda dyahi okixinganeku kya kwila o ixi yazenzamena “bhwakambe kima” kitubhangesa kudiwana?
O athu atendela ngó o unyunginu wamenya (ciclo da água) mukubhita 200 jamivu kudima. Maji tala ihi yazwela o Bibidya muzanda amivu kudima. Tanga Jobe 36:27, 28, mukusuluka bhanga o ibhwidisu yakayela:
-
Mukonda dyahi o unyunginu wamenya (ciclo da água) ukubhangesa kudiwana?
-
Okwila o ibatulu ya Bibidya iwatange kyá yakolesa okidyelelu kyé mu Bibidya?
5. O Bibidya yakanene kya o izulukutu ya katunda yeji bhita
Tanga Izaya 44:27–45:2, mukusuluka bhanga okibhwidisu kyakayela:
-
Ihi yazwelele o Bibidya 200 jamivu kudima yalungu ni kubwika o ilumbu ya Babilonya?
Omusoso ulondekesa kwila Silu, o Sobha ya Pelesa ni kifuxi kyê kyamasoladi atambula ombanza ya Babilonya kumuvu wa 539 A.K.K. b Kuma omenya angiji akexile mufidisa o athu kubokona mumbanza, ene abhangesa omenya kuyila kwengi. Kuma akwa Babilonya alanduka kujika omabhitu, ene abokona mumbanza sé kubhânga. Kwabhiti kya 2.500 jamivu ndenge tunde Babilonya kiyaxala ngundu mba iphulungunzu. Tala ihi yakanena o Bibidya yalungu ni maka enya.
Tanga Izaya 13:19, 20, mukusuluka bhanga okibhwidisu kyakayela:
-
Kyebhi kyadikumbidila okikanenu kiki?
O iphulungunzu ya Babilonya mu izuwa yalelu mu ixi ya Iraque
6. O Bibidya yakanene kya o ima itwamumona lelu
O Bibidya yamba kwila twala “mu izuwa isukidilaku.” (2 Timote 3:1) Tala ihi yakanena o Bibidya yalungu ni izuwa yiyi.
Tanga Matesu 24:6, 7, mukusuluka bhanga okibhwidisu kyakayela:
-
Ima yahi yakanena o Bibidya kwila yeji bhita mu izuwa isukidilaku?
Tanga 2 Timote 3:1-5, mukusuluka bhanga o ibhwidisu yakayela:
-
Idifwa yebhi yajimbulula o Bibidya yeji kala nayu o athu mu izuwa isukidilaku?
-
Idifwa yebhi yayibha iwene mumona ku athu lelu?
ATHU AVULU AMBA: “O Bibidya divulu ngó dyamisoso yamakutu.”
-
Mudyé, ihi ikubhangesa kudyelela dingi mu Bibidya?
IHI IWADILONGO
Kikale omisoso, omilongi ya jingijiye ni ikanenu, ilondekesa kwila eye utena kudyelela mu Bibidya.
Kubhitulula
-
Okwila omisoso yala mu Bibidya yabhiti mwene?
-
Ima yahi ilondekesa kwila ojingijiye axikina mu ima izwela o Bibidya?
-
Eye uxikina kwila o Bibidya ikanena o ima yandabhita kuhádya? Mukonda dyahi?
TOKWESA DINGI
Okwila o Bibidya yalweza mumilongi yalungu ni jingijiye?
“Okwila Omilongi ya Jingijiye Ixikina omilongi ya Bibidya?” (Milongi mu jw.org)
Ima yebhi ilondekesa kwila twala mwene “mu izuwa isukidikalu”?
“Samanu Dya Ikanenu ya Bibidya Eye Wamumona o Ikumbidilu Yê” (O Mulangidi 1 wa Kanake wa 2011)
Ijiya kyebhi kyadikumbidila okikanenu kya Biblidya kyalungu ni Utuminu wa Ngelexa.
Tala omusoso wa Andreas, muthu kaxikinine kwila kwene Nzambi. Tala kyebhi o ikanenu ya Bibidya yalungulula o ibanzelu yê.
“Eme ki Ngi Xikinine Kuila Kuene Nzambi” (O Mulangidi No. 5 2017)
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
