KIBATU 1
Tundé ku Ibhangelu Katé ku Dilúvio
Kiebhi kia tukuluka o diulu ni ixi? Kiebhi kia tukuluka o muanha o dieji, o jithéthembua, ni ima ioso iala mu ixi? O Bibidia i bhana o kitambuijilu kia kidi kuma, Nzambi ua bhange o ima ioso. Kienhiki o divulu dietu di mateka ni misoso ia Bibidia ia lungu ni ibhangelu.
O ibhangelu ia dianga ia Nzambi, tua-nda dilonga kuma, exile athu mu nzumbi a difuangana ni muéne. Exile ji-anju. Maji o ixi ai bhange phala athu kála etu. Kienhiki, Nzambi ua bhange diiala ni muhatu, a exana Adá ni Eva, iu ua a tula mu jaludim ia uabha. Maji ene a xibhakele Nzambi, ni a texi o ufôlo ua ku kala ni muenhu.
Tundé kia bhange Adá, katé ku Dilúvio, kua bhiti 1.656 ja mivu. Mu thembu ienioió mua kexile athu avulu aiibha. Mu diulu, mua kexile athu a nzumbi, Satanaji ni ji-anju jê jaiibha. Mu ixi mua kexile Kaini, ni athu a mukuá aiibha ni maiala a nguzu. Maji mua kexile ué athu ambote kála Abele, Enoko, ni Noué. Mu Kibatu kia DIANGA, tua-nda tanga maka alungu ni athu iâ, ni ioso ia bhiti na-iu.
IN THIS SECTION
MUSOSO 1
Nzambi ua Mateka ku Bhanga o Ima
O misoso ya dimatekenu ya ibhangelu, yabhebhuluka kwitendela, ya wabha—kate mwene phala o ana ndenge.
MUSOSO 2
O Jaludim ia Uabha
Kala kilondekesa o divulu dya Dimatekenu, Nzambi wabhange o njaludim ya Edene kala kididi kya katunda. Nzambi wa mesena kwila o ixi yoso ikale we kala kyexile mu njaludim.
MUSOSO 3
O Diiala Dia Dianga ni Muhatu
Nzambi wabhange Adá ni Eva yu wa ate mu njaludim ya Edene. Ene exile o dikaza dya dyanga.
MUSOSO 4
Mukonda Diahi a Texi o Dibhata Diâ
O divulu dya Bibidya, Dimatekenu di tu tangela kyebhi o palayizu ya texika.
MUSOSO 5
A Mateka o Muenhu ua Hadi
Kyoso kya akaye mu njaludim ya Edene, bhu kanga Adá ni Eva adibhana ni ibhidi yavulu. Se abelesele Nzambi, ki kale ene ni twana twe ejikala ni mwenyu wambote.
MUSOSO 6
Mona Uambote ni Mona Uaiibha
O musoso wa Kayini ni Abele, utu sanga mu divulu dya Dimatekenu utulonga se ukexilu webhi utwatokala kukala nawu—ni idifwa ki twa tokala kukala nayu phala ki tudibhane ni ibhidi yavulu.
MUSOSO 7
O Diiala Dia Suína
O phangu ya Inoke ilondekesa kwila eye utena kubhanga o kima kya tokala, ne mwene se watungu bhwaxaxi ka athu a ibha.
MUSOSO 8
Makixi mu Ixi
O divulu dya Dimatekenu, mu kibatulu 6 dizwela yalungu ni athu exile Makixi, exile mu talatala kya ibha o athu. O makixi ya exile mwa exana Jinefelime, exile twana twa jianju abhukumuka axisa o dyulu, eza mu ixi ni mikutu ya athu.
MUSOSO 9
Noué u Tunga o Álaka
Nowé ni mwiji we abhuluka mu diluvyu, mukonda abelesela Nzambi, sumbala athu amukwa ka belesela Nzambi.
MUSOSO 10
O Dilúvio Dionene
O athu akexile mu kwelela Nowé kyoso kyakexile mwatula o njimbu ya kufundisa. Maji kyoso o menya adiluvyu kya mateka o kunoka, ene ka kexile mu kwelela! Dilonge se kyebhi o alaka yatungu Nowé yabhulula Nowé, mwiji we ni yama yavulu.
