MUKONDA DYAHI KIMA KYAMBOTE KUBHANGA KIKI: Jihova u bhangesa o mbutu ya kidi kukula ku mixima ya yó a “fwamena o mwenyu ki wabhwa.” (Ik 13:48; 1Ko 3:7) Etu tu kalakala nê mu ukunji, kyoso ki tu sota kukwatekesa o athu a xikina o ima i twa longa. (1Ko 9:26) O maxibulu a Bibidya a bhingi kutendela kwila, phala kubhuluka, kubhinga kudibatizala. (1Ph 3:21) Twa kwatekesa kukala maxibulu a Jezú, mu kwa longa kulungulula o ukexilu wa mwenyu wâ, kuboka ni kulonga akwá, ni kubhakula o myenyu yâ kwa Jihova.—Mat 28:19, 20.

KYEBHI KI TU TENA KUBHANGA KIKI:

• Lembalala o maxibulu mé kwila, o kudilonga o Bibidya, kwa-nda kwa kwatekesa ‘kwijiya’ Jihova, ni kubhanga o vondadi yê.—Nz 17:3

• A kwatekese kudibhana ni jitendasá, kuxisa o mawukexilu ayibha ni makamba a ayibha, n’a kule mu nzumbi

• A swinise ande dya kwa batizala, ni kyoso kya-nda kwa batizala.—Ik 14:22

TALA O VIDYU, JIHOVA WA-NDA KU KWATEKESA. MU KUSULUKA, TAMBWIJILA O IBHWIDISU YA KAYELA:

• Ihi i tena kufidisa o muthu kudibhakula ni kudibatizala?

• Kyebhi o tufunga kya tena kukwatekesa o maxibulu a Bibidya kukula mu nzumbi?

• Ihi i tu longa o divulu dya Izaya 41:10, ya lungu ni Jihova?

• Idifwa yebhi ya-nda tu kwatekesa kusidivila Jihova, né mwene tu akwa ituxi?