O misambu yoxikine yedikala wasu wadizumba, yexile mubhana kwa Jihova mu tembulu izuwa yoso. (Jis 141:2) Kyoso kituzwela kwa Tat’etu yahenda ni kumusakidila, kumutangela o ibhindamu yetu, ibanzelu yetu ni kumubhinga o itendelesu yê, etu tulondekesa kwila tubhana valolo mu ukamba wetu ni mwene. Mu kidi, Jihova umona o misambu yetu mu kididi kya ubhezelu kala mbandu yabekota ya ubhezelu wetu. Maji, Jihova usanguluka kyoso mu misambu yetu tujikula o muxima phala kumutangela kyebhi kitwamubanza, kyebhi kitwamudivwa ni kuzwelanê mu ithangana yavulu!—Ji 15:8.

TALA OVIDYU EME NGAWABHELA KYAVULU O MUSAMBU, MUKUSULUKA TAMBWIJILA O IBHWIDISU YAKAYELA:

• Maujitu ebhi exile nawu Phange Johnson mu sidivisu ya Jihova?

• Kyebhi Phange Johnson kyalondekesa kwila wadyelele kwa Jihova mu musambu wê?

• Ihi iwadilongo mu musoso wa Phange Johnson?