MUKONDA DYAHI KIMA KYAMBOTE KUBHANGA KIKI: Kwakambe ngó, sayi ima yanda bhita twanda bhinga kulondekesa kuswina ni kidyelelu kwa Jihova m’ukulu ndenge. O hadi yadikota yanda mateka ni kibwikilu kya jingeleja jamakutu. (Mat 24:21; Dij 17:16, 17) Mukithangana kiki kya hadi, nange twanda boka njimbu yakufundisa. (Dij 16:21) Twanda dibhana ni kizukutisu kya Ngongo dya Mangongo. (Ize 38:10-12, 14-16) Phala kuzokela o mundu wê, Jihova wanda bheka o “ita ya kizuwa kya Dikota kya Nzambi, Muteni-a-Yoso.” (Dij 16:14, 16) Phala kukolesa o kuswina kwetu ku izulukutu yanda bhita ku hádya, twa tokala kukala fiyele mu kudibhana ni jitendasá lelu.

KYEBHI KI TUTENA KUBHANGA KIKI:

• Mu kukayela ni kuswina kwoso o Itumu yoso ya Jihova.—Iz 5:20

• Mu kuya jinga mu yônge.—Jih 10:24, 25

• Mu kukala polondo phala kubelesela o itendelesu ya kilunga kya Jihova.—Jih 13:17

• Mu kuxinganeka kyebhi Jihova kyabhulula o mundu wê m’ukulu.—2Ph 2:9

• Mu kusamba kwa Jihova ni kumudyelela.—Jis 112:7, 8

TALA O VIDYU, IZULUKUTU YA-NDA BHITA KU HÁDYA, I TWA-NDA BHINGA KULONDEKESA KUSWINA—MBANDU YA VIDYU, MUKUSULUKA TAMBWIJILA O IBHWIDISU YAKAYELA:

• Polova yebhi yakubelesela yadibhananayu o aboki akilunga kimoxi kyoso kya awanuna phala kuya mu ilunga yengi?

• Mukonda dyahi twabhingi kuswina phala kubelesela?

• Mukonda dyahi twanda bhinga kuswina kyoso kyanda kwiza o Alumajedone?

• Musoso webhi wa Bibidya utena kutukwatekesa kukolesa o kixikanu kyetu kyakwila Jihova utena kutubhulula?—2Mal 20:1-24