Jowele 3:1-21
3 “Talesenu! Mu izuwa yenyoyo,Kyoso ki nganda bheka dingi mu Judá ni mu Jeluzaleme yó a akwikile,
2 Nganda bhongolola we o ifuxi yoso,Ni ku abhangesa kukulumuka mu honga ya Jozafate.*
Nganda ku afundisa mwenyomo,Nganda lungisa o mundu wami, o undundu wami, Izalayele,Mukonda ene a amwanga-mwanga mwaxaxi ka ifuxi,O ifuxi i yadiwanena o jimbanza jatokalele ku jiselevende jami.
3 O ifuxi yate jisolote phala kudiwanena o mundu wami,Exile musumbisa o kamunzangala ka diyala phala kufuta o kidyanzunga,Ene exile musumbisa o kakilumba phala kusumba vinyu, n’a nwe.
4 Éye Tilu ni Sidónya ni jimbandu joso ja akwa FidíxaMwa ngikwatela-hi unguma?
O kwila mwa mu ngivutwila phonzo mu kima ki ngabhange?
Se mwa mu ngivutwila phonzo,Nganda mi vutwila-yu ni lusolo, kala ki mwabhange.
5 Kuma mwambata o phalata ni ulu yami,O jimbote jami ji ngawabhela dingi, mwa jambata we mu jitembulu jenu,
6 O mundu wa Judá ni wa Jeluzaleme, mwa asumbisa ku akwa Ngelexya,Phala ku akatula mu ixi yâ ni kwa ambata dikanga,
7 Nganda kwakatula mu ixi mu mwa asumbisa, ni ngi abheke dingi mu ixi yâ,Nganda mivutwila phonzo, kala ki mwabhange.
8 O twana twenu twa mala ni twa ahatu nganda kwa bhakula* bhu maku a mundu wa Judá,Ene we anda kwa bhakula ku akwa Sabá, kifuxi kyala dikanga,Mukonda Jihova mwéne wakitange.
9 Kolenu-kyu mwaxaxi ka ifuxi:
‘Disokejekyenu phala o ita! Balumunenu o mazonda!
Masoladi moso azukame, ende ku pholo!
10 Matemu menu kitulenu-wu jixibhata, jimvu* jenu kitulenu-ju jisosa.
O wazoza ambe: “Eme ngala ni nguzu.”
11 Zenu mudikwatekese mudyenu, enu mu ifuxi yoso mwala mu jimbandu, dibundyenu!’”
Jihova tata, kulumukisa o masoladi-mê mu kididi kyenyokyo.
12 “Ifuxi yoso iphaphumuke, ize mu honga ya Jozafate,Mukonda bhwene bhu nganda xikama phala kufundisa o ifuxi yoso yala mu jimbandu.
13 Kwatenu o ibhôlola mukonda o idima yakolo* kya.
Izenu, dyotenu, mukonda o kididi kya kubhangela o vinyu kyezala.
O ididi ya kubhangela o vinyu ya mubwabumuka, mukonda o kuyibha kwa ifuxi kwavulu.
14 Mu honga ya kufundisa, mwala athu avulu,Mukonda o kizuwa kya Jihova kya kufundisa o athu bhenyobho, kyazukama.
15 O dikumbi dyanda xiketela, o mbeji we yanda xiketela,O jithéthembwa kijanda bhenya dingi.
16 Jihova wanda dikola mu Ziyone,Wanda zangula o dízwi dyê mu Jeluzaleme.
O maulu anda teketa, o ixi yanda teketa we,Maji Jihova wanda kala dilengelu phala o mundu wê,Ni mbonge phala o mundu wa Izalayele.
17 Enu mwanda kwijiya kwila éme ngi Jihova Nzambi yenu, ngatungu mu Ziyone o mulundu wami ukôla.
Jeluzaleme yanda kala kididi kikôla,O akwa jixi jengi kanda bhitila-mu dingi.
18 Mu kizuwa kyenyokyo, ku milundu kwanda tunda vinyu ya ubhe,Ku tumilundu kwanda tunda lete,O tungiji twa Judá twanda fwafwa menya avulu.
Mu inzo ya Jihova mwanda moneka otho ya menya,Anda kungulukila mu honga ya mixi ya Akasya.
19 Maji ixi ya Ijitu yanda kituka ngundu,O ixi ya Idomo yanda kituka kikangalakata kyahatu,Mukonda dya usweya wabhange ku mundu wa Judá,O ixi mwazunzumwina o manyinga a athu akambe kikuma.
20 Maji mu Judá ni mu Jeluzaleme,Mwanda tunga athu kate ku hádya ni hádya.
21 Nganda kwaloloka o kikuma kyâ kya manyinga.Jihova wanda tunga mu Ziyone.”
Footnotes
^ Dilombolola, “Jihova mufundixi.”
^ Mu Heba.: “kwa sumbisa.”
^ Falamenda ya kudima-nayu.
^ Mba, “yabhi.”
