Kya Sesa, mu kizuwa kya 24 kya Kawana ka 2023, kyandatenesa kyá muvu tundé kyamateka o ita ku Ucrânia. Sayi minangu yambe kwila, 300.000 a masoladi akwa Ucrânia ni akwa Rússia a ajibha mba a akwama ni kwila 30.000 a athu afu mu ita. Maji nange o mixinda ya athu afu yadibandekesa dingi.

 Tuluwala mu kumona kwila, nange o ita yiyi ki yandabhwa kindala.

•   “Kwakambe phala kutenesa muvu tundé kyoso o masoladi a Rússia kyabokona ku Ucrânia. Seku kima kilondekesa kwila o ita yandabhwa kindala, mba se mbandu yebhi yandatolola o ita. Mbaphe se o atwameni a jixi jiji andaxikama phala kusota kubatula o maka.”—NPR (National Public Radio), 19 dya Kawana ka 2023.

 Athu avulu mu ngongo aluwala kyavulu mukonda dya hadi yene mubhekela o ita yiyi ni ita ya mukwá. Kidyelelu kyebhi kitubhana o Bibidya? O kwiila sayi kizuwa o ita yandabhwa?

 O Bibidya izwela yalungu ni ita yandabhulula o athu, mu veji dya kwabwika. A ixana mu dijina dya Alumajedone, o “ita ya kizuwa kya dikota kya Nzambi Muteni wa Yoso.” (Dijingunwinu 16:14, 16) Bhukaxi ka ita yiyi Nzambi wandazubha o mautuminu oso mu ngongo, ene mubheka ita yavulu yene mujibhisa o athu. Phala kwijiya kyebhi o Alumajedone yandabheka o kutululuka kwa kalelaku, tanga o milongi ya kayela:

•   “O Ita ya Alumajedone Ihi?”

•   “O Alumajedone Njimbu Yambote!”