•   “Ku ixi ya America, mu athu oso akulu kya, o athu azwela kwila adibhanene kya ni uhaxi wakudivwa ubheka, nange kwakambe ngo bhofele phala kutenesa kaxaxi ka athu, o abeta mu kudibhana ni uhaxi yu o minzangala akulu kya.”—Nossa Epidemia de Solidão e Isolamento: Assessoria do Cirurgião Geral dos EUA sobre os Efeitos Curativos da Conexão Social e da Comunidade, 2023.

•   “[O Kisangela Phala Kusaka o Athu ku Mundu Woso] kya bhana ngolokela ya kwila kwala kisangela kya ubhe phala kudyongeka o athu pholo ni pholo na zwela maka alungu ni kyebhi o kudivwa ubheka kutena kutubhangesa mwene kukamba kukala ni sawidi yambote, kyene kyajimbulula we kwila o kudyongeka mba kuzwela pholo ni pholo kwene o sabhi phala kukwatekesa kuzubha o uhaxi yu ku mundu woso.”—Organização Mundial da Saúde, 15 ya Kamoxi ka 2023.

 Mu Bibidya tusangamu itendelesu ikwatekesa o athu kukala ni ukamba ukwatekesa o athu kukala ni sawidi yambote.

 Sosolola o ima ikubhangesa kukala ubheka thembu yavulu. O ima yiyi yalungu ni kukala thembu yavulu mu kudizwelesa ni athu bhu kaxi ka internete. Mu veji dya kiki sota kukala ni kudizwelesa ni athu pholo ni pholo ni kubhanga makamba ambote.

•   Milongi ya Bibidya: “Dikamba u zola mu thembu joso; o ndandu u di monekena mu jiphaxi.”—Jisabhu 17:17.

 Sota kukwatekesa akwenu. Katuku o kukolesa o ukamba, o kubhanga mbote ku akwetu kutubhangesa kudivwa kyambote.

•   Milongi ya Bibidya: “O kubhana kusangulukisa dingi, o kutambula ndenge”—Ikalakalu 20:35.

 Phala kusanga dingi milongi ya Bibidya yalungu ni kyebhi ki utena kubhanga makamba ambote bokona mu saite yetu.