សេចក្ដីផ្ដើមផ្នែកទី១២

លេង

លោកយេស៊ូបង្រៀនមនុស្សអំពីរាជាណាចក្រស្ថានសួគ៌។ លោកក៏បង្រៀនពួកគេឲ្យអធិដ្ឋានសុំឲ្យនាមព្រះបានបរិសុទ្ធ សុំឲ្យរាជាណាចក្រព្រះបានមកដល់ និងសុំឲ្យបំណងប្រាថ្នាព្រះបានសម្រេចនៅផែនដីដូចនៅស្ថានសួគ៌ដែរ។ បើអ្នកជាឪពុកម្ដាយ សូមជួយពន្យល់កូនថាសេចក្ដីអធិដ្ឋាននេះ មានន័យយ៉ាងណាចំពោះយើង។ លោកយេស៊ូមិនព្រមឲ្យសាថានបំផ្លាញភក្ដីភាពរបស់លោកទេ។ លោកបានជ្រើសរើសអ្នកកាន់តាមខ្លះឲ្យធ្វើជាសាវ័ក ហើយពួកគេបានក្លាយជាគ្រឹះនៃរាជាណាចក្រព្រះ។ សូមកត់សម្គាល់ចិត្តខ្នះខ្នែងរបស់លោកចំពោះការគោរពប្រណិប័តន៍ពិត។ លោកយេស៊ូចង់ជួយមនុស្ស ដូច្នេះលោកបានធ្វើឲ្យអ្នកដែលឈឺជាសះស្បើយ ផ្ដល់អាហារដល់អ្នកស្រេកឃ្លាន និងប្រោសមនុស្សស្លាប់ឲ្យរស់ឡើងវិញ។ អព្ភូតហេតុរបស់លោកយេស៊ូបង្ហាញទុកជាមុន អំពីអ្វីដែលរាជាណាចក្ររបស់ព្រះនឹងធ្វើសម្រាប់មនុស្សជាតិ។

គោលសំខាន់ក្នុងមេរៀន

លោកយេស៊ូបង្គាប់ពួកអ្នកកាន់តាមឲ្យផ្សព្វផ្សាយអំពីរាជាណាចក្រព្រះ ហើយបង្រៀនមនុស្សឲ្យក្លាយទៅជាអ្នកកាន់តាមលោក
សូមអធិដ្ឋានអំពីរឿងដែលទាក់ទងនឹងព្រះយេហូវ៉ា មុននឹងអធិដ្ឋានអំពីរឿងផ្ទាល់ខ្លួន
ចូរអភ័យទោសដោយស្មោះអស់ពីចិត្ត ហើយប្រព្រឹត្តចំពោះគេ ដូចដែលអ្នកចង់ឲ្យគេប្រព្រឹត្តចំពោះអ្នក