ចម្រៀងលេខ៦៩
ចូរបន្តផ្សាយដំណឹងពីរាជាណាចក្រ!
(ធីម៉ូថេទី២ ៤:៥)
-
១. បន្តផ្សាយដំណឹងពីរាជ្យព្រះដល់
មនុស្សគ្រប់ជាតិសាសន៍ទាំងអស់
មានចិត្តស្រឡាញ់ដល់អ្នកជិតខាងយើង
ជួយជនស្លូតឲ្យតាំងចិត្តស្មោះ
យើងមានឯកសិទ្ធិណាស់បម្រើបិតា
បណ្ដាំលោកយើងត្រេកអរប្រកាស
ចូរផ្សព្វផ្សាយពីរាជ្យព្រះអស់ពីចិត្ត
តម្កើងនាមរបស់លោកល្អល្អះ។
(បន្ទរ)
បន្តប្រកាសផ្សាយដំណឹង
រាជ្យព្រះពាសពេញដល់ទីជិតឆ្ងាយ
ចូរឈានទៅមុខស្មោះនឹងព្រះយេហូវ៉ា
អស់ពីចិត្តនិងកាយ។
-
២. អ្នកដែលព្រះរើសតាំងនិងចៀមឯទៀត
រួមគ្នាឈានទៅមុខឥតឈប់
ទាំងក្មេងចាស់និងប្រុសស្រីទាំងអស់គ្នា
ក្ដីពិតយើងត្រូវដឹងសព្វគ្រប់
ដំណឹងថារាជ្យព្រះជិតដល់ហើយណា៎
មនុស្សទាំងអស់ត្រូវរៀនដឹងស្គាល់
យើងផ្សព្វផ្សាយដោយពឹងលើកម្លាំងយ៉ា
ហើយឥតខ្លាចព្រោះលោកជួយយើងផ្ទាល់!
(បន្ទរ)
បន្តប្រកាសផ្សាយដំណឹង
រាជ្យព្រះពាសពេញដល់ទីជិតឆ្ងាយ
ចូរឈានទៅមុខស្មោះនឹងព្រះយេហូវ៉ា
អស់ពីចិត្តនិងកាយ៕
(សូមពិនិត្យបន្ថែម ចសព. ២៣:៤; សកម្ម. ៤:២៩, ៣១; ១ពេ. ២:២១)
