១. ដើរ​ជា​មួយ​ព្រះ​ដោយ​ចិត្ត​សុភាព

បង្ហាញ​ក្ដី​ស្រឡាញ់​ស្មោះ​ត្រង់

នៅ​ជិត​ព្រះ​យេហូវ៉ា​និង​ទុក​ចិត្ត​លោក

ហើយ​បាន​កម្លាំង​ពី​លោក​ផង

ចូរ​កាន់​តាម​សេចក្ដី​ពិត​លោក​ថ្លា​ថ្លៃ

នោះ​អ្នក​នឹង​មិន​បែរ​គេច

ដូច្នេះ​ឲ្យ​ព្រះ​បង្រៀន​រាល់​ថ្ងៃ

កាល​អ្នក​ស្ដាប់​តាម​លោក​មិន​ភ្លេច។

២. ដើរ​ជា​មួយ​ព្រះ​ដោយ​បរិសុទ្ធ

ហើយ​គិត​ពី​អ្វី​ដែល​ទៀង​ត្រង់

ស៊ូ​ទ្រាំ​នឹង​ក្ដី​ល្បួង​ព្រះ​លោក​ជួយ​ប្រាកដ

មិន​ឲ្យ​អ្នក​ពិបាក​សៅ​ហ្មង

អ្វី​ៗ​ដែល​គួរ​ឲ្យ​សរសើរ​ថ្លៃ​ថ្លា

អ្វី​ៗ​ណា​ដែល​ពិត​ត្រង់

ចូរ​យើង​បន្ត​ពិចារណា

នោះ​ព្រះ​យើង​លោក​មិន​បោះ​បង់។

៣. ដើរ​ជា​មួយ​ព្រះ​ដោយ​ចិត្ត​ស្មោះ​សរ

រីក​រាយ​ដែល​លោក​ជា​មិត្ត​អ្នក

អំណោយ​ទាំង​ប៉ុន្មាន​និង​ពរ​ដ៏​បវរ

សូម​យើង​ចេះ​ដឹង​គុណ​ដល់​ព្រះ

ដើរ​ជា​មួយ​ព្រះ​ទាំង​មាន​ចិត្ត​ត្រេក​អរ

ច្រៀង​សរសើរ​លោក​យ៉ាង​លះ

មនុស្ស​ដឹង​ថា​អ្នក​មាន​អំណរ

ព្រោះ​អ្នក​ជា​របស់​ផង​ព្រះ៕