ចម្រៀងសរសើរព្រះ ២:១-១២
២ ហេតុអ្វីប្រជាជាតិនានាជ្រួលច្របល់?
ហេតុអ្វីពួកគេខ្សឹបខ្សៀវ*អំពីរឿងដែលគ្មានប្រយោជន៍?+
២ ពួកស្ដេចនៅផែនដីតាំងខ្លួនជាសត្រូវហើយមន្ត្រីជាន់ខ្ពស់ប្រមូលគ្នា*+ប្រឆាំងព្រះយេហូវ៉ានិងអ្នកដែលលោកបានរើសតាំង។*+
៣ ពួកអ្នកទាំងនោះពោលថា៖ «ចូរបំបែកខ្នោះដែលពួកគេដាក់ពួកយើងហើយបណ្ដាច់ខ្សែពួរដែលពួកគេចងពួកយើងទៅ!»។
៤ លោកដែលអង្គុយលើបល្ល័ង្កនៅស្ថានសួគ៌នឹងសើចគឺព្រះយេហូវ៉ានឹងចំអកឲ្យពួកគេ។
៥ ពេលនោះ លោកនឹងមានប្រសាសន៍ទៅកាន់ពួកគេទាំងមានកំហឹងហើយធ្វើឲ្យពួកគេភ័យរន្ធត់ ដោយសារលោកខឹងយ៉ាងខ្លាំង។
៦ លោកមានប្រសាសន៍ថា៖ «ខ្ញុំបានតែងតាំងស្ដេចមួយរូប+ឲ្យគ្រប់គ្រងនៅស៊ីយ៉ូន+ជាភ្នំបរិសុទ្ធរបស់ខ្ញុំ»។
៧ ខ្ញុំសុំប្រកាសបញ្ញត្តិរបស់ព្រះយេហូវ៉ា។
លោកមានប្រសាសន៍មកខ្ញុំថា៖ «អ្នកជាកូនរបស់ខ្ញុំ+ហើយចាប់ពីថ្ងៃនេះទៅ ខ្ញុំជាឪពុករបស់អ្នក។+
៨ ចូរសុំខ្ញុំ នោះខ្ញុំនឹងប្រគល់ប្រជាជាតិនានាដល់អ្នកជាមត៌កហើយឲ្យផែនដីទាំងមូលដល់អ្នកជាកម្មសិទ្ធិ។+
៩ អ្នកនឹងវាយបំបែកពួកគេដោយដំបងរាជ្យដែក+ហើយអ្នកនឹងកម្ទេចពួកគេដូចកម្ទេចឆ្នាំងដី»។+
១០ ដូច្នេះឥឡូវ ឱស្ដេចទាំងឡាយអើយ ចូរបង្ហាញការយល់ធ្លុះជ្រៅឱពួកអ្នកសម្រេចក្ដីនៅផែនដីអើយ ចូរទទួលយកការកែតម្រង់ចុះ។*
១១ ចូរបម្រើព្រះយេហូវ៉ាដោយកោតខ្លាចហើយចូរគោរពលោកយ៉ាងជ្រាលជ្រៅដោយត្រេកអរ។
១២ ចូរលើកកិត្តិយស*បុត្រ+របស់ព្រះ។ បើមិនដូច្នោះទេ ព្រះ*នឹងខឹងហើយអ្នករាល់គ្នានឹងត្រូវវិនាស*+ព្រោះកំហឹងរបស់លោកនឹងផ្ទុះឡើងភ្លាមៗ។
ប៉ុន្តែ អស់អ្នកដែលយកលោកជាទីពឹងជ្រក នោះមានសុភមង្គលហើយ។
កំណត់សម្គាល់
^ ឬ«រំពឹងគិត»
^ ឬ«ប្រឹក្សាគ្នា»
^ ឬ«គ្រិស្ត»
^ ឬ«ចូរស្ដាប់តាមការព្រមាន»
^ ន័យត្រង់«ថើប»
^ ន័យត្រង់«លោក»
^ ន័យត្រង់«វិនាសចេញពីផ្លូវ»
