ចម្រៀងសរសើរព្រះ ១០៥:១-៤៥
-
ព្រះយេហូវ៉ាបង្ហាញចិត្តស្មោះត្រង់ចំពោះរាស្ត្រលោក
-
ព្រះចងចាំកិច្ចព្រមព្រៀងរបស់លោក (៨-១០)
-
«កុំប៉ះពាល់ពួកអ្នកដែលខ្ញុំបានរើសតាំងឲ្យសោះ» (១៥)
-
ព្រះបានប្រើយ៉ូសែបដែលជាខ្ញុំបម្រើ (១៧-២២)
-
ការអស្ចារ្យរបស់ព្រះនៅស្រុកអេហ្ស៊ីប (២៣-៣៦)
-
ជនជាតិអ៊ីស្រាអែលចាកចេញពីស្រុកអេហ្ស៊ីប (៣៧-៣៩)
-
ព្រះនឹកចាំសេចក្ដីសន្យាជាមួយនឹងអាប្រាហាំ (៤២)
-
១០៥ ចូរថ្លែងអំណរគុណដល់ព្រះយេហូវ៉ា+ ហើយហៅរកនាមលោកចូរផ្សាយអំពីស្នាដៃរបស់លោកដល់ប្រជាជាតិនានា!+
២ ចូរច្រៀងជូនលោក ចូរច្រៀង*សរសើរលោកចូររំពឹងគិត*អំពីស្នាដៃដ៏អស្ចារ្យទាំងអស់របស់លោក។+
៣ ចូរអួតអំពីនាមបរិសុទ្ធរបស់លោក+ចូរឲ្យអ្នកដែលស្វែងរកព្រះយេហូវ៉ាមានចិត្តសប្បាយ។+
៤ ចូរស្វែងរកព្រះយេហូវ៉ា+ និងសុំកម្លាំងពីលោកចូរស្វែងរកជំនួយពីលោកជានិច្ច។
៥ ចូរនឹកឃើញស្នាដៃដ៏អស្ចារ្យរបស់លោកចូរនឹកឃើញអព្ភូតហេតុនិងការវិនិច្ឆ័យរបស់លោក+
៦ អ្នករាល់គ្នាជាកូនចៅ*អាប្រាហាំដែលជាអ្នកបម្រើរបស់លោក+អ្នករាល់គ្នាជាកូនចៅយ៉ាកុប និងជាអ្នកដែលលោកបានជ្រើសរើស។+
៧ លោកគឺយេហូវ៉ាជាព្រះរបស់យើង+លោកជាអ្នកវិនិច្ឆ័យក្ដីនៅទូទាំងផែនដី។+
៨ លោកចងចាំកិច្ចព្រមព្រៀងរបស់លោកជាដរាប+គឺចងចាំសេចក្ដីសន្យា*របស់លោកជារៀងរហូត+
៩ គឺជាកិច្ចព្រមព្រៀងដែលលោកបានធ្វើជាមួយនឹងអាប្រាហាំ+និងជាសម្បថដែលលោកបានស្បថនឹងអ៊ីសាក។+
១០ លោកបានបញ្ជាក់សម្បថនោះដោយចេញបញ្ជាមួយដើម្បីជាការធានាដល់យ៉ាកុប និងជាកិច្ចព្រមព្រៀងដ៏ស្ថិតស្ថេរជាមួយនឹងអ៊ីស្រាអែល។
១១ លោកមានប្រសាសន៍ថា៖ «ខ្ញុំនឹងឲ្យទឹកដីស្រុកកាណានដល់អ្នក+ទុកជាមត៌ក»។+
១២ ពេលនោះពួកគេមានចំនួនតិចនៅឡើយ+គឺមានគ្នាតិចណាស់ ហើយពួកគេជាជនបរទេសក្នុងទឹកដីនោះ។+
១៣ កាលនោះ ពួកគេបានដើរពីស្រុកមួយទៅស្រុកមួយពីរាជាណាចក្រមួយទៅរាជាណាចក្រមួយ។+
១៤ លោកមិនអនុញ្ញាតឲ្យអ្នកណាម្នាក់សង្កត់សង្កិនពួកគេឡើយ។+
ប៉ុន្តែ លោកបានប្រដៅស្ដេចនានាដើម្បីការពារពួកគេ។+
១៥ លោកមានប្រសាសន៍ថា៖ «កុំប៉ះពាល់ពួកអ្នកដែលខ្ញុំបានរើសតាំងឲ្យសោះហើយកុំធ្វើបាបពួកអ្នកប្រកាសទំនាយរបស់ខ្ញុំឡើយ»។+
១៦ លោកធ្វើឲ្យទឹកដីនោះជួបគ្រោះអត់ឃ្លាន+លោកធ្វើឲ្យពួកគេលែងមានអាហារបរិភោគ*ទៀត។
១៧ លោកចាត់បុរសម្នាក់ឲ្យទៅមុនពួកគេគឺយ៉ូសែបដែលបានត្រូវលក់ឲ្យធ្វើជាខ្ញុំបម្រើ។+
១៨ គេដាក់ខ្នោះជើងគាត់+ក៏យកខ្នោះដែកដាក់កគាត់ដែរ។
១៩ រហូតដល់ពាក្យរបស់លោកក្លាយជាការពិត។+
ប្រសាសន៍របស់ព្រះយេហូវ៉ាបានធ្វើឲ្យគាត់ស្អាតបរិសុទ្ធ។
២០ ស្ដេចបានចាត់គេឲ្យទៅដោះលែងគាត់+អ្នកគ្រប់គ្រងបណ្ដារាស្ត្របានឲ្យគាត់មានសេរីភាពវិញ។
២១ ស្ដេចតែងតាំងគាត់ឲ្យមើលខុសត្រូវលើវិមានព្រមទាំងឲ្យគាត់គ្រប់គ្រងលើទ្រព្យសម្បត្តិទាំងអស់របស់ស្ដេចទៀតផង។+
២២ ស្ដេចបានឲ្យគាត់មានអំណាចត្រួតត្រាលើពួកមេដឹកនាំរបស់ស្ដេចតាមចិត្តរបស់គាត់ហើយឲ្យគាត់បង្រៀនពួកអ្នកនាំមុខ*ឲ្យមានប្រាជ្ញា។+
២៣ រួចមក អ៊ីស្រាអែលបានចូលមកក្នុងស្រុកអេហ្ស៊ីប+ហើយយ៉ាកុបបានស្នាក់នៅជាជនបរទេសក្នុងទឹកដីរបស់ហាំ។
២៤ ព្រះធ្វើឲ្យរាស្ត្ររបស់លោកមានកូនចៅកាន់តែច្រើនឡើង+លោកធ្វើឲ្យពួកគេមានកម្លាំងខ្លាំងជាងពួកសត្រូវ។+
២៥ លោកទុកឲ្យពួកសត្រូវស្អប់រាស្ត្ររបស់លោកហើយអនុញ្ញាតឲ្យពួកគេរៀបគម្រោងធ្វើបាបពួកអ្នកបម្រើរបស់លោក។+
២៦ លោកបានចាត់ម៉ូសេជាអ្នកបម្រើរបស់លោក+និងចាត់អេរ៉ុន+ជាអ្នកដែលលោកបានជ្រើសរើស ឲ្យទៅជាមួយគ្នា។
២៧ លោកបានឲ្យពួកគាត់ធ្វើការអស្ចារ្យនៅចំពោះមុខពួកគេ*និងឲ្យពួកគាត់ធ្វើអព្ភូតហេតុផ្សេងៗក្នុងទឹកដីរបស់ហាំ។+
២៨ លោកធ្វើឲ្យទឹកដីនោះងងឹតសូន្យឈឹង។+
ពួកគាត់មិនបានប្រឆាំងនឹងប្រសាសន៍របស់លោកឡើយ។
២៩ លោកធ្វើឲ្យទឹករបស់ពួកគេប្រែទៅជាឈាមហើយធ្វើឲ្យត្រីរបស់ពួកគេស្លាប់។+
៣០ មានកង្កែបពាសទឹកពាសដីក្នុងស្រុករបស់ពួកគេ+សូម្បីតែក្នុងវិមានស្ដេច ក៏មានដែរ។
៣១ លោកបញ្ជាហ្វូងរបោមនិងហ្វូងសុចឲ្យចូលទៅធ្វើទុក្ខបុកម្នេញពេញទឹកដីរបស់ពួកគេ។+
៣២ លោកទម្លាក់ដុំទឹកកកជំនួសភ្លៀងលោកបាញ់ផ្លេកបន្ទោរ*ទៅលើទឹកដីរបស់ពួកគេ។+
៣៣ លោកបំផ្លាញចម្ការទំពាំងបាយជូរនិងដើមល្វាតូចរបស់ពួកគេព្រមទាំងកម្ទេចដើមឈើទាំងប៉ុន្មានក្នុងស្រុកនោះ។
៣៤ លោកបង្គាប់ហ្វូងកណ្ដូបឲ្យចូលរុករានកណ្ដូបទាំងនោះមានចំនួនច្រើនឥតគណនា។+
៣៥ ពួកវាស៊ីបង្ហិនរុក្ខជាតិទាំងអស់ដែលមានក្នុងទឹកដីរបស់ពួកគេហើយពួកវាស៊ីបំផ្លាញផលដំណាំរបស់ពួកគេខ្ទេចខ្ទីអស់។
៣៦ បន្ទាប់មក លោកបានសម្លាប់កូនច្បងទាំងអស់របស់ពួកគេក្នុងស្រុកនោះ+គឺកូនដំបូងដែលពួកគេបានបង្កើត។
៣៧ លោកបាននាំរាស្ត្ររបស់លោកចេញមកទាំងមានមាសនិងប្រាក់+ហើយក្នុងចំណោមកុលសម្ព័ន្ធរបស់លោក គ្មានអ្នកណាម្នាក់ខ្សោយ*ឡើយ។
៣៨ ពេលរាស្ត្ររបស់លោកចាកចេញទៅ ពួកអេហ្ស៊ីបក៏អរសប្បាយព្រោះពួកគេខ្លាចជនជាតិអ៊ីស្រាអែលខ្លាំងណាស់។+
៣៩ លោកលាតពពកគ្របបាំងជនជាតិអ៊ីស្រាអែល+ហើយលោកដាក់ភ្លើងបំភ្លឺពួកគេនៅពេលយប់។+
៤០ ពួកគេសុំអាហារពីលោក ហើយលោកបានឲ្យសត្វក្រួចដល់ពួកគេ+លោកបានផ្ដល់អាហារ*ពីស្ថានសួគ៌ឲ្យពួកគេបរិភោគឆ្អែតស្កប់ស្កល់។+
៤១ លោកបានបើកថ្ម រួចទឹកក៏ហូរចេញមក+ទឹកនោះហូរកាត់តំបន់ស្ងាត់ជ្រងំប្រៀបដូចជាទន្លេ។+
៤២ ព្រោះលោកនឹកចាំសេចក្ដីសន្យាដ៏ពិសិដ្ឋដែលលោកបានធ្វើជាមួយនឹងអាប្រាហាំជាអ្នកបម្រើរបស់លោក។+
៤៣ ហេតុនេះ លោកបាននាំរាស្ត្ររបស់លោកចេញមកទាំងស្រែកអរសប្បាយ+គឺពួកអ្នកដែលលោកបានជ្រើសរើស បានចេញមកទាំងបន្លឺសំឡេងត្រេកអរ។
៤៤ លោកប្រគល់ទឹកដីរបស់ប្រជាជាតិនានាឲ្យពួកគេ+ពួកគេចូលទៅគ្រប់គ្រងលើភោគផលដែលជនជាតិឯទៀតខិតខំធ្វើយ៉ាងនឿយហត់។+
៤៥ លោកធ្វើដូច្នេះ ដើម្បីឲ្យពួកគេរក្សាបញ្ញត្តិរបស់លោក+ហើយធ្វើតាមច្បាប់របស់លោក។ចូរសរសើរយ៉ា!*
កំណត់សម្គាល់
^ ឬប្រហែលជាមានន័យថា«ថ្លែងប្រាប់»
^ ឬ«លេងភ្លេង»
^ ន័យត្រង់«ពូជ»
^ ន័យត្រង់«បង្គាប់»
^ ន័យត្រង់«លោកបំបាក់ដំបងនំប៉័ងទាំងអស់»។ នេះប្រហែលជាសំដៅលើដំបងដែលប្រើសម្រាប់ព្យួរនំប៉័ង
^ ឬ«ពួកបុរសចាស់ទុំ»
^ តាមមើលទៅនេះសំដៅលើពួកអេហ្ស៊ីប
^ ឬ«បាញ់អណ្ដាតភ្លើង»
^ ឬ«ជំពប់ដួល»
^ ន័យត្រង់«នំប៉័ង»
^ ឬ«ហាឡេលូយ៉ា!»។ «យ៉ា»ជាឈ្មោះកាត់របស់ព្រះយេហូវ៉ា
