Napasuliaq Alapernaar­suiffik silarsuarmi atuagassianit allanit tamanit naqiter­neqar­ner­paavoq. Saqqum­mersut tamarmik 59 millionin­ngorlugit naqiter­neqartar­put. Vågn op! naqiter­neqar­ner­paat tulleraat, saqqum­mersum­mi tamarmik 58 millionin­ngorlugit naqiter­neqartaramik. Atuagassiat marluk taakku Jehovap Nalunaajaa­suinit saqqum­mersin­neqartar­put nunanilu 240-ni agguaan­neqartarlutik.

Atuagassiam­mi saqqum­mersin­neqartartut allat? The Association of Magazine Media naapertorlugu atuagassiaq USA-mi pisiarineqar­ner­paaq AARP-mit, peqatigiiffim­mit inunnik 50-it sinnerlugit ukiulinnik sullissisumit, saqqum­mersin­neqartar­poq. Atuagassiaq taanna 22,4 millionin­ngorlugu naqiter­neqartar­poq. Tysklandimi ADAC Motorwelt agguaqatigiissillugu 14 millioningajan­ngorlugu naqiter­neqartar­poq, Kinamiullu atuagas­siaataat Gushi Hui (oqaluttuat) 5,4 millionin­ngorlugu naqiter­neqartar­poq.

Aviisini Japanimiut aviisiat Yomiuri Shimbun siaruarsimaner­paavoq. Aalajanger­simasumik 10 millioninit amerlane­rusun­ngorlugu naqiter­neqartar­poq.

Nalunaajaasut saqqum­mersittagaat aamma nutser­neqar­neruleralut­tuinnar­put. Napasuliaq Alapernaar­suiffik oqaatsinut 250-init amerlanerusunut nutser­neqartar­poq Vågn op!-ilu oqaatsinut 100-nit amerlanerusunut nutser­neqar­tarluni. Taakkununnga naleqqiullugu Reader’s Digest oqaatsinut 21-nut naqiter­neqartar­poq imarisaalu nunamiit nunamut assigiinneq ajorlutik.

Napasuliaq Alapernaar­suiffik aamma Vågn op! atuagassiat aviisillu eqqaariikkavut assiginagit nammineq piumassutsimik tunissutit atorlugit aningaasa­lersor­neqar­put, aamma pilerisaa­rutigi­neqar­neq ajorlutillu akeqan­ngillat.

Napasuliaq Alapernaar­suiffik-mik saqqum­mersitsisar­nermi Biibilimi ajoqersuu­tigi­neqar­tunik – pingaartumik Guutip naalagaaffia pillugu Biibilimi allassimasunik – nassuiaanissaq siunertari­neqar­poq. Atuagassiaq 1879-imiilli aalajanger­simasumik saqqum­mersin­neqartar­poq. Vågn op!-imi Pinngor­titsisoq upperineqaler­niassam­mat sammisat inuppassuar­nit soqutigineqartut, soorlu pinngortitarsuaq ilisimatusar­nerlu, sam­mineqartar­put. Aamma tamatumani erseqqissar­neqartar­poq Biibilip ullumikkut inuunitsin­ni qanoq atoriaan­naatiginera.