Naatsiivilerisut orpinnik eginik ahorninillu ikkussugassanik usingiaasut. Orpiit nutaat 1.400-nit amerlanerusut Warwickip eqqaani ikkussorneqarput.

Warwickimi sulisut Naalakkap unnukkorsiortitsinerani najuuttut. Pisumi tamatumani, Jehovap Nalunaajaasuisa nunarsuaq tamakkerlugu ukiut tamaasa nalliussisartagaannut, inuit katillugit 384-it peqataapput.

Sanasut isaaffiup igalaassaanik ikkussuisut. Isaaffimmi paarsisut takornarianik tikilluaqqusisassapput, isumannaallisaanermik suliaqassapput kiisalu biilerlutik isertunik anisunillu nakkutiginnittassallutik.

Erneriit natersualersuisartut inini alliup tulliini torsuusami natersuarnik mikisunik ikkussuisut. Natersuit mikisut aserorsimasut angisuunit taarseruminarnerugamik kikkunnit tamanit isersimaffigineqarsinnaasuni atorneqarnerusarput.

Sanasut allaffinni iikkanik nuunneqarsinnaasunik ikkussuisut. Taamaalilluni allaffeqarfiit init pisariaqartinneqartut naapertorlugit allanngortinneqarsinnaapput.

Sanaartoqataasup perusuersartarfik, saaffiginnittarfiup eqqaaniittoq, anartarfilersornissaanut iikkersornissaanullu piareersaraa.

Qatserisartut sungiusarlutik qatserisut. Taamatut pisoqarnissaanut sungiusarnermikkut Warwickimi sulisut illersorsinnaavaat inissiallu ikuallatsaaliorsinnaallugit, taamaaliornermikkullu illoqarfimmi qatserisartut ikiorsinnaavaat.

Ullaakkut Biibilimik eqqartuinerup siulliup internetikkut takutinneqarnissaa sioqqutilaarlugu saqisup Warwickimi sanaartoqataasut nerisarfimmi sumi issiassanerannik ikiorai.

Sanasup allagartat 2.500-nit amerlanerusut ineqartunut takornariartunullu iluaqutaasussat ilaat laseri atorlugu ikkukkaa.

Saviminernik nipititerisup saaffiginnittarfimmiit inersuarmut majuartarfiit sinaakkutaat ikkussorai. Assip ataani tippit ikuallassinnaanngitsut natermut iikkamullu illersuutaapput.

Saqqummersitsivimmi “Uppernermik suliakkut ersersitsineq”-mi, saqqummersitsisarfiit pingasuusut takornariartitsisoqarnani alakkarneqarsinnaasut ilaanni, iikkap akunneri qalipaasup matoorai. Saqqummersinneqartut naapertorlugit init kusassarneqartarput.

Nateq betonngi supoorussuit atorlugit salinneqartoq. Tamatuma kingorna aserfallatsaaliuinermut iluaqutaasumik sorujunnullu assakaasunullu illersuutaasumik taninneqassaaq.

Sanasut saaffiginnittarfiup isaariaata qulaani glasfiberinik qalialersuisut. Sisamanik teqeqqullit akimut ersittut isertarfimmik pingaarnermik qaamatitsisarput.

Aappariit saqqummersitsivimmut “Biibili Guutillu aqqa”-mut isaariami granitflisenik ikkussuisut.

Sanasup inersuarmi issiaviit 1.018-it ilaat katiteraa. Tassani Betelimi anersaakkut ilaqutariit Napasuliaq Alapernaarsuiffik-mik atuaqqissaaqatigiittassallutillu oqalugiaatit assigiinngitsut tusarnaartassavaat.

Sanasut saaffiginnittarfimmi tikilluaqqusinermik allagartaq qullitalik ikkukkaat.

Qatanngutit arnat marluk saaffiginnittarfimmi sulisut imigassaannik kuisisut. Pingaartumik kiatseruttoraangat sulisut imerluartarnissaminnik eqqaasinneqartarput.

Sanasup saqqummersitsivimmi “Biibili Guutillu aqqa”-mi Biibilinut qaqutigoortunut saqqummersitsiviit ikkussorai. Aamma Biibilit assigiinngitsut Biibilimullu attuumassuteqartut assiinngitsut paarlakaajaattumik saqqummersinneqartassapput.

Sanasup seqersartoq iluaqutigalugu saaffiginnittarfimmi nunarsuup assinganik ilusilersuinermini Australiap Asiallu kujataata kangisissuani qeqertat assingi ikkussorai. Taaguut Jehovap Nalunaajaasui oqaatsit 700-t missaanniittut atorlugit iikkamut allanneqarpoq.

Betelimi anersaakkut ilaqutariit ataatsimiittut. Ataatsimiinnermi Betelimi Warwickimiittumi kiffartulerumaartussat tikilluaqquneqarput isumannaallisaanerlu pillugu ilisimatinneqarlutik.

Qullilerfissuaq JW Broadcasting-imik immiussisarfimmi nerriviup qulaaniittussaq nivinngarneqarpoq. Immiussisarfimmi atortut amerlanerpaat Brooklynimi immiussisarfiusimasumit nuunneqarput.

Innaallagisserisup isertarfimmi allagartaq nutaaq LED-nik qullilik ikkussoraa. Septembarip aallaqqaataanni qullersaqarfimmi allaffeqarfiit amerlasuut Warwickimut nooreersimapput.