1-3. (a) Uimi is­siavis­saarsua qanil­liar­toramiuk Esteri qanoq misigiva? (b) Esterip sas­sar­nera kun­ngip qanoq isumaqarfigaa?

ESTERIP is­siavis­saarsuaq qanil­liar­tor­til­lugu uum­mataa til­lerulup­poq. Takorlooruk Persiami Susap il­lus­saarsuani suna tamarmi nipaangaarmat Esterip al­loriar­tar­nini dron­ningitul­lu atisami siar­palun­nerat tusaasin­naagai. Il­lus­saarsuarmi kaajaluisaq alutor­nangaar­toq, sukat kusanar­tut qilaarlu Libanonip cederiinik sanaaq qiperugaq eq­qarsaatiginaveersaar­pai. Kun­ngi, inuuin­nar­nis­saminik toqunis­saminil­luun­niit aalajangiisus­saq, kisiat eq­qarsaatigaa.

² Kun­ngip Esteri ap­pakaak­kiar­tor­toq alaatsinaap­paa kun­ngisul­lu tigumiani kuultiusoq tungaanut isaal­lugu. Taman­na soqutaar­pasin­ngilaq, kun­ngil­li taamaalior­nermigut Esterip inatsim­mik unioq­qutitsinera – qaaq­quneqarsimanani kun­ngimut sas­sar­nera – pil­lugu pin­ngitsuutip­paa. Is­siavis­saarsuup eq­qaanut pigami Esterip qujamasul­luni kun­ngip tigumiaata nuua at­tor­paa. – Est 5:1, 2.

³ Kun­ngip Ahasverusip pisoorsuunera pis­saaneqangaar­neralu ersaril­luin­nar­poq. Taamani Perserit kun­ngiisa atisaat koruuninik mil­liardinit amerlanerusunik naleqar­tar­put. Esteril­li uimi asan­nip­pasil­luni isiginera takusin­naavaa. Kun­ngi ima oqar­poq: “Sumik oqaasis­saqar­pit, dron­ningi Esteri? Suna kis­saatigaajuk? Naalagaaf­fiul­luun­niit af­faa kis­saatigiguk­ku pis­savat!” – Est 5:3.

4. Esteri sumik unam­miniagas­saqar­pa?

⁴ Esterip in­nut­tani nungutitaanis­samit aniguisin­niarlugit kun­ngimut sas­sar­nermigut up­perluar­nini sapiingaar­ninilu ersersereer­pai. Sas­sar­ninili kun­ngimit akuerineqaraluar­toq suli unam­miniagas­saqangaar­poq. Siun­nersor­timi tatigisaaner­paap ajor­tuunera juutinil­lu toqutas­san­ngor­titsinis­samik sal­loqit­tar­neqarsimanera pil­lugu Esterip kun­ngi makitasooq qularun­naarsit­tus­saavaa. Qanoq taamaalius­sava, up­per­neralu qanoq ilin­niarfigisin­naavar­put?

5, 6. (a) Najoq­qutas­siaq Salomop al­lataa Esterip qanoq maleruar­paa? (b) Esterip silatusaar­nini qanoq ersersip­paa?

⁵ Kun­ngik­kormiut al­lat najuutsil­lugit ajor­nar­torsiut Esterip  kun­ngimut oqalut­tuaris­savaa? Taamaalioruni kun­ngi nikanarsarsin­naal­lugulu siun­nersor­taa Hamani un­nerluus­sutiminut akinis­samut periarfis­sis­savaa. Taamaat­tumik Esteri sua? Ukiut 100-l­lit tamatuma sior­nagut kun­ngi Salomo silatooq isumas­sarsisitaal­luni ima al­lap­poq: “Suut tamarmik aalajangersimasumik pif­fis­saligaap­put. ... Nipangersimaf­fis­saqar­poq oqaluf­fis­saqarlunilu.” (Oqal 3:1, 7) Takorloorsin­naavar­put Mordokajip ar­naq inuusut­toq perorsaramiuk najoq­qutas­sianik tamak­kunin­nga ilin­niar­tit­tarsimas­sagaa. Esterip pif­fis­saal­luar­tup nal­liun­nis­saanut ‘nipangersimanis­sani’ paasil­luarsimavaa.

⁶ Esteri oqar­poq: “Kun­ngip iluariguniuk nerersuar­nis­samut kun­ngimut piareersak­kan­nut ul­lumi aggis­sagaluar­poq Hamani ilagalugu.” (Est 5:4) Kun­ngi akuersivoq Hamanilu aggersar­til­lugu. Esterip silatusaar­nera maluginiar­piuk? Uini nikanarsar­nagu isumakuluutimi oqalut­tuarinis­saanut pif­fis­saal­luar­nerusumut utaq­qivoq. – Ussatit 10:19 atuaruk.

7, 8. Esterip nerersuar­titsinera siul­leq qanoq ip­pa, kisian­ni sooq ajor­nar­torsiut pil­lugu oqaaseqan­ngila?

⁷ Esteri qular­nan­ngitsumik nerersuar­titsineq piareersaq­qis­saarlugulu  kun­ngip mamarisaanik piareersaatitsivoq. Qaaq­qusat nuan­naaler­nias­sam­mata viin­ni pitsaasoq sas­saal­liutigineqar­poq. (Tus­s 104:15) Ahasverusi nuan­nisar­poq Esterilu apereq­qil­lugu sumik kis­saateqar­nersoq. Maan­na oqalun­nis­samut pif­fis­san­ngor­pa?

⁸ Esterip pif­fis­saasorin­ngin­namiuk kun­ngi Hamanilu aqaguani nerersuar­titsinermut qaaq­qoq­qip­pai. (Est 5:7, 8) Sooq pif­fis­saasorin­ngilaa? Eq­qaamajuk kun­ngip peq­qus­sutaa pis­sutigalugu Esterip in­nut­tai toqutaasus­san­ngormata. Taman­na pin­ngitsoor­tik­kumal­lugu Esteri pif­fis­saq­qis­sumi oqaaseqar­tariaqar­poq. Taamaat­tumik uiminik ataq­qin­ningaar­nini ersersin­niarlugu aalajanger­poq kingusin­nerusuk­kut oqaaseqar­niarluni.

9. Erinitsajuin­neq qanoq pingaaruteqar­tigaa, tamatumun­ngalu tun­ngatil­lugu Esteri qanoq ilaarsin­naavar­put?

⁹ Erinitsajuin­neq pis­susiuvoq qaqutigoor­toq pingaaruteqar­torlu. Esteri er­numangaaraluarluni kun­ngilu pisunik oqalut­tuuk­kusungaaraluarlugu pif­fis­saal­luar­tup nal­liun­nis­saanut erinitsajuil­luni utaq­qivoq. Ilaan­neeriarluta pis­sutsit aaq­qin­neqar­tariaqar­tut takusaratsigit maligas­siuinera ilin­niarfigingaarsin­naavar­put.  Oqar­tus­saas­suseqar­toq ajor­nar­torsium­mik aaq­qeeq­qul­lugu oqaluuk­kutsigu erinitsajuin­nik­kut Esteri ilaar­tariaqarsin­naavar­put. Us­satit 25:15-imi al­las­simavoq: “Erinitsajuisaar­nik­kut naalagar­taq al­lamik isumas­sarsisin­neqar­tar­poq, oq­qap qanilaar­tup saar­ngit napisin­naavai.” Esteritut pif­fis­saal­luar­tup nal­liun­nis­saa erinitsajuil­luta utaq­qigutsigu saamasumil­lu oqaluk­kut­ta al­laat isumaqataan­ngil­luin­nar­toq akuersitis­sin­naavar­put. Erinitsajuin­nini silatusaar­ninilu pil­lugit Guutiminit, Jehovamit, Esteri pil­luaq­quneqar­pa?

10, 11. Sooq nerersuar­titsinerup siul­liup kingor­na Hamani isumagis­saarun­naar­pa, aam­ma nuliaminit ikin­ngutiminil­lu qanoq kajumis­saar­neqar­pa?

¹⁰ Esteri erinitsajuim­mat maluginiar­nar­tunik pisoqar­poq. Hamani kun­ngimit dron­ningimil­lu iluarineqarsoraluni nerersuar­titsinermit  ingerlagami ‘nuan­naarlunilu isumagis­saar­poq’. Hamanil­li il­lus­saarsuup isaaf­fiani Mordokaji, juuteq im­minut seeq­qum­merfigin­nik­kuman­ngitsoq, siumor­paa. Kapitalip siuliani sam­misatsitut Mordokajip ataq­qin­nin­ngin­nini pis­sutiginagu nalun­ngeqatigin­nis­sutsinili Jehovamil­lu Guutimik ikin­nguteqar­nini pis­sutigalugit seeq­qum­merfigerusun­ngilaa. Hamanil­lu “kamaatingaaler­paa”. – Est 5:9.

¹¹ Hamanip nulia ikin­ngutaalu narrunarsaaneq pil­lugu oqalut­tuun­neqaramik Hamani 22 meterit sin­nerlugit por­tus­susilim­mik qimitsivilioq­qul­lugu Mordokajil­lu tas­sunga nivin­ngar­neqar­nis­saanik kun­ngimut qin­nuteqaq­qul­lugu kajumis­saar­paat. Siun­nersuutaat iluaralugu Hamani ingerlaan­naq qimitsivilior­titsivoq. – Est 5:12-14.

12. Sooq kun­ngi pisimasunik eq­qaamasariaqar­tunik nalunaarsuutinik atuf­fan­neqar­pa, sunalu paasivaa?

¹² Un­nuak­kul­li ‘sinis­saaruk­kami’ kun­ngip pisimasunik eq­qaamasariaqar­tunik nalunaarsuutit atuar­neqar­nias­sam­mata aasip­pai. Tamatumani Ahasverusimik toqutseriaraluar­neq aam­ma atuar­neqar­poq. Pisoq eq­qaamavaa. Toqutsiniar­tut tigusaap­put toqun­neqarlutil­lu. Mordokajili toqutsiniar­toqar­neranik qulaarisoq qanoq pineqar­pa? Akis­sarsisin­neqarsimanersoq kun­ngip apeq­qutigaa. Angul­li sun­nguamil­luun­niit akis­sarsisin­neqan­ngilaq. – Esteri 6:1-3 atuakkit.

13, 14. (a) Hamanip atugai qanoq ajorsiar­tor­pat? (b) Hamani nuliaminit ikin­ngutiminil­lu qanoq oqarfigineqar­pa?

¹³ Kun­ngip kuk­kuneq taman­na aaq­qik­kusuk­kamiuk kimit ikior­neqarsin­naanerluni apeq­qutigaa. Nalaatsor­nik­kut Hamani ul­laaralaak­kut – Mordokajip toqutaanis­saa qin­nutiginiarunarlugu – kun­ngip il­lus­saarsuaniip­poq. Hamanili suli oqaaseqan­ngitsoq kun­ngip aperaa angut kun­ngimit iluarisaq qanoq ataq­qinaaser­neqarsin­naanersoq. Hamani pineqarsoraluni siun­nersuutigaa angut ataq­qinaaserumal­lugu kun­ngip atisaanik atisiteriarlugu kun­ngip hestianik Susami hester­tin­neqas­sasoq sioraanilu kun­ngip naalagar­taasa akimaner­paar­taasa ilaat angut nersorlugu suaar­tas­sasoq. Takorlooruk Mordokajip ataq­qinaaser­neqar­tus­saanera tusaramiuk Hamani qanoq isik­koqarsimas­sasoq! Kun­ngil­lu kina taamatut nersuisus­san­ngor­tip­paa? Hamani! – Est 6:4-10.

¹⁴ Sulias­siis­sut nakerinagu suliarereeramiuk Hamani isumatsaq­qal­luni angerlapal­lap­poq. Kik­kut tamarmik tak­kuan­ni Mordokajimik nersuinera taas­sumin­nga akerlilersuinermini iluatsin­navian­ngin­neranut takus­sutis­satut nuliata ikin­ngutaasalu isigaat. – Est 6:12, 13.

15. (a) Esterip erinitsajuin­nera qanoq kinguneqarluar­pa? (b) Sooq erinitsajuin­nis­sar­put pingaaruteqar­pa?

 ¹⁵ Esteri erinitsajuil­luni kis­saatimi kun­ngimut oqalut­tuarinis­saanut ul­loq ataaseq utaq­qim­mat Hamani im­minut aagin­nar­poq. Jehovap Guutip kun­ngi sinis­saarutsis­simasin­naavaa? (Us­s 21:1) Tupin­nan­ngilaq Guutip oqaasiani erinitsajuitsooq­qul­luta kajumis­saar­neqarat­ta. (Mika 7:7 atuaruk). Guuti utaq­qigutsigu im­maqa paasis­savar­put nam­mineq iliuuserisin­naasatsin­nit pitsaanerungaar­tumik ajor­nar­torsiutivut aaq­qik­kumaarai.

16, 17. (a) Esterip oqaaseqar­nis­saanut qanga pif­fis­san­ngor­pa? (b) Esteri kun­ngip nuliakuanit Vashtimit qanoq al­laanerutigaa?

¹⁶ Esterip kun­ngi utaq­qiseq­qik­kusun­ngin­namiuk aap­pas­saanik nerersuar­titsigami sunik tamanik oqalut­tuut­tariaqar­paa. Qanorli taamaalius­sava? Kun­ngip sumik kis­saateqar­toq apereq­qik­kamiuk taamaalior­nis­saanut periarfis­sip­paa. (Est 7:2) Esterip oqaaseqar­nis­saanut pif­fis­san­ngor­poq.

¹⁷ Im­maqa Esteri Guutiminut nipaatsumik qinoriarluni kun­ngimut oqar­poq: “Il­lit isin­ni saam­maan­narsisimaguma, kun­ngi, kun­ngil­lu iluarip­pagu, taava inuunera asat­tuuguk; tas­sa qin­nutigisara! Inuiaqatik­kalu uan­nut tun­niutik­kit; tas­sa kis­saatigisara!” (Est 7:3) Maluginiaruk kun­ngip iluarinar­titaa suugaluar­torluun­niit ataq­qiniarlugu uini neriorsormagu. Esterip Vashtimit, kun­ngip nuliakuanit piaaraluni uiminik nikanarsaasumit, al­laanerul­luin­nas­susia! (Est 1:10-12) Tamatuma saniatigut sianiil­liorluni Hamanimik tatigin­nin­nera pil­lugu Esterip kun­ngi uparuan­ngilaa. Inuunerminil­li navianar­torsior­titsisumut il­lersoq­qul­luni kun­ngi kimigiiserfigaa.

18. Esterip ajor­nar­torsiut kun­ngimut qanoq qulaar­paa?

 ¹⁸ Kun­ngip taman­na qular­nan­ngitsumik eq­qis­siun­naarutigalugulu tupaal­laatigaa. Kina sapiiserluni dron­ningimik navianar­torsior­titsis­sagami? Esteri ima nangip­poq: “Uanga inuiaqatik­kalu akigineqarsimavugut piiagas­san­ngorluta, toqutas­san­ngorluta nungutitaasus­san­ngorlutalu. Ilumul­li inus­siatuin­naq, angutitut ar­natul­lu, akigineqarsimagaluarut­ta taava nipangersimaan­nas­sagaluar­punga perlus­sior­titaaneq taama it­toq kun­ngimut sulias­sersuutaas­sal­luni suun­ngeqim­mat!” (Est 7:4) Maluginiaruk ajor­nar­torsiut Esterip un­neq­qaril­luni qulaaraluarlugu inus­sian­ngor­nis­saq pineqaan­narsimasuup­pat nipangersimaan­nas­sagaluarluni oqaatigim­magu. Inuian­nil­li toqoraaneq kun­ngimut ajoqutaasus­saam­mat oqaatigisariaqar­paa.

19. Al­lanik qularun­naarsitsiniaanermut tun­ngatil­lugu Esteri qanoq ilin­niarfigisin­naavar­put?

¹⁹ Al­lanik qularun­naarsitsiniaanermut tun­ngatil­lugu Esteri ilin­niarfigingaarsin­naavar­put. Ajor­nar­torsiut aaq­qin­neqar­tariaqar­toq asasan­nut inum­mul­luun­niit oqar­tus­saas­susilim­mut oqaatigis­saguk­ku erinitsajuin­neq, ataq­qin­nin­neq un­neq­qarin­nerlu iluaqutigingaarsin­naavatit. – Us­s 16:21, 23.

20, 21. (a) Hamanip toqutsiniar­nera Esterip qanoq qulaar­paa, kun­ngilu sua? (b) Hamani peq­qusersusaar­tutut qunutuutul­lu qulaar­neqarami sua?

²⁰ Ahasverusi kamal­luni aperivoq: “Kinaava sumiip­palu taan­na taamaalior­nis­samik eq­qarsaateqalersimasoq?” Takorlooruk Esteri tik­kuariarluni ima oqar­toq: “As­sor­tuisoq akerarlu, inupiluk Hamani una!” Taama sak­kor­tutigisumik un­nerluun­neqarami Hamani sua? Ersitsat­torujus­suuvoq. Takorlooruk siun­nersor­timi tatigisami nuliaminik asasaminik toqutsinis­samut  sal­loqit­tarluni atsior­tis­simagaani paasil­lugu kun­ngi kaman­nermik kiinamigut aap­pil­leruloor­toq. Kun­ngi im­minut eq­qis­sisar­niarluni naatsiiviliarsuarmut anipal­lap­poq. – Est 7:5-7.

²¹ Hamani peq­qusersusaar­tutut qunutuutul­lu qulaar­neqarami dron­ningip isigaasa saavan­nut pal­lor­poq. Kun­ngip uterluni Hamani nal­lit­toq­qul­luni Esterip nalaasaarfigisaaniit­toq takugamiuk angerlarsimaf­fim­mini nuliaminik ator­nerluiniar­tutut kamal­luni un­nerluutigaa. Hamani taama un­nerluun­neqarami toqun­neqar­tus­san­ngor­poq. Kiinaa uleriarlugu an­nin­neqar­poq. Taava kif­fat ilaata Hamanip Mordokajimut qimitsiviliaa pil­lugu kun­ngi oqalut­tuup­paa. Hamanip tas­sunga nivin­ngar­neqar­nis­saa Ahasverusip ingerlaan­naq peq­qus­sutigaa. – Est 7:8-10.

22. Esterip maligas­siuinera isumatsalin­ngin­nis­samut, misigit­taatsun­ngun­ngin­nis­samut neriuutaarutin­ngin­nis­samul­lu qanoq iluaqutigisin­naavar­put?

²² Ul­lumik­kut silarsuarmi naaper­tuil­luan­ngif­fiusumi eq­qarsalersoorsin­naavugut naaper­tuil­luar­tumik pisoqan­ngisaan­nas­sasoq. Taamatut misiginikuuit? Esteri isumatsaler­nanilu misigit­taatsun­ngor­nanilu neriuutaarutin­ngilaq. Pif­fis­san­ngormat pis­sutsit piviusut sapiil­luni oqalut­tuarai Jehoval­lu pisariaqar­tumik iliuuseqar­nis­saa qularinagu. Maligas­saal­luangaarami! Esterip nalaaniil­li Jehova al­lan­ngorsiman­ngilaq. Hamanimut ilior­nermisut inuit ajor­tut peq­qusersusaar­tul­lu nam­mineq pul­latiliamin­nut nak­kar­tin­nis­saan­nut suli pis­saaneqangaar­poq. – Tussiaat 7:12-17 atuakkit.

23. (a) Kun­ngip Mordokaji Esterilu qanoq akis­sarsisip­pai? (b) Jaakup toqungajalerluni Benjamini pil­lugu siulit­tuutaa qanoq eq­quup­pa? (Takuuk ungalusaq “ Siulit­tuutip eq­quun­nera”).

²³ Kiisami kun­ngip Mordokaji kinaasoq, Esterip ataatarsiaa ilumoorfigin­nil­luni kun­ngimik toqutsiniar­tunik qulaarisoq, paasivaa. Ahasverusip Hamani taarserlugu Mordokaji ministeriunin­ngor­tip­paa. Hamanip il­lua aningaasaater­pas­suilu kun­ngip Esterimut tun­niup­pai, taas­sumalu Mordokaji taak­kunun­nga paarsisun­ngor­tip­paa. – Est 8:1, 2.

24, 25. (a) Hamanip toqutsiniar­nera qulaar­neqarmat Esteri er­numas­sutaarup­pa? (b) Esterip inuunini qanoq navianar­torsior­teq­qip­paa?

 ²⁴ Mordokajilu navianar­torsiorun­naaramik Esteri er­numas­sutaarup­pa? Naamik. Tamatuma nalaani juutit tamarmik toqorar­neqar­nis­saan­nik Hamanip peq­qus­sutaa naalagaaf­fis­suarmut tamarmut nas­sius­suun­neqar­poq. Pilersaarutipiluni pif­fis­sami sorlermi piviusun­ngor­tis­sal­lugu pitsaaner­paanersoq paasiniarlugu Hamani anersaarsior­titsigunarluni pur-imik im­meraatsitsivoq. (Est 9:24-26) Qaam­matit arlal­lit aatsaat qaangiup­pata taman­na pisus­saagaluar­toq pif­fis­saq ingerlaler­tupal­lap­poq. Toqoraaneq pin­ngitsoor­tin­neqarsin­naava?

²⁵ Qaaq­quneqarsiman­ngik­kaluarluni Esterip nam­minis­sarsiorani kun­ngimut sas­saq­qin­nermigut inuunini navianar­torsior­teq­qip­paa. Maan­na in­nut­tani qis­satigai kun­ngilu qin­nuigalugu peq­qus­sut ajorluin­nar­toq ator­tus­saajun­naarseq­qul­lugu. Perseril­li kun­ngiata aq­qani inatsit atorun­naarsin­neqarsin­naan­ngilaq. (Dan 6:13, 16) Kun­ngil­li Esteri Mordokajilu nutaamik inatsisiliorsin­naatip­pai. Inatsim­mi nas­sius­suun­neqar­tumi juutit im­min­nut il­lersor­nis­samut pigin­naatin­neqar­put. Peq­qus­sut taman­na nas­sarlugu hestersut naalagaaf­fis­suaq tamaat angal­lavigaat. Maan­na juutit neriuutis­saqaler­put. (Est 8:3-16) Takorloorsin­naavar­put peq­qus­sut nutaaq tun­ngavigalugu naalagaaf­fis­suarmi juutit tamarmik  sorsun­nis­samut piareersarlutik sak­kulersor­tut. ‘Katersaarsuil­li Jehovaata’ in­nut­tani najus­savai? – 1 Sam 17:45.

26, 27. (a) Jehovap in­nut­tami akeq­qamin­nut ajugaal­luin­nar­nis­saat qanoq qulak­keer­paa? (b) Hamanip er­neri toqun­neqarmata siulit­tuut suna eq­quutitin­neqar­pa?

²⁶ Ul­loq nal­lium­mat Guutip in­nut­tai piareeq­qap­put. Al­laat Perserit qaf­fasis­sumik atorfil­lit amerlasuut juuteq Mordokaji ministeriunin­ngorsimasoq tusaramik­ku Perserit naalagaaf­fis­suan­ni juutit il­lersuler­paat. Jehovap in­nut­tani ajugaaterujus­suar­pai. Akeraasut akiniaaq­qin­ngin­nias­sam­mata ajorsar­til­luin­nar­pai. * – Est 9:1-6.

²⁷ Tamatuma saniatigut Hamanip ajor­tup il­lugisimasaanik Mordokajip paarsisuutil­luni inuunera navianar­torsiun­ngin­nias­sam­mat Hamanip er­neri qulit toqutaap­put. (Est 9:7-10) Taamaalil­luni Amalekik­kut Guutip in­nut­taanut akeraasut ajor­tut nungutin­neqar­nis­saan­nik Biibilimi siulit­tuut eq­quutitin­neqar­poq. (5 Mos 25:17-19) Im­maqa Hamanip er­neri inuiaqatigiin­ni perloq­qusani kingul­ler­paal­lutik toqutaap­put.

28, 29. (a) Sooq Esterip in­nut­taasalu sorsoqataanis­saat Jehovap piumasaraa? (b) Esterip maligas­siuinera qanoq iluaqutigisin­naavar­put?

²⁸ Esterip inuusut­tuul­luni akisus­saaf­fiit an­ner­tuut – as­sersuutigalugu sorsun­nis­samik toqutsinis­samil­lu kun­ngip peq­qus­sutaanik naam­mas­sisitsineq – isumagisus­saavai. Taman­na ajor­naatsuin­naasimanavian­ngilaq. Mis­siarsi neriorsuutigisaq, inuian­nik tamanik aniguisitsisus­saq, Israelik­kun­nit kingoq­qisus­saam­mat Jehovap in­nut­tami nungutin­neqan­ngin­nis­saat piumasaraa. (1 Mos 22:18) Mis­siarsip, Jiisusip, ajoqersuk­kami sorsoqataasan­ngin­nis­saan­nik peq­qus­sutaa ul­lumik­kut Guutip kif­faasa nuan­naarutigaat. – Mat­t 26:52.

²⁹ Kristumiul­li al­latigut sorsoqataap­put. Saatanip Jehovamut Guutimut up­perun­naarsik­kusungaar­paatigut. (2 Korinthimiut 10:3, 4 atuakkit). Esterip maligas­siuinera nuan­naarutigaar­put! Qanor­toq taas­sumatut sapiil­luta nam­minis­sarsior­natalu Guutip in­nut­taanik il­lersuiniar­nitsin­ni silatusaarluta erinitsajuil­lutalu al­lanik qularun­naarsitsisar­nitsigut up­per­ner­put ersersik­kisigu.