Jiisusi inun­nit al­lanit tamanit al­laanerul­luni nunarsuarmi inun­ngornis­sani sioq­qul­lugu qilam­mi anersaa­jusima­voq. (Johan­nesi 8:23) Guutip pin­ngortitaasa siul­lersaraat, Guutilu al­lanik tamanik pin­ngortitsi­nerani ‘suliortutut’ ikiorpaa. (Us­satit 8:30, 1900) Jiisusi kisimi Jehovamit toq­qaan­nartumik pin­ngortin­neqarpoq, taamaat­tumil­lu Jiisusip Guutip ‘ernituanik’ taaneqar­tarnera naleq­qul­luarpoq. (Johan­nesi 1:14) Jiisusi Guuti sin­nerlugu oqaase­qartar­tuugami aam­ma taaneqar­tarpoq ‘Oqaaseq’. — Atuakkit Ussatit 8:22, 23; Kolossemiut 1:15, 16.

Guutip ernini qilam­miit nunarsuarmut aal­lartip­paa uumas­sutaa niviarsis­sap Mariap juutiusup il­liaanut nuul­lugu. Tas­sa Jiisusi nunamiusumik ataataqan­ngilaq. (Lukasi 1:30-35) Jiisusi nunarsuarmukarpoq (1) Guuti pil­lugu ilumoortumik ilin­niartitsiniarluni, (2) ajornar­torsiute­qaraluarluta Guutip piumasaatut iliorsin­naanerput ersersin­niarlugu, aam­ma (3) inuunini naam­mal­luin­nartoq utertitsis­sutitut tun­niun­niarlugu. — Atuaruk Matthæusi 20:28.

Utertitsis­sut tas­saavoq inum­mik toqusus­saagaluartumik aniguisitsil­luni akiliutigineqartoq. (2 Mosesi 21:29, 30) Inuit utoq­qan­ngoriarlutik toqunis­saat Guutip siunertarin­ngisaan­narsimavaa. Taman­na qanoq nalun­ngilarput? Guutip inuk siul­leq, Adami, oqalut­tuup­paa naalan­ngik­kuni, imaluun­niit ajortulioruni Biibilimi eq­qaaneqartutut, toqus­sasoq. Tas­sa Adami ajortuliorsiman­ngik­kaluaruni toqun­ngisaan­narsimas­sagaluarpoq. (1 Mosesi 2:16, 17; 5:5) Biibilimi paasitin­neqarpugut toqu Adamik­kut inun­nut “tikiut­toq”. Taamaalil­luni Adamip ajorti tamatumalu pil­laatisias­sartaa, toqu, kinguaaminut  tamanut kingornutitip­paa. Taamaat­tumik toqumit Adamimit kingornus­satsin­nit aniguisin­neqarsin­naaq­qul­luta utertitsis­sut pisariaqartip­parput. — Atuakkit Romamiut 5:12; 6:23.

Kiam­mitaava utertitsis­sut akilersin­naavaa toqumit aniguisin­niarluta? Toqugut­ta uagut nam­mineq ajortuliavut kisiisa pil­lugit toqus­saagut. Inuk naam­mal­luin­nan­ngitsoq kinaluun­niit toqunermigut al­lap ajortuliai pil­lugit akilius­sisin­naan­ngilaq. — Atuakkit Tussiaat 49:8-10.

Uagutsin­nit al­laanerul­luni Jiisusi naam­mal­luin­nartuuvoq. Taamaat­tumik ajortuliani pil­lugit toqusariaqan­ngilaq — ajortuliun­ngisaan­narpormi. Jiisusili al­lat ajortuliaat pil­lugit toquvoq. Guutip uagutsin­nik asan­ningaarnini ersersip­paa ernini nunarsuarmut aal­lartik­kamiuk uagut pil­luta toqunias­sam­mat. Aam­ma Jiisusip uagutsin­nik asan­nin­nini ersersip­paa Ataataminut naalan­nermigut ajortuliavul­lu pil­lugit inuunini tun­niuk­kamiuk. — Atuakkit Johannesi 3:16; Romamiut 5:18, 19.

Filmi isiginnaaruk: Sooq Jiisusi toqua?

Nunar­suarmiik­kami Jiisusi nap­parsimasunik ajorun­naarsitsisarpoq, toqusunik makititsisarpoq an­nikil­liortunil­lu ikiuisarluni. Taamaalil­luni ersersip­paa siunis­sami inun­nut Guutimut naalat­tunut tamanut qanoq iliuuseqarumaarnerluni. (Matthæusi 15:30, 31; Johannesi 5:28) Jiisusi toqunermi kingorna Jehovamit anersaatut makitin­neqarpoq. (1 Petrusi 3:18) Taava Guutip talerpiata tungaaniip­poq nunarsuarmut tamarmut kun­ngisut Guutimit pis­saaneqartitaalernis­sani utaq­qil­lugu. (Hebræerit 10:12, 13) Mas­sak­kut qilam­mi Jiisusi kun­ngiul­luni naalak­kersuivoq, taman­nalu pil­lugu nutaarsias­saq nuan­nersoq ajoqersugaasa nunarsuaq tamak­kerlugu oqaluus­sis­sutigisarpaat. — Atuakkit Danieli 7:13, 14; Matthæusi 24:14.

Qanit­tuk­kut Jiisusip kun­ngisut pis­saaneqarnini atorlugu naal­liun­nartut tamaasa atuuk­kun­naarsik­kumaarpai naal­liutsitsisul­lu peerumaarlugit. Jiisusimut up­perlutil­lu naalat­tut tamarmik nunarsuarmi paratiisiusumi inuulerumaarput. — Atuakkit Tussiaat 37:9-11.