Sulif­fik aningaasal­luun­niit pil­lugit isumakulun­nikuuit? Jehova uum­mater­put iluun­ngarluta kif­far­torfigiitigalugu pisariaqar­titatta matus­suser­niar­nis­saat ajor­nakusoor­tis­sin­naavar­put. Tamatumun­nga tun­ngatil­lugu Biibilimi iluaqutaasunik siun­nersuuteqar­poq.

1. Sulineq pillugu Biibilimi qanoq allassimasoqarpa?

Guutip sulinitsin­nik nuan­naarutigin­nin­nis­sar­put kis­saatigaa. Biibilimi allas­simavoq ‘inuk iluanaarnerussasoq suleruloornermini pissarsiani’ nuan­naarutigigunigit. (Oqaluus­sisar­tup oqaasii 2:24) Jehova suleruloor­tar­poq. Eqiasuil­luta ilaar­tarutsigu nuan­naar­tis­savar­put nalerisimaas­sal­lutalu.

Sulineq pingaaruteqar­poq. Sulif­filli Jehovamik kif­far­torfigin­nin­nitsin­nit pingaar­nerutilin­ngisaan­nas­savar­put. (Johan­nesi 6:27) Neriorsor­paatigut inuunitsinni sal­liutit­tuaan­narutsinni timik­kut pisariaqar­titatsin­nik isumagiumaarluta.

2. Aningaasanut qanoq oqimaaqatigiissumik isiginnittaaseqartoqarsinnaava?

Biibilimi allas­simavoq aningaasat ‘ser­nis­suutaasar­tut’ (Testamentitoqaq 1990-imi naqitigaq), aam­mali allas­simavoq taak­kuin­naat pil­lualivis­sutaasin­naan­ngitsut. (Oqaluus­sisar­tup oqaasii 7:12) Kajumis­saar­neqar­pugullu aningaasat pingaar­tip­pal­laar­nagit ‘pigisagut naammagissagigut’. (Hebræerit 13:5) Pigisamin­nik naam­magin­nin­ngitsut amerlanerusunik pigisaqalerusut­tuaan­naramik imminut nuan­niil­lior­tit­tar­put. Tamanna pin­ngitsoor­tis­sin­naavar­put pigisagut naam­magigutsigit. Aamma pisariaqan­ngitsumik akiitsoqas­san­ngilagut. (Ussatit 22:7) Pisuun­ngupal­lak­kumal­lunilu aningaasanoor­nerup navianar­tua pin­ngitsuus­savar­put.

3. Namminissarsiornerunngitsumik aningaasanik qanoq atuisoqarsinnaava?

Jehova Guutiuvoq tuk­kor­tuusoq, ilaar­tar­par­pullu ‘tukkusuujugaangatta avitseqateqarnissamullu piareersimagaangatta’. (Timuutiusimut 1. 6:18) Ilagiin­nik tapersersuinitsigut pisariaqar­titsisullu, ingam­mik uppeqatigut, ikior­tar­nerisigut nam­minis­sarsior­nerun­ngitsumik aningaasanik atuisin­naavugut. Jehovap tun­nius­satta anner­tus­susaa pin­nagu pis­sutiginiagar­put isiginiar­nerusar­paa. Uum­mam­mik pisumik tuk­korluta tunisisarutta nuan­naas­saagut Jehovalu nuan­naar­til­lugu. – Apustilit Suliaat 20:35 atuarsiuk.

 ITISILIINEQ

4. Sulinerit Jehovamut ataqqinaataatiguk

 5. Naammaginnittuuneq iluaqutigisarparput

Inup­pas­suit pisuun­ngorumal­lutik iliuuseqangaar­tar­put. Biibilimili siun­nersuut maluginiaruk. Timuutiusimut 1. 6:6-8 atuarsigit apeq­qullu una eqqar­torlugu:

• Biibilimi sunis­samut kajumis­saar­neqar­pugut?

6. Jehovap isumagissavaatigut

 EQIKKAANEQ

Aningaasarsior­tariaqaraluarluta Jehovamut kif­far­tor­ner­put pingaar­ner­paatit­tariaqar­par­put.

Uteqqiineq

• Sulinermut qanoq oqimaaqatigiis­sumik isigin­nit­taaseqarsin­naavit?

• Naam­magin­nit­tuuneq qanoq iluaqutigis­saviuk?

• Jehovap innut­taminik isumas­suiumal­luni neriorsuinera tatigalugu qanoq ersersis­sin­naaviuk?