ILINNIAGASSAQ 48
Ikinngutissarsiorninni silatusaarit
Qanimut ikinngutaasut piffissani ajornartorsiorfiunngitsuni nuannaarnerulersitsisarput ajornartorsiorfiusunilu nakussatsitsisarlutik. Biibilimili allassimavoq ikinngutigineqarsinnaasut ilaat ikinngutaalluartuunngitsut. Ikinngutaalluartunik qanoq toqqaasinnaavugut? Tamanna sammeriartigu.
1. Ikinngutinnit qanoq sunnerneqartarpit?
Inuit peqatigisartakkatta pissusii ajunngitsut ajortullu ilaartarpagut. Taamaattarpugullu internetikkulluunniit peqatigigaangatsigit. Biibilimi ima allassimavoq: “Ilisimasunik peqateqartoq ilisimassuseqalersarpoq, sianiitsunilli [Jehovamik asanninngitsunik] ikinnguteqartoq ajortumeertussaasarpoq.” (Ussatit 13:20) Tassa Jehovamik Nalunaajaasuunngitsunik qanimut ikinnguteqarutta tamanna pissutigalugu Jehova ungasillisinnaavarput. Taamaattumik Biibilimi kajumissaarneqarpugut ikinngutissatsinnik toqqaaniarnitsinni silatusaaqqulluta. Jehovamik asannittunik kiffartorfiginnittunillu ikinnguteqarutta aalajangiilluarnissatsinnut Jehovamullu qaninnerulernissatsinnut iluaqutigissavarput. Jehovamik asannittut ikinngutigiilluartut ‘qiimmassaqatigiillutillu ineriartorteqatigiissinnaapput’. – Tessaluunikamiunut 1. 5:11.
2. Ikinngutissannik toqqaanerit Jehovamut qanoq sunniuteqassava?
Jehovap ileqqorissut kisiisa ikinngutigisarpai. Biibilimi allassimavoq ‘peqqusersuitsut’, tassa eqqortuliorusuttut, ikinngutimisut toqqartarai. (Ussatit 3:32; Jaaku 2:23) Jehovamik asanninngitsunik ikinnguteqarutta qanoq misigissava? Pakatsissaaq. (Jaaku 4:4 atuarsiuk). Akerlianilli nuannaassaaq ileqqorluttunik ilagisaqarnaveersaarlutalu Jehovamik asannittunik ikinnguteqarutta. Taamaaliorutta ikinngutigerusulissavaatigut. – Tussiaat 15:1-4.
ITISILIINEQ
Kikkunnik ikinnguteqarniarnerlutit aalajangiinerit sooq pingaaruteqartoq qanorlu iluaqutigisassannik ikinnguteqarsinnaasutit misissukkit.
3. Ikinngutipalaaqarnaveersaarit
Ikinngutipalaat tassaapput Guutimik peqqussutaanillu asanninngitsut. VIDEO takusiuk apeqqullu tulliuttoq eqqartorlugu.
-
Qanoq sianiginagu ileqqorluttunik ilagisaqartalersinnaavugut?
Korintimiunut 1. 15:33 atuarsiuk apeqqutillu uku eqqartorlugit:
-
Kikkunnit ajortumik sunnerneqarsinnaavit? Qanoq sunnersinnaavaatsit?
Tussiaat 119:63 atuarsiuk apeqqullu una eqqartorlugu:
-
Ikinngutaallualersinnaasut qanoq ittuuppat?
Iipili ajortissimasoq ataaseq sinnerinut ajoqutaasarpoq. Ikinngutipalaap ataatsip qanoq sunnersinnaavaatit?
4. Ikinngutissatut ilimaginngisatit qanimut ikinngutigilersinnaavatit
Biibilimi ikinngutigiit Daavi Jonatanilu, Israalimi itsaq inuusut, oqaluttuarineqarput. Ukioqatigiinngikkaluarlutik atukkamikkullu assigiinngikkaluarlutik qanimut ikinngutigiipput. Samuelimik 1. 18:1, 2 atuarsigit apeqqullu una eqqartorlugu:
-
Sooq ukioqatiginngisagut atukkatsigulluunniit assiginngisagut qanimut ikinngutigisinnaavagut?
Romamiut 1:11, 12 atuarsigit apeqqullu una eqqartorlugu:
-
Ikinngutigiit tamarmik Jehovamik asannittut qanoq qiimmassaqatigiissinnaappat?
Videumi qatanngutip angutip inuusuttup ilimaginngisaminik qanoq ikinngutitaartoq takuuk. VIDEO takusiuk apeqqutillu tulliuttut eqqartorlugit.
-
Emilip angajoqqaavi sooq atuarfimmi ikinngutai pillugit isumakuluppat?
-
Sooq Emilip atuarfimmi ikinngutini aallaqqaammut nuannarai?
-
Qanoq kiserliorunnaarpa?
5. Qanoq ikinngutigiilluartoqarsinnaasoq
Ajunngitsunik qanoq ikinngutitaarsinnaasutit qanorlu ikinngutaalluarsinnaasutit paasiniaruk. VIDEO takusiuk.
Ussatit 18:24 aamma 27:17 atuarsigit apeqqutillu uku eqqartorlugit:
-
Ikinngutigiilluartut qanoq ikioqatigiittarpat?
-
Taamaattunik ikinnguteqarpit? Taamaanngippat qanoq iliorsinnaavit?
Filippimiut 2:4 atuarsiuk apeqqullu una eqqartorlugu:
-
Ajunngitsunik ikinnguteqarumallutit illit aamma ikinngutaalluartariaqarputit. Qanoq taamaassinnaavit?
Ajunngitsunik ikinnguteqarumallutit illit aamma ikinngutaalluartariaqarputit
OQARTOQARTARPOQ: “Ikinngut qanorluunniit ittoq ikinnguteqannginnermit ajunnginneruvoq.”
-
Qanoq oqassagaluarpit?
EQIKKAANEQ
Ikinngutissatsinnik toqqaanitsinni silatusaarutta tamanna iluaqutigissavarput Jehovalu nuannaartillugu.
Uteqqiineq
-
Sooq kikkunnik ikinnguteqarnersugut Jehovap soqutigaa?
-
Kikkut ikinngutiginaveersaartariaqarpagut?
-
Qanoq Jehovamik asannittunik qanimut ikinnguteqalersinnaavit?
NAMMINEQ MISISSUGASSATIT
Ajornartorsiorfiusumi ikinngutaalluartut qanoq iluaqutigisinnaagigut atuaruk.
Qanimut qanoq ikinnguteqalersinnaasutit paasiniaruk.
Internetikkut ikinnguteqarneq pillugu suna ilisimasariaqarpiuk?
Angut sooq allanik ikinngutitaartariaqarsorinersoq paasiumallugu oqaluttuaq “Ataataqarusoqaanga” atuaruk.
“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)
Soqutigisinnaasatit allat
APEQQUTIGINEQARTARTUT
Jehovap Nalunaajaasuisa Biibilimik pikkorissartitsinerat suugami?
Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.
