Jehovap Nalunaajaasuisa ataatsimiin­neran­ni najuun­nikuuit? Taamaan­ngip­pat najuuteq­qaar­nis­sat pis­sangagilaarsimas­savat. Im­maqa ima eq­qarsar­putit: ‘Ataatsimiin­ner­ni susoqar­tar­pa? Sooq najuutis­saanga?’ Ataatsimiin­nerit Guutimut qanin­nerulis­sutigisin­naal­lugil­lu iluaqutigisin­naavatit. Taman­na ilin­niagas­sami matumani sam­mis­savar­put.

1. Jehovap Nalunaajaasuisa ataatsimiittarnerannut pissutaasoq pingaarneq suua?

Up­peqatit ilagalugit ataatsimoor­tar­nerup pingaaruteqas­susia Biibilimik al­laqataasut ilaata ima al­laatigaa: “Katersorsimasuni unnersiutigis­savara Naalagaq.” (Tus­siaat 26:12) Taamatut­taaq nunarsuaq tamak­kerlugu Jehovap Nalunaajaasuisa sapaatip-akun­neranut marloriarlutik ataatsimiit­tar­ner­tik nuan­naarutigisar­paat. Ataatsimiin­ner­ni Guuti un­nersiutigisar­paat, erinarsor­tar­put qinusarlutil­lu. Aam­ma ukiut tamaasa pingasoriarlutik ataatsimeersuar­tar­put.

2. Ataatsimiinnerni suut sammineqartarpat?

Biibili ataatsimiin­ner­ni ‘nassuiarneqar­tarpoq inunnut paasinartun­ngorlugu’. (Nehemia 8:8 atuarsiuk). Taamaat­tumik najuuk­kuit Jehova pis­susiilu nuan­neqisut pil­lugit paasisaqar­nerulis­saatit. Ilin­nik qanoq asan­nitsiginera paasinerujar­tor­til­lugu qanil­linerus­savat. Aam­ma siuner­taqarluar­tumik inooriaaseqaler­nis­san­nik qanoq ikiorsin­naagaatit paasis­savat. – Esaja 48:17, 18.

3. Ataatsimiinnerni allanik oqaloqateqartarnerit qanoq iluaqutigisinnaaviuk?

Ima peq­quneqar­pugut: “Asannit­tuliornis­samut ajunngitsulior­nissamullu kajumis­saaqatigiik­kumalluta isumas­soqatigiit­ta. Ataatsimiigias­saarsimasut ilaarnagit qiimmas­saqatigiit­ta.” (Hebræerit 10:24, 25) Inuit qaman­nga pisumik asaqatigiit­tut Guutilu pil­lugu paasisaqar­nerorusut­tut ataatsimiin­ner­ni naapis­sin­naavatit. Oqaaseqar­nermik­kut up­per­nermin­nik ersersitsinerat qiim­maal­laatigis­savat. (Romamiut 1:11, 12 atuarsigit). Aam­ma as­sigiin­ngitsunik ajor­nar­torsiuteqaraluarlutik nuan­naar­tut naapis­savatit. Aap, ataatsimiin­ner­ni najuun­nis­samut pis­sutis­saqarluar­pugut!

 ITISILIINEQ

4. Jehovap Nalunaajaasuisa ataatsimiittarnerat

Kristumiut siul­liit Jehova guutisiorfigiumal­lugu katersuut­tar­put. (Romamiut 16:3-5) Kolossimiut 3:16 atuarsiuk apeq­qul­lu una eq­qar­torlugu:

• Kristumiut siul­liit ilagiit­tut katersuuk­kaangamik susar­pat?

1. Ataatsimiin­ner­ni oqalugiar­toqar­tar­poq videunil­lu takutitsisoqar­tarluni. Ataatsimiin­nerit erinarsor­nermik qinunermil­lu aal­lar­ner­neqarlutil­lu naggaser­neqar­tar­put

2. Najuut­tut eq­qar­tueqatigiin­ner­ni akis­suteqarsin­naasar­put

3.   Kik­kut tamarmik tikil­luaq­qusaap­put

4. Jehovap Nalunaajaasuisa ataatsimiin­nerini najuun­neq akeqan­ngilaq. Aam­ma aningaasanik katersuiniar­toqar­neq ajor­poq

5. Ataatsimiigiarumalluta sapinngisatsinnik iliuuseqartariaqarpugut

• Sooq ataatsimiigiar­tuar­tariaqar­pugut?

 EQIKKAANEQ

Ataatsimiin­ner­ni Jehova ilisarisimanerulersin­naavat ikin­ngutiginerulerlugulu. Aam­ma al­lat peqatigalugit guutisiorfigisin­naavat.

Uteqqiineq

• Sooq Jehovap ataatsimiit­taq­quaatigut?

• Jehovap Nalunaajaasuisa ataatsimiin­nerini suut paasis­savigit?

• Ataatsimiin­nerit qanoq al­latut iluaqutigisin­naasoraagit?