Sooq inuit uku taama nuan­naartigaat? Ataat­simeersuarnitta ilaat najuuf­figigamik­ku. It­saq Guutip kif­faasa, ukiumut pingasoriar­lutik katerisimaaq­quneqartartut, pisarnerattut amer­lanerul­luta ataat­simoornis­sar­put qilanaarisar­par­put. (5 Mosesi 16:16) Ukiut tamaasa pingasoriar­luta katerisimaartarnivut ima taaguuteqar­put: Ullormi ataatsimeersuarneq (ukiumut mar­loriar­luta) aamma ulluni pingasuni ataatsimeersuarneq. Katerisimaarnerit taak­ku qanoq iluaqutigisar­pavut?

Qatanngu­tigiis­suit kristumiut nakussat­sinne­qar­tar­put. Israelik­kut “katersorsimasuni” Jehovamik un­nersiutigin­nin­nermin­nik nuan­naarutigin­nin­nerattut aamma uagut ul­luni immik­kut ittuni taak­kunani Jehovamik pal­lorfigin­neqatigiin­ner­put nuan­naarutigaar­put. (Tus­siaat 26:12; 111:1) Katerisimaaraangatta Jehovap Nalunaajaasuinik ilagiin­nit al­laneersunik al­laal­lu nunanit al­laneersunik peqateqarnis­samut periarfis­saqartar­pugut. Ul­loqeq­qasiornermi ataat­simeersuarfiusumi nereqatigiik­kaangatta anersaak­kut ittunik misigisaqarfiusuni taak­kunani peqatigiin­ner­put ikin­ngutin­ner­palaarnerulersar­poq. (Apustilit Suliaat 2:42) Aamma asan­nin­neq nunarsuaq tamak­ker­lugu qatan­ngutigiis­suarnik ataasius­suseqartit­sisoq nammineq misigisar­par­put. – 1 Petrusi 2:17.

Anersaakkut siumukar­nissamut iluaqutigaavut. Israelik­kut Al­lak­kaneersunik nas­suiaan­neqaramik “nalunaajaatigineqartut paasigamik­kit” iluaqutigaat. (Nehemia 8:8, 12) Aamma uagut ataat­simeersuarnerni Biibilimik ilin­niartin­neqarner­put pingaartippar­put. Ataat­simeersuarnerit tamarmik Biibilimeersumik qulequtaqartar­put. Oqalugiaatit, oqalugiaatit ataqatigiit piviusuu­saartit­sil­lunilu takutit­sinerit soqutiginartut iluaqutigalugit inuunit­sin­ni Guutip piumasaatut qanoq iliorsin­naanersugut ilin­niartin­neqartar­pugut. Ul­luni atugar­liorfiusuni mak­kunani kristumiut atuk­kamin­nik unamminiarnartunik aniguil­luarsimasut misigisaan­nik tusarnaarneq qiimmaal­laatigisar­par­put. Ataat­simeersuarnerni Biibilimi oqaluttuanik takor­looruminar­sisit­sisunik atoriaan­naasunil­lu ilin­niutaasunik isigin­naartit­sisoqartar­poq. Ataat­simeersuarnerni tamani Guutimut tun­niul­luin­narsimanermin­nik ersersit­sil­lutik kuisik­kusuttut kuisittar­put.

• Sooq ataatsimeersuarnerit nuannersuuppat?

• Ataatsimeersuaqataaneq qanoq iluaqutigisinnaaviuk?