Guutip savaataanik ataasius­suseqarlutik paarsisut

APERIUMASOQAR­TAR­POQ: ’Jehovap Nalunaajaasuisa silarsuarmi tamarmi ilagiis­saat qanoq aqun­neqar­pat?’ Akis­sut imaap­poq: Kristumiut ilagiis­saat ukiuni 100-linni siul­ler­ni aqun­neqar­nerat malil­lugu aqun­neqar­put.

1870-ikkunni Charles T. Russellip suleqataasalu Bibelimik atuaq­qis­saar­nermik­kut paasisimasatik aal­lar­niil­lutik oqalugiar­ner­tigut naqitik­katigul­lu siam­mar­taler­paat. Ukiut ingerlaneran­ni sulias­samut tamatumun­nga peqataajumasut Russell suleqataalu qanin­nerusut ataatsimut isigiler­paat Naalak­kap suliareq­qus­saanik naam­mas­sin­nin­nermik­kut misilit­tagaqar­ner­paasutut sulias­sanul­lu tun­ngasutigut siunersiorfis­satut.

1884-imi Zion’s Watch Tower Tract Society naalagaaf­fiup Pennsylvaniap kat­tuf­fiit peqatigiif­fiil­lu pil­lugit inatsisai malil­lugit al­las­simaf­fis­saminut nalunaarsor­neqar­poq. Russell suleqataalu akisus­saanerusut Peqatigiif­fim­mik tamatumin­nga aam­mat­taaq Bibelimik Atuaq­qis­saar­tut suliaan­nik aqutsinermut tun­ngasunik akisus­saas­suseqangaar­put. 1909-mi qul­lersaqarfitsik New Yorkimi Brooklynimut nuup­paat. Taamanin­ngaan­niil­li Peqatigiif­fim­mik siulersuisunut ilaasut angutil­lu kristumiuusut tanitaasut anersaak­kut piuk­kun­nar­tut al­lat qanit­tumik suleqatigisaat Jehovap Nalunaajaasuisa siulersuisoqatigiivisut kif­far­tor­put.

Siulersuisoqatigiit tas­saap­put angutit kristumiuusut tanitaasut im­mik­kooqatigiit (1986-imi 13-iusut), taak­kualu ilaat arfineq-marluk Vagttårnip peqatigiif­fiata siulersuisuinut ilaasor­taap­put. Taak­kua Jehovap Nalunaajaasuisa silarsuarmi tamarmi sulinerat pisor­taaf­figaat. Guutip anersaavata sun­niineratigut isumas­sarsisitaan­ngil­lat taamaat­tumil­lu kuk­kusuitsuunatik, kisian­nili Guutip oqaasia sal­lusuitsoq nunami naleqan­ngitsoq tunaar­taraat, inuuner­til­lu tamaat Guutip peq­qusaanik naalal­lutik naam­mas­sin­nin­niar­nermik­kut misilit­tagaqarlutik. Tamarmik im­mik­kut ukiut min­ner­paamik 40-t Jehovap Nalunaajaasui suleqatigalugit al­lamik atorfeqaratik oqaluus­sisar­tuup­put.

Siulersuisoqatigiit Peqatigiif­fiup naqiter­titas­sai nak­kutigisar­paat. Naqitigas­sanik al­lan­niar­nermin­ni Guutip savaataasa anersaak­kut pisariaqar­titaat paasiniarlugit misis­soq­qaar­tar­paat, taavalu qinusarlutik Guutip oqaasia peq­qis­saar­tumik atuar­tarlugu misis­soq­qis­saar­tar­paat. Angutit taak­ku Bibelimik atuaq­qis­saar­tuar­til­lutik Guutil­lu siuner­taasa naam­mas­siar­tuaar­nerat, Bibelimi siulit­tuutit silarsuarmi pisar­tuni qanoq eq­quuk­kiar­tor­neri,  Guutil­lu in­nut­taasa silarsuarmi pis­susii qiviar­til­lugit, ajoqersuutit ilaasa nas­suiar­neqar­nerisigut paasisimasatik qaam­maq­qutigalugit al­lan­ngor­titsilaar­nis­saq ilaatigut pisariaqar­tit­tar­paat. Tamatumuuna sal­lusuis­sum­mik ilisimas­suseq al­liar­tuin­nar­poq. — tugsiaut 97:11; ús­satit 4:18; Dâniale 12:4.

Siulersuisoqatigiit nunarsuarmi tamarmi im­mik­koor­tor­taqarfin­ni 94-iusuni tamani im­mik­koor­tor­taqarfim­mi udvalgi angutinik anersaak­kut piuk­kun­nar­tunik pingasunik amerlanerusunil­luun­niit ilaasoqar­toq toq­qar­paat Nalunaajaasut nunani qeqer­tanilu 200-nit amerlanerusuni suliaan­nik nak­kutil­liisun­ngor­til­lugit. Im­mik­koor­tor­taqarfiit ilagiit nak­kutigisatik atas­suteqarfigisar­paat. Siulersuisoqatigiit im­mik­koor­tor­taqarfin­nilu udvalgit atas­suteqaqatigiit­tar­put, ukiul­lu tamaasa siulersuisoqatigiin­nut ilaasut nam­min­neq im­mik­koor­tor­taqarfiit ilar­pas­sui tikeraar­tar­paat pis­sutsit pisar­tul­lu malin­naaf­figiumal­lugit.

Angutit taak­ku inuit al­lat up­per­neran­nut naalagaan­ngil­lat, kif­far­tor­tuup­pul­li as­soror­tut inuit al­lar­pas­suit Guutip oqaasianik ilisarsisin­naaq­qul­lugit. Aningaasatigut iluanaaruteqar­niar­tuun­ngil­lat, kisian­ni Betel-imi suleqataasut al­lat tamaasa as­sigalugit timik­kut pisariaqar­titamik­kut isumagineqar­tar­put. Ilumoor­tumik kif­far­tuus­sineran­nut Jehovap Nalunaajaasuisa silarsuarmi tamarmi aal­lus­sil­luar­nerat, ataasius­suseqar­nerat, ileq­qoris­sutsik­kut angusimasaat Bibelimilu ajoqersuutigineqar­tut up­peralugit un­neq­qaris­susiat ersiutaap­put. — 1 Korintumiut 3:5-9; 4:1, 2; 2 Korintumiut 1:24; 3:1-3; 1 Pîtruse 5:2, 3.

• Aqutsinermik aaq­qis­suus­saaneq suna pileriar­torsimava?

• Ul­lumik­kut kik­kut siulersuisoqatigiin­ni kif­far­tor­pat, suul­lu akisus­saas­suseqarfigaat?

• Nunani al­lani sulineq qanoq nak­kutigineqar­pa?

[Qupp. 26-mi nunap assinga]

(Al­las­simasut qanoq inis­sisimanersut naqitami takuneqarsin­naavoq)

Nunarsuup ilai Jehovap Nalunaajaasuisa oqaluus­sif­figisaat

[Qupp. 26-mi assiliartat]

Vagttårnip peqatigiif­fiata præsidentii

C. T. Russe­l, 1884-1916

J. F. Rutherford, 1916-1942

N. H. Knorr, 1942-1977

F. W. Franz, 1977-

[Qupp. 27-mi assiliartat]

Im­mik­koor­tor­taqarfiit 90-init amerlanerusut ilaat Jehovap Nalunaajaasuisa silarsuarmi tamarmi sulineran­nik nak­kutil­liisoqarfiusut

Canada

Zambia

Tyskland

Japan

Australia

Brasilia