Kapitali 8

Qunutitsisumit qimaaneq

JOSEFIP Maria un­nuaan­nak­kut itersar­paa nukingin­nar­tumik oqalut­tuas­saqarfigigamiuk. Jehovap in­ngiliata aatsaan­nguum­mat saq­qum­merfigisimavaa, ima oqarluni: „Makil­lutit naalungiarlu ar­naalu ilagalugit Ægyptenimut qimaagit, tas­saniit­tuarlutil­lu uan­nut oqarfigitserlutit, Herodesip naalungiaq toqun­niarumas­sam­magu.“

Pingasuul­lutik qimaagasuar­put. Pif­fis­saarutiler­put, Herodesim­mi paasisimavaa ul­loriarsior­tut sal­loqit­tariarluni nuna qimas­simagaat. Jesus nanigunik­ku Herodesimut nalunaarutigisus­saasimagaluar­paat. Herodes kamat­torujus­suuvoq. Jesus toqun­niarlugu aal­lar­titsivoq, peq­qusil­luni nukap­piaq­qat marlun­nik taman­nalu ataal­lugu ukioqar­tut tamaasa Betlehemimi eq­qaanilu it­tut toqun­neqas­sasut. Ul­loriarsior­tut paasis­sutis­siis­sutigisimasaat tun­ngavigalugit Herodes taama aalajanger­poq.

Naalungiarsuit nukap­piaq­qat tamarmik toqorar­neqar­nerat takul­lugu amiilaar­naqaaq! Herodesip sak­kutuuisa il­lut tul­leriaarlugit isaaf­figeqat­taar­paat. Anaanat nalungiarsuutaan­nik nukap­piaq­qanik arsaar­tar­paat. Naalungiarsuit qas­sit toqutaanersut nalul­luin­nar­par­put, anaanal­li qiangaar­nerat Bibelimi siulit­tuum­mik pruf­fiitip Jeremiasip al­las­simasaanik eq­quutitsivoq.

Taamaalinerani Josef ilaalu Ægyptenimut apuul­luareersimap­put, tas­sanilu najugaqaler­put. Un­nuat ilaan­ni Jehovap in­ngiliata Josef sin­nat­tor­til­lugu saq­qum­merfigeq­qip­paa. „Makigit, naalungiarlu ar­naalu ilagalugit Israelip nunaanut aal­larit,“ in­ngili oqar­poq, „naalungis­sap inuuneranik qinugin­nit­tut toqum­mata.“ Taava Bibelimi siulit­tuutigineqar­toq al­la, Guutip er­nerata Ægyptenimit qaaq­quneqarumaar­nis­saanik siulit­tuut, eq­quup­poq ilaqutariit taak­ku nunavim­min­nut utermata.

Josef Betlehemimi Judæamiit­tumi, Ægyptenimut qimaan­ngik­kal­laramik najugarisimasamin­ni, najugaqalivin­nian­nguatsiaraluar­poq. Tusar­paali Herodesiugaluup er­nera ajor­toq Arkelaus Judæami kun­ngin­ngorsimasoq, Jehovamil­lu sin­nat­tor­titaal­luni mianersoq­quneqar­poq. Taamaat­tumik Josef ilaalu avan­namut aal­lar­put il­loqarfim­milu Nazaretimi Galilæamiit­tumi najugaqalerlutik. Tamaani, juutit up­perisarsior­neran­nut qitiusumit ungasis­sumi, Jesus al­liar­tor­poq. Mattæus 2:13-23; Jeremiap allagai 31:15; Hoseas 11:1.

▪ Ul­loriarsior­tut utin­ngim­mata, amilaar­naqisumik sumik kun­ngi Herodes peq­qusiva, Jesusili qanoq ser­nis­sor­neqar­pa?

▪ Ægyptenimit uteramik, sooq Josef Betlehemimi najugaqaq­qin­ngila?

▪ Pif­fis­sami tamatumani Bibelimi siulit­tuutigineqar­tut suut eq­quutin­neqar­pat?