Kapitali 97

Naatsiivimmi viinnequtilimmi sulisut

JESUS oqaq­qam­mer­poq: „Qas­seersuil­li siul­liugaluar­tut kingul­lin­ngus­sap­put kingul­liugaluar­tul­lu siul­lin­ngorlutik.“ As­sersuusiaq ikior­tigalugu erseq­qis­sar­paa: „Qilam­miup Naalagaaf­fiata as­sigaa inuk il­lumi naalagaasoq, ul­laarorluni anisoq naatsiivim­minut viin­nequtilim­mut sulisus­sarsiorluni. Sulisus­sal­li akuerim­man­ni aningaasan­nguamik (denarimik) akis­sarsil­lutik ul­loq naal­lugu suliumal­lutik naatsiivim­minut viin­nequtilim­mut [il­lumi naalagaasup] aal­lar­tip­pai. Nalunaaqut­tap akun­nerisa pingajuan­ni anigami al­lat takuai niueriar­tor­tarfim­mi napaan­nar­tut; oqarfigaalu: ’Ilis­sis­saaq naatsiivim­mut viin­nequtilim­mut aal­laritsi; eq­qor­tumik tuniumaar­pas­si.’ Taava aal­lar­put. Aam­ma anisar­poq nalunaaqut­tap akun­nerisa arfer­nan­ni [qulingiluaan­nilu] taamatut ilior­tarluni. Nalunaaqut­tal­li akun­nerisa aq­qar­ngan­ni anigami al­lat naapip­pai napaan­nar­tut, oqarfigaalu: ’Sooq ul­loq naal­lugu tas­sani napaan­nar­pisi?’ Akivaat: ’Sulisus­sarsiarineqan­ngin­nat­ta.’ Oqarfigai: ’Ilis­sis­saaq naatsiivim­mut viin­nequtilim­mut aal­laritsi.’“

Il­lumi naalagaasoq, imaluun­niit naatsiivim­mik viin­nequtilim­mik pigin­nit­toq, tas­saavoq Jehova Guuti, naatsiivil­lu viin­nequtilik tas­sa inuiaqatigiit Israelik­kut. Naatsiivim­mi viin­nequtilim­mi sulisut Angeruseq tun­ngavigalugu inatsisit ataan­niit­tunut as­sersuutaap­put — tas­sa juutit apustilit nalaan­ni inuusut. Ul­loq naal­lugu sulinis­samin­nik akuersisuin­naat il­lumi naalagaasup akis­sarsias­samik isumaqatigiis­suteqarfigai. Ul­lormut sulinermut akis­sarsiaq tas­sa denari ataaseq. ’Nalunaaqut­tap akun­nerisa pingajuat’ tas­saam­mat ul­laak­kut nalunaaqutaq qulin­ngiluat, sulisut ilaat ul­loq naal­lugu sulip­put, ilaal­li sivikin­nerusumik sulil­lutik.

Nalunaaqut­tap akun­nerini aq­qaneq-marlun­ni sulisut juutit pisor­taan­nut up­perisarsior­nik­kut kif­far­tuus­siuarsimasunut as­sersuutaap­put. Jesusil­li ajoqersugai inuunermik an­nersaan­ni aalisar­nermik nalingin­nar­nil­lu al­lanik suliaqarsimap­put. Ukiumi 29-mi ukiak­kut aatsaat Jesus Kristus ’il­lumi naalagaasumit’ aal­lar­titaavoq inun­nik ajoqersugan­ngor­titsior­torluni. Taamaalil­lutik ajoqersugai ’kingul­lin­ngor­put’, nalunaaqut­tap akun­nerisa aq­qar­nan­nit naatsiivim­mi viin­nequtilim­mi sulilersut.

Ul­loq sulif­fik as­sersuutaasoq Jesusip toquneragut naavoq, tamatumalu kingor­na sulisut akis­sarsis­sap­put, najoq­qutaq im­mik­kut it­toq naaper­torlugu, kingul­liusut siul­liul­lutik akis­sarsisin­neqarlutik: „Un­num­mal­li naatsiiviup viin­nequtil­lup inuata il­lumini an­neq oqarfigaa: ’Sulisut qaaq­qul­lugit akilik­kit, kingul­ler­nit aal­lar­nerlugit siul­ler­nut naal­lugit!’ Taava sas­sar­put nalunaaqut­tap akun­nerisa aq­qar­nan­ni sulisus­sarsiarineqar­tut, tamarmil­lu ataatsimik [denarisip­put]. Siul­liil­lu sas­saramik an­nermik pis­sasoralutik, taak­kut­taaq tamarmik ataatsimik [denarisip­put]. Pigamik­kuli il­lup naalagaa oqalorujuf­figiler­paat oqarlutik: ’Uku kingul­liit nalunaaqut­tap akun­nerin­naa sulisut uatsin­nut as­sigitip­patit, naak ul­lup ar­tor­nar­tua kian­neralu atorip­put.’ Akivaali ilaat oqarfigalugu: ’Ikin­ngut, akiler­nerlun­ngilak­kit; [denerimik] akilerumal­lutit oqarama akuerin­ngilinga? Pisas­sat tiguuk aal­larlutil­lu. Unali kingul­leq ilit­tut tuniumavara. Pik­kaluun­niit piumasan­nik iliorfigisin­naan­ngin­ner­pak­ka? An­nerus­sivil­luun­niit ajun­ngitsuugama?’ Taama kingul­liugaluar­tut siul­lin­ngus­sap­put, siul­liugaluar­tul­lu kingul­lin­ngorlutik.“

Ukiumi 33-mi ul­lormi piinsimi Kristusip, ’il­lumi an­nerup’, ajoqersuk­kaminut anersaaq il­ler­nar­toq kuim­magu akis­sarsineq pivoq. Jesusip ajoqersugai taak­ku ’kingul­liusutut’ ip­put, nalunaaqut­tap akun­nerisa aq­qar­nan­nit sulilersutut il­lutik. Denari ataaseq anersaamik il­ler­nar­tumik tunis­sum­mut as­sersuutaan­ngilaq. Ajoqersuk­kal­li nunami atorsin­naasaan­nut, siunis­saan­nut, naas­saan­ngitsumik inuunis­saan­nut pingaaruteqaqisumut as­sersuutaavoq. Tas­saavoq Guutip naalagaaf­fianik oqaluus­sinis­samut tanitaanermik im­mik­kut pisin­naatitaaf­fik.

Sulisus­sarsiarineqar­tut siul­liit er­niin­naq paasivaat Jesusip ajoqersugai akis­sarsisin­neqarsimasut denarilu as­sersuutaasoq atulersimagaat. Taak­kua anersaamit il­ler­nar­tumit pisin­naatitaaf­fin­nil­lu Naalagaaf­fim­mut tun­ngasunit amerlanerusumik suli piumap­put. Oqalorujun­nerat naam­magit­taal­lior­neral­lu Kristusip ajoqersugaanik ’kingul­liul­lutik’ naatsiivim­mi viin­nequtilim­mi sulisus­sarsiarineqar­tunik malersuiler­neran­nut malun­naataavoq.

Ukiut hundredel­lit 20-s­saan­ni maani palaseqatigiit kristumiuunerar­tut, Guutip naatsiiviani viin­nequtilim­mi as­sersuutaasumi sulisus­sarsiarineqar­tuni ’siul­liusimap­put’. Oqaluus­sisar­tut tun­niul­luin­narsimasut Watch Tower Bible and Tract Society-mut atasuusut Guutimut kif­far­tor­nis­samut akuerineqar­nis­samin­nut ’kingul­liusus­satut’ taak­kunan­nga isigineqar­put. Palaseqatigiin­nil­li narrugisaasut taak­ku denarimik tunineqar­put — tas­sa Guutip naalagaaf­fianut qilam­miit­tumut sin­niisutut tanitaasutut kif­far­tor­nermik ataq­qinaam­mik. Mattæus 19:30–20:16.

▪ Naatsiivik viin­nequtilik sumut as­sersuutaava? Naatsiiviup viin­nequtil­lip pigin­nit­tua kinaava, nalunaaqut­tal­lu akun­nerini aq­qaneq-marlun­ni nalunaaqut­tal­lu akun­nerani ataatsimi sulisut kik­kuup­pat?

▪ Ul­loq sulif­fik as­sersuutaasoq qanga naava, qangalu akis­sarsisitsineq piler­pa?

▪ Denarimik akis­sarsisitsineq sumut as­sersuutaava?