Kapiteli 16

Unnersuunneqarneq tusarnaar­niaruk, perorsaatis­sin­neqarneq ilassiniaruk

1. (a) Siun­nersor­neqar­nis­samik perorsaatis­sin­neqar­nis­samil­lu arlatsin­nik pisariaqar­titsin­ngitsoqar­pa? (b) Apeq­qutil­li suut eq­qarsaatigeq­qis­saas­sagutsigik iluaqutaas­sava?

AMERLANER­PAAR­TAT­TA miserratigiumanavian­ngi-  laat Bibelimi al­las­simasup matuma ilumuus­susia: ’Tamat­ta qas­siinik naak­kiut­tar­pugut [kuk­kusar­pugut].’ (Jâk. 3:2) Guutip oqaasiata pis­susereq­qusaanik uagul­lu nam­mineq pis­susererusutatsin­nik pis­susilersun­ngitsoorfitsin­nik eq­qaasaqar­niar­neq ajor­nakusoor­tit­tan­ngilar­put. Taamaat­tumik Bibelimi kajumis­saarutigineqar­tup matuma pis­sutis­saqarluar­nera akueraar­put: „Un­nersuun­neqar­neq tusar­naar­niaruk, perorsaatis­sin­neqar­nerlu ilas­siniaruk, siunis­sami ilisimatuun­ngorsin­naaq­qul­lutit.“ (úss. 19:20, NV) Nalun­ngilar­put taamatut ikior­neqar­nis­sar­put pisariaqar­til­lutigu. Inuuner­put Bibelimi ilik­kak­katsin­nut naaper­tuut­tun­ngor­tin­niarlugu qular­nan­ngitsumik arlaan­nik al­lan­nguisimavugut. Qanorli qisuarias­saner­pugut kristumioqatit­ta ilaat uagutsin­nik saaf­figin­nip­pat arlaan­nik isumatusaan­ngitsumik iliorsimaner­put pil­lugu un­nersuun­niarluta? Imaluun­niit qanoq ajun­ngin­nerusumik iliorsin­naanitsin­nik siun­nersor­patigut?

2. (a) Sooq inut­tut ataasiak­kaatut un­nersuun­neqar­nis­sar­put qujamasuutigisariaqar­par­put? (b) Qanoq qisuariar­tariaqan­ngilagut?

² Inut­tut naam­mal­luin­nan­ngitsuuner­put pis­sutigalugu naak im­maqa aal­laq­qaam­mut ilas­seraan­ngitsumik qisuariar­taraluarluta taamaat­toq ilumoorluta un­nersuut qujas­sutigisariaqar­par­put maleruar­nis­saalu sulis­sutigisariaqarlugu. Taamaalior­ner­put iluaqutis­saasumik kinguneqarsin­naavoq. (Epr. 12:11) Im­maqali taama ilior­nis­saraluatsin­nut taarsiul­lugu im­mitsin­nut pin­ngitsuutin­niar­tarsimavugut, kuk­kuner­put suun­ngitsutut isiginiar­tarsimal­lugu, imaluun­niit al­lat  pisuutin­niar­tarsimal­lugit. Il­lit taama qisuariarsimavit? Taamatut pisoqarsimaneranik kingumut eq­qaasaqaraangat­ta uagutsin­nik un­nersuus­sisimasoq uumitsaat­tar­ner­par­put? Taas­suma inut­tut naam­mal­luin­nan­ngis­sutai eq­qar­toq­qajaasar­ner­pavut imaluun­niit uagutsin­nik un­nersuus­seriaasia isor­nar­torsioq­qajaasarlugu, soorlulusooq taamaalil­luni uagut nam­mineq san­ngiis­suter­put pin­ngitsuutin­neqas­sasoq? Taamaaq­qajaasar­nit­ta anigor­nis­saanik Bibelimit ikior­neqarsin­naavugut?

Maligassat ilinniutissavut

3. (a) Un­nersuun­neqar­nermik perorsaatis­sin­neqar­nermil­lu eq­qor­tumik isumaqarfigin­nilis­sutigisin­naasatsin­nik sunik Bibeli imaqar­pa? (b) Al­las­simaf­fiit ilan­ngun­neqarsimasut ikior­tigalugit Saulip Uzzijal­lu un­nersuun­neqar­nermin­nut qanoq qisuariarsimanerat nas­suiaruk.

³ Oqaaq­qis­saarutit toq­qaan­nar­tut tamatumun­nga tun­ngasut saniatigut aam­mat­taaq inuit ilaasa un­nersuun­neqar­nermin­ni qanoq qisuariar­tarsimaneran­nik as­sersuutis­sanik piviusunik Guutip oqaasia imaqar­poq. Un­nersuut tas­saagajut­tarsimavor­taaq perorsaatis­siineq, tas­sa un­nersuun­neqar­toq isum­maminik imaluun­niit ileq­quminik al­lan­nguisariaqar­tarsimam­mat. Al­las­simaf­fiit matuma ataani ilan­ngun­neqarsimasut ikior­tigalugit as­sersuutit tamak­kua ilaat marluk misis­soq­qis­saaruk­kit paasilis­savat taak­kunani ilin­niutigisin­naasar­pas­suaqar­tugut:

SAUL: Amalekik­kun­nut sorsun­nermi kun­ngimik nersutaataanil­lu pitsaaner­paanik asat­tuus­sisimagami Jehovamut tamak­kiisumik naalan­ngilaq. (1 Sâm. 15:1-11)

Samuelip un­nersuus­sutaanut Saulip qisuariar­neranit qanoq ilil­luni paasineqarsin­naava Saulip kuk­kunini suun­ngitsutut isiginiarsarigaa? (V. 20) Saulip kina pisuutin­niarsaraa? (V. 21) Naggataatigut kuk­kunini nas­suerutigigamiuk suna utoq­qatsis­sutiginiarsaraa? (V. 24) Al­laat maan­nak­kut suna isumakuluutiginer­paar­pasip­paa? (V. 25, 30)

UZZIJA: Tipigis­saatil­liiniarluni Jehovap naalaf­fiutaanut iser­poq, naak palasit kisimik taamaalior­tus­saatitaagaluar­tut. (2 nal. 26:16-20)

Palasiunerup unitsin­niarmani sooq kun­ngi Uzzija kamaler­pa?  (Naleq­qiuguk versi 16.) Taman­na qanoq iner­neqar­pa? (V. 19-21)

4. (a) Sooq Saulip Uzzijal­lu un­nersuun­neqar­ner­tik taama ilas­siuminaatsitsigaat? (b) Sooq ul­lumik­kut­taaq taman­na taama ajor­nar­torsiutaatigaa?

⁴ Sooq angutit taak­kua marluk un­nersuun­neqar­nis­sar­tik taama ilas­siuminaatsitsigisimagaat? Ajor­nar­torsiut tun­ngaviusoq tas­saavoq pingaar­niar­tuuneq — im­min­nut angisuutip­pal­laar­nerat. Ul­lumik­kut inup­pas­suit taamatut pis­suseqar­ner­tik pis­sutigalugu im­min­nut aliasuutis­singaar­tar­put. Utoq­qaas­suser­tik imaluun­niit atorfitsik pis­sutigalugu an­ner­tuutut isigisamin­nik angusaqarsimagamik inut­tut un­nersuun­neqar­nis­sar­tik kis­saatigineq ajor­paat. Qular­nan­ngitsumik misigisimasar­put taamatut un­nersuun­neqar­neq amigaatimin­nik uparuar­tuiniar­nerusoq imaluun­niit tusaamaneqar­nermin­nut ajoqutaas­sasoq. San­ngiis­sutsimul­li ersiutaal­luin­nar­toq tas­saavoq nam­min­neq pingaar­niar­tuunerat. Pingaar­niar­tuugut­ta pingaar­niar­tuunerup inup­pas­suar­nit ileq­qorineqar­nera taama pis­suseqar­nitsin­nut pis­sutaatin­nias­san­ngilar­put. Oqaatsini peqatigiis­sor­tanilu takus­saasut aq­qutigalugit Jehovap asan­nit­tumik ikiuineranik ajat­tuisin­niarluta eq­qarsaatit­ta al­lamut saasar­niar­neran­ni pingaar­nias­suseq Satanip napititsiniutigisar­paa. Jehova ima mianersoq­qusivoq: ’Aseror­nis­sap siuleraa makitaneq [pingaar­niar­tuuneq], naak­kiun­nis­sal­lu siuleraa an­neruniar­neq.’ — úss. 16:18; aam­ma takuk­kit Rûmamiunut agdlagkat 12:3; ús­satit 16:5.

5. Apeq­qutit im­mik­koor­tumi tas­sani ilan­ngun­neqarsimasut ikior­tigalugit Moses Davidilu pil­lugit oqalut­tuat qanoq ilin­niarfigisin­naaneran­nik nas­suiaagit.

⁵ Bibeli aam­mat­taaq un­nersuun­neqar­nermin­nik ilas­sin­nis­simasunut as­sersuutis­saal­luar­tunik imaqar­poq. Aam­mat­taaq taak­ku naleqangaar­tumik ilin­niarfigisin­naavavut:

MOSES: Peq­qis­sutsiminut ajoqutaan­ngitsumik sulinias­sam­mat sakiata atoriaan­naasunik siun­nersor­paa qanoq ilil­luni sulias­sani an­ner­tuut agguataarsin­naagai. Moses tusar­naar­poq siun­nersuutaalu malin­nasuarlugit. (2 Môrs. 18:13-24)

Naak taama oqar­tus­saas­suteqar­tigigaluarluni sooq Moses pitsaasunik siun­nersoruminarsimava? (Takuuk Môrsasip agdlagaisa sisamait 12:3.) Uagut taamaat­tuunis­sar­put qanoq pingaaruteqar­tigaa? (Sivf. 2:3)

 DAVID: Al­lasior­poq kingor­nagul­lu ar­nap uia peq­qusersusaar­nik­kut toqutsil­lugu nam­mineq ar­namut taas­sumun­nga katin­nias­sagami taamaalil­lunilu kan­ngunar­tulioqatigiin­neq matoor­neqar­nias­sam­mat. Qaam­matialuit qaangium­mata Jehovap Natan Davidimukar­tip­paa taas­sumin­nga ilungersor­tumik oqaas­sitik­kiar­torlugu. (2 Sâm. 11:2-miit 12:12 ilan­ngul­lugu)

David ilungersor­tumik oqaan­neqarami kamaler­pa, ajor­tuliani suun­ngitsutut isiginiarsaraa imaluun­niit al­lat pisuutin­niarsaralugit? (2 Sâm. 12:13; Tuss. 51:1-5) Davidip peq­qis­siminera Jehovap ilas­sim­magu imaap­pa ileq­qorlut­tulior­nerup tamatuma kingunerinik David ilaqut­tanilu eq­qor­neqan­ngitsuus­sasut? (2 Sâm. 12:10, 11, 14; 2 Môrs. 34:6, 7)

6. (a) Silatuumik un­nersuus­sisini Davidip qanoq isigai? (b) Silatuumik un­nersuun­neqar­nivut kajumil­luta ilas­sisarutsigik qanoq iluaqutigis­savar­put? (c) Sukan­nersumik perorsaatis­sin­neqarut­ta suna puius­san­ngilar­put?

⁶ Kun­ngi Davidip misilit­tak­kani tun­ngavigalugit nalun­ngilaa pitsaasumik siun­nersor­neqar­nermik ilas­sin­nin­neq im­minut akilersin­naasoq; ilaan­ni pitsaasumik siun­nersor­tigisaminik Guuti qutsavigaa. (1 Sâm. 25:32-35; aam­ma takuuk ús­satit 9:8.) Uagut taamaap­pugut? Taamaak­kut­ta taava oqaasis­sar­pas­suaraluatsin­nut iliuusis­sar­pas­suaraluatsin­nul­lu im­maqa kingor­na peq­qis­simis­sutigisas­saraluatsin­nut il­lersuutis­saqarsin­naas­saagut. Davidip Batsebamik ajor­tulioqatigin­nin­nermini perorsaatis­sin­neqar­neratut perorsaatis­sin­neqas­sutigisariaqak­katsin­nik iliuuseqas­sagaluarut­ta puius­san­ngilar­put taamatut perorsaatis­sin­neqar­neq Jehovap asan­nin­neranut ersiutaam­mat naas­saan­ngitsumil­lu iluaqutis­sar­put siuner­taralugu perorsaatis­sin­neqar­tarat­ta. — úss. 3:11, 12; 4:13.

Pissutsit naleqangaartut pissuserilerniar­tariaqakkavut

7. Naalagaaf­fim­mut isis­sagunik inuit pis­suserisariaqagaat suna Jesusip ersersip­paa?

⁷ Jehovamut qatan­ngutitsin­nul­lu kristumiuusunut pitsaasumik at­taveqar­tuaan­narumagut­ta inut­tut pis­sutsit aalajangersimasut pis­suseriler­niar­tariaqar­pavut. Pis­sutsit tamak­kua ilaat Jesusip tik­kuar­paa meeraaraq ajoqersuk­kami akor­nan­nut pisik­kamiuk imalu oqarluni: ’Uterlusi meeran­nguatut  ilin­ngik­kus­si qilam­miup naalagaaf­fianut pis­san­ngilasi. Taamaam­mat meeran­nguatut uumatut ilil­luni im­minik nikanar­tit­toq qilam­miup naalagaaf­fiani an­neruvoq.’ (Mat. 18:3, 4) Ajoqersugai al­lan­nguisariaqarsimap­put. Pingaar­niar­tuuner­tik qimat­tariaqar­paat maniguut­tun­ngorsar­tariaqarlutil­lu.

8. (a) Kik­kut maniguuf­figisariaqar­pavut — sooq? (b) Taamaap­pat un­nersuun­neqar­nivut qanoq qisuariarfigisariaqar­pavut?

⁸ Kingor­na apustili Peter kristumioqatiminut ima al­lap­poq: ’Tamas­si ilis­sin­nut nikanar­tin­nermik [maniguun­nermik] as­suuseritsi, an­neruniar­tut Guutip akerar­tormagit, nikanar­tit­tul­li saam­maat­tarlugit.’ (1 Pîtr. 5:5) Nalun­ngilar­put Guutimut maniguut­tuusariaqarluta, al­las­simaf­fim­mili tamatumani oqaatigineqar­poq aam­mat­taaq up­peqatitsin­nut maniguut­tuusariaqar­tugut. Taamaak­kut­ta up­peqatitsin­nit un­nersuun­neqar­nivut narraatigisas­san­ngilavut. Im­mitsin­nik ilin­niarfigeqatigiin­nis­samik piumas­suseqas­saagut. (úss. 12:15) Naq­qiutaasumil­lu un­nersuun­neqar­nis­sar­put pisariaqar­tutut isigalugu qatan­ngutit­ta un­nersuup­patigut paasil­luar­tariaqar­par­put ineriar­tor­tin­nis­satsin­nut Jehovap asan­nit­tumik taman­na atoraa, tunuar­tit­tariaqan­ngilar­pul­lu. — Tuss. 141:5.

9. (a) Pis­suseq pingaaruteqar­toq suna maniguun­nermut at­tuumas­suteqarluin­nar­pa? (b) Ileq­qut­ta inun­nut al­lanut qanoq sun­niut­tar­nera sooq eq­qarsaatigisariaqar­par­put?

⁹ Pis­suseq al­la maniguun­nermut at­tuumas­suteqarluin­nar­toq tas­saavoq al­lat iluaqutis­saan­nik isumas­suineq piviusoq. Miserratigisin­naan­ngilar­put qanoq iliuutsivut inun­nik al­lanik at­tuisarmata. Kristumiut itsaq Korinthimiit­tut Romamiit­tul­lu Paulusip siun­nersor­pai inuit al­lat nalun­ngeqatigin­nis­susian­nik sianigin­nit­tuunis­saan­nik. Oqan­ngilaq nam­min­neq perusutatik tamaasa tunul­luin­nas­sagaat, kajumis­saar­paali inuup al­lap anersaak­kut ajoqutigisaminik nalun­ngeqatigin­nis­sutsiminut akerliusumik iliuuseqar­nis­saminut sapiil­lis­sutigisaanik qanoq iliuuseqar­naveersaar­nis­saan­nut. Najoq­qutas­saq tamanut tun­ngasoq Paulusip erseq­qis­sumik ima oqaatigaa: ’Nam­minis­saminik piniar­toqan­ngik­kili, aap­parmili iluaqutis­saanik. Taamaat­tumik nerigaangas­siluun­niit imeraangas­siluun­niit sugaangas­siluun­niit Guuti naalan­narseq­qul­lugu pisar­taan­naritsi. Juutinul­luun­niit grækerinul­luun­niit Guutip ilagiis­saanul­luun­niit naak­kius­sutaanaveeritsi.’ — 1 Kor. 10:24-33; 8:4-13; Rûm. 14:13-23.

10. Bibelimi un­nersuus­sutinik tamak­kunin­nga malin­nit­tar­nersugut suk­kut ersersin­naava?

 ¹⁰ Nam­mineq iluarusuutis­san­nik ilior­nis­samin­ngar­nit al­lat iluaqutis­saan­nik iliuuseqar­nis­samik pingaar­titsisut ilagaatsit? Taman­na sor­pas­suar­nut tun­ngasin­naavoq, as­sersuul­li man­na ataasiin­naq eq­qarsaatigeriaruk: Piliman­ngitsuul­lutalu torersuul­lutalu ipiitsuujuar­til­luta atisat­ta nutsat­talu qanoq it­tuunis­saat nam­mineq aalajangigas­saraavut. Qanorli ilius­sagaluar­pit paasileruk­ku inuit, im­maqa al­lamik tunuliaqutal­lit, Naalagaaf­fik pil­lugu tusagas­samik tusar­naar­nis­saraluamin­nut atisatit isik­kul­luun­niit akor­nutigigaat? Taava al­lan­nguiumal­lutit qanoq iliuuseqas­sagaluar­pit? Im­minut iluarusutsin­nis­san­nit inuup al­lap inuunera pingaar­nerutip­piuk?

11. Kristumiuunis­saq ilumut kis­saatigigaan­ni pis­sutsit tamak­ku pis­suseriler­niar­nis­saata pingaaruteqas­susia suk­kut paasineqarsin­naava?

¹¹ Pis­sutsit qulaani taaneqar­tut inut­tut pis­suserilersimagutsigik Kristusitut isumaqaleriar­torsimas­saagut. Maniguun­neq eq­qarsaatigalugu Jesus naam­mal­luin­nar­tumik maligas­siuisimavoq. (Juán. 13:12-15; Fil. 2:5-8) Aam­mat­taaq inun­nik al­lanik isumas­suinermigut nam­minerlu iluarusuutis­saan­narminik iliun­ngin­nermigut maligas­siuus­simavaatigut. — Rûm. 15:2, 3.

Jehovamit perorsaatissin­neqarneq tunuarteqinagu

12. (a) Guutip iluarisaanik inut­tut pis­suseqalerumagut­ta sunik al­lan­nguisariaqar­pugut? (b) Taamaalior­nis­satsin­nut suna iluaqutigis­savar­put?

¹² Guutit­ta pis­susii im­mitsin­ni ersersis­sin­naajumal­lugit isumatsigut, oqaatsitsigut ileq­qutsigul­lu al­lan­ngor­nis­sar­put pisariaqar­poq tamat­ta ajor­tiliugat­ta. ’Inut­taaq nutaan­ngor­toq’ atisariaqar­par­put. (Kul. 3:5-14; Tít. 2:11-14) Al­lan­nguinerit taama it­tut qanoq pisariaqar­tigis­susian­nik qanorlu ilil­luta taamatut al­lan­nguinis­satsin­nik paasin­nin­nis­satsin­nik un­nersuun­neqar­nitsigut perorsaatis­sin­neqar­nitsigul­lu ikior­neqar­tar­pugut.

13. (a) Suut aq­qutigalugit Jehova tamatsin­nik un­nersuus­sisarlunilu perorsaatis­siisar­pa? (b) Tamatumun­nga qanoq qisuariar­tariaqar­pugut?

¹³ Un­nersuun­neqar­nermut tamatumun­nga najoq­qutas­saqarfigisaq  tun­ngaviusoq tas­saavoq Bibeli nam­mineq. (2 Tim. 3:16, 17) Aam­mat­taaq atuagas­siat Bibelilersaarutaasut ataatsimiit­tar­neril­lu Jehovap peqatigiis­sor­taanit takus­saasunit aaq­qis­suun­neqar­tar­tut aq­qutigalugit un­nersuun­neqar­nerup tamatuma ul­luin­nar­ni qanoq ator­nis­saanik Jehovap paasitin­niar­tar­paatigut. Un­nersuun­neqar­nermik tamatumin­nga pisariaqar­titsiner­put maniguul­luta ilas­siumaner­par­put — naak sior­natigut tusareersimagaluarlugu — siumukar­niar­tuarlutalu?

14. Inut­tut ataasiak­kaatut aam­ma sumik Jehovap ikior­tar­paatigut?

¹⁴ Uatsin­nut im­mik­kut ajor­nar­torsiutaasin­naasumut akiuun­niar­nitsin­ni Jehovap kisimiitin­neq ajor­paatigut. Asan­nit­tumik isumas­suinermini inut­tut ataasiak­kaatut ikior­neqarsin­naanis­sar­put isumagisar­paa. Inuit mil­lionil­lit nam­min­neq angerlarsimaf­fim­min­ni Bibelimik atuaq­qis­saaqatigineqar­tar­nermik­kut taamatut ikior­neqarsimap­put. Angajoq­qaat qitor­namik inuunerup sin­nerani aliasuutis­siisumik ileq­qoqalersin­naveersaar­tin­niarlugit qitor­namin­nik perorsaatis­siisar­nis­sar­tik im­mik­kut it­tumik akisus­saaf­figaat. (úss. 6:20-35; 15:5) Ilagiin­nilu anersaak­kut piuk­kun­naatil­lit pisus­saap­put pisariaqaraangat Bibelimi un­nersuus­sutit ikior­tigalugit saamal­lutik al­lanik ikiuisas­sal­lutik. (Gal. 6:1, 2) Periaatsit tamak­ku aq­qutigalugit Jehovap un­nersuul­lutalu perorsaatis­sit­tar­paatigut inuiat­tut ataasius­suseqar­tutut pal­lorfigisin­naaq­qul­luni.

Uteqqiineq

● Inut­tut ataasiak­kaatut suk­kut al­lan­nguisariaqar­nitsin­nik qanoq ilil­luni Jehovap asan­nit­tumik paasitin­niar­tar­paatigut?

● Sooq inup­pas­suit un­nersuun­neqar­nis­sar­tik ilas­siuminaatsit­tar­paat? Taman­na qanoq ilungersor­nar­tigisutut isigisariaqar­par­put?

● Pis­sutsit erlin­nar­tut suut un­nersuuk­kuminarsitis­savaatigut? Taama it­tunik pis­suseqar­nis­saq eq­qarsaatigalugu qanoq ilil­luni Jesus maligas­siuiva?

[Atuaqqissaarnermi apeqqutit]