Kapiteli 14

’Naalagaaffimmik angerfigeqatigaassi’

1. Toqunis­si aqagut­toq un­nuk­kut Jesusip apustilini sumik siunis­saqalersip­pai?

TOQUN­NEQAR­NIS­SI aqagut­toq un­nuk­kut apustilini  aalajaatsut Jesusip ima oqarfigai: ’Ataatama il­luani inis­sat amerlaqaat. Inis­sioriar­tor­pas­si najuk­kan­neeq­qul­lusi.’ Imalu nangil­luni oqarfigai: „Angerfigeqatigaas­silu, soorlu Ataatama uanga angerfigeqatigigaanga, naalagaaf­fik pil­lugu.“ (Juán. 14:2, 3; Lúk. 22:29, NV) Taak­kunun­nga periarfis­siinerata ila as­seqan­ngis­susia!

2. Qilam­mi naalagaaf­fim­mini Kristus qas­sinik naalak­kersueqateqas­sava?

² Taamaalil­luni Jesus oqan­ngilaq apustilimi taakkuinnaat naalagaaf­fim­mini qilam­miit­tumi naalak­kersueqatigiumaaraan­ni. Tamatuma kingor­nagut saq­qum­mersin­neqar­poq pisin­naatitaaf­fik taman­na im­mik­kut it­toq 144.000-inut, nunamit pisiarineqar­tus­sanut, tun­niun­neqas­sasoq. (sarĸ. 5:9, 10; 14:1, 4) Tamatumin­nga neriugisaqar­tunik ul­lumik­kut inoqar­pa?

Naalagaaffimmik kingornussisussat katersorneqartut

3. Tamanut oqaluus­sinermini periarfis­saq suna Jesusip ilisimaneqalersip­paa?

³ Johan­nes Kuisisup Herodes Antipasimit par­naarun­neqar­nerata kingor­na Jesus tamanut oqaluus­sinermik, ’qilam­miup naalagaaf­fianut’ tun­nganerutitaminik, aal­lar­niivoq. (Mat. 4:12, 17) Inuit naalagaaf­fim­mut tamatumun­nga peqataanis­samin­nut periarfis­saqar­neran­nik ilisimatip­pai, ajoqersugaasalu ilungersorlutik akis­sarsias­saq taman­na anguniagaraat. — Mat. 5:3, 10, 20; 7:21; 11:12.

4. (a) Jesusip ajoqersugai siul­liit qanga anersaamik iluar­tumik tanin­neqaq­qaar­pat? (b) Suk­kut paasineqarsin­naava taamanimiil­li Naalagaaf­fim­mik kingor­nus­sisus­sat katersor­neqar­nerat sal­liutitaasoq?

⁴ Ukiumi 33-mi piinsimi naalagaaf­fim­mut peqataasus­sat  siul­liit anersaamit iluar­tumit tanin­neqar­put. (ap. sul. 2:1-4; 2 Kor. 1:21, 22) An­nan­nis­samik, qilam­mi toqusuitsumik inuunis­samut sam­misumik, Guutip aaq­qis­suus­saa pisumi tamatumani ilisimaneqalersin­neqar­poq. Ilisimas­sum­mik tamatumin­nga — siul­lermik juutinut, taavalu Samariamiunut, tamatumalu kingor­na inun­nut inuian­nit juutiun­ngitsuneersunut — am­maas­siniar­nermini ’qilam­miup naalagaaf­fiata matuersaatai’ Peterip ator­pai. (Mat. 16:19) Naalagaaf­fim­mik tamatumin­nga ukiuni 1000-ini inun­nut naalak­kersuisus­samik pilersitsineq sam­mineqarsimaqaaq, al­lak­kanilu isumas­sarsiarititaasuni, Kristumiut Al­lagaataat Grækerisuut-ni, tamangajan­ni naalagaaf­fim­mik kingor­nus­sisus­sat katersat taak­ku — ’iluar­tut’, ’qilam­mit qaaq­quneqar­tunut ilan­ngus­simasut’ — pingaar­nerutil­lugit al­laf­figisaap­put. *

5. Qilam­mut inuunis­samik qaaq­quneqarmata imaap­pa Guutip kif­faanit siusin­nerusuk­kut inuusimasunit pitsaanerusut?

⁵ Qilam­mi inuunis­samut qaaq­quneqarsimam­mata imaan­ngilaq Guutip kif­faanit, ukioq 33-mi piinsi sioq­qul­lugu toqusimasunit tamanit, arlaatigut pitsaanerum­mata qaaq­quneqar­tut. (Mat. 11:11) Kisian­ni Jesus Kristusip naalak­kersueqatis­saanik Jehova taamanimiil­li toq­qar­tuil­luni aal­lar­tis­simavoq. Tamatuma kingor­na ukiut 1900-t mis­saasa ingerlaneran­ni qaaq­quneqar­neq ataasiin­naasimavoq, tas­sa qilam­mut. Taman­na tas­saavoq Guutip ajun­ngis­sutsimigut pisas­sarin­ngisaraluatsigut aalajangersimasumik amerlas­susilin­nut tunis­sutaa ilisimas­sutsi naaper­torlugu nam­mineq siuner­tarisani asan­nit­tut siuarsarumal­lugit. — Evf. 2:8-10.

6. (a) Qilam­mit qaaq­quneqar­nerup taamaatif­fis­saa sooq nal­liut­tariaqarsimava? (b) ’Amerlangaar­tut’ pil­lugit siulit­tuutip eq­quun­neranik kinguneqar­tumik kia pisut aqut­tus­saasimavai, taman­nalu qanor­piaq ingerlasimava?

⁶ Ukiut ingerlaneran­ni inuit aalajangersimasumik amerlas­susiler­neqarsimasut,  tas­sa 144.000-it, katersorlugit naam­matsik­kiar­tuaar­neqar­tus­saasimap­put. Taava naam­matsip­pata anersaak­kut Israelik­kut taak­ku naqis­suser­neqavin­nis­saat imaluun­niit akuerineqavin­nis­saat qanil­lis­saaq. (sarĸ. 7:1-8) Taman­na pereer­pat Jehovap, anersaani peqatigiis­sor­taminul­lu takus­saasunut oqaatsiminik paasin­nin­nis­samik periarfis­siisimanini ikior­tigalugit, siuner­tarisami im­mik­koor­tor­taata aap­paa, tas­sa sarĸúmersitat 7:9-17-imi eq­qar­tor­neqar­toq, naam­mas­sisin­naaq­qul­lugu pisut aqut­tus­saasimavai. ’Amerlangaar­tut’ inuian­nit tamaneersut katersor­neqar­tus­saasimap­put an­nikil­lior­nar­tumil­lu angisuumit aniguisin­neqar­tus­saal­lutik paratiisimilu nunamiit­tumi naam­mal­luin­nar­tuul­luni inuunermik naas­saan­ngitsumik angusisus­saal­lutik. Tamatuma qanor­piaq pisimanera qimerlooraan­ni isumaqar­nar­poq qilam­mut qaaq­qusineq 1935-p mis­saani naam­mas­sisimas­sasoq, taamanimi ’amerlangaar­tut’ nunarsuarmi inuunis­samik neriugisaqar­nerat erseq­qis­sumik paasineqar­poq. Taamanimiil­li katersat qilaliar­tus­sat sin­nerut­tut tuusintialuin­nan­ngorsimasut inun­nit mil­lionilik­kuutaanit Jehovamik pal­lorfigin­nit­tunit nunarsuarmilu maani naas­saan­ngitsumik inuunis­samik peq­qusersuil­lutik neriugisaqar­tunit ilan­nguf­figior­tor­neqarsimap­put.

7. Ul­lumik­kut qilam­mit qaaq­qutit­toqariataarsin­naava? Taman­na nas­suiaruk.

⁷ Taava imaap­pa qilam­mi inuunis­samik Guutimit qaaq­qutit­toqar­tarun­naarsimasoq? Qilaliar­tut naqis­suser­neqavin­ngin­neran­ni imaas­sin­naavoq taak­kua ilaan­nik aalajaak­kun­naar­toqar­toq, taamaalip­pal­lu pisariaqalis­saaq al­lamik, pineqar­tumut taar­taasus­samik, toq­qaanis­saq. Taman­nali qular­nan­ngivis­sumik qaqutigorujus­suaq pisas­saaq.

Qanoq ilillutik nalunngilaat Guutip anersaakkut ernerigaatik?

8. Anersaaq iluar­tuk­kut kinguaas­siarititaasut kinguaas­siarititaanermin­nik nam­min­neq ilisiman­nin­nerat qanoq Paulusip nas­suiar­paa?

⁸ Kristumiut kuisimasut qilaliar­nis­samik qaaq­quneqarsimagaangamik Guutip anersaavanit qularun­naarsin­neqar­tar­put taas­suma anersaak­kut er­nerilersimagaatik. Apustili Paulusip  ’iluar­tunut’ Romamiit­tunut al­lak­kamini taman­na eq­qaavaa. Taamanik­kut kristumiuusunut ilumoor­tunut tamanut tun­ngasumik ima oqar­poq: ’Guutip anersaanut tasior­tit­tut tamaasa Guutip qitor­narai. Ilis­simi kif­faasutut anersaaqar­titaan­ngilasi kingumut siooraleq­qul­lusi, kisian­ni qitor­naasutut anersaaqar­titaavusi; taas­sumuuna torlulavugut: „Abba, Ataataq.“ Anersaap [tamatuma, NV] anersaar­put nalunaajaaqatigaa Guutip qitor­narigaatigut. Qitor­naagut­tali kingor­nus­sisus­saavugut­taaq, Guutimit kingor­nus­sis­sal­luta Kristusilu kingor­nus­seqatigis­sal­lugu; mas­sami naal­lioqatigigatsigu taava naalan­narseqatigis­savar­put­taaq.’ — Rûm. 1:7; 8:14-17.

9. Ajoqersuk­kat tanitat anersaavat peqatigalugu qanoq ilil­luni ’anersaap tamatuma nalunaajaatigaa’ taak­ku Guutip er­nerigai?

⁹ Oqaaseq „anersaaq“ matumani marlun­nik as­sigiin­ngitsunik ator­neqar­poq: ’anersaap tamatuma’ aam­ma ’anersaar­put’. Siul­leq tas­saavoq Guutip pis­saanera takus­saan­ngitsoq sulis­sutigin­nit­tar­toq. Guutip anersaak­kut qitor­nai anersaamit tamatuman­nga nalujun­naarsin­neqar­tar­put taas­suma qitor­naatut kif­faan­ngis­suseqar­tutut isigineqalersimanermin­nik. Anersaaq taman­na aam­mat­taaq Guutip oqaasiagut isumas­sarsiarititaasuk­kut, Bibelik­kut, anersaak­kut qitor­naminut nam­mineq al­lagaatut it­tuk­kut, nalunaajaasar­poq. (1 Pîtr. 1:10-12) Anersaaq iluar­tuk­kut kinguaas­siarineqarsimasut Bibelimi atuaraangamik­ku Guutip anersaak­kut qitor­nai qanoq oqarfigineqar­tut, eq­qor­tumik ima akisar­put: ’Taman­na uan­nut tun­ngavoq.’ Taamaalil­luni Guutip nam­mineq pis­saanera sulis­sutigin­nit­tar­toq taak­kua anersaavat — tas­sa isumaan­ni uum­mataan­nilu ilorlik­kut kajumis­suseq — peqatigalugu as­sigiin­ngitsutigut nalunaajaasar­poq Guutip qitor­narigai. Guutip anersaavata taamaalil­luni nalunaarutai naaper­torlugit isumaat uum­mataal­lu Kristusimik kingor­nus­seqataanis­samik siun­nerfiler­neqar­tar­put, akisus­saaf­fil­lu Guutip anersaak­kut qitor­naanut pisas­sarititaasoq tigusar­paat. — Fil. 3:13, 14.

10. (a) Inuup kristumiutut tanitaaneranut suut im­min­ni nalujun­naarsitsisuun­ngil­lat? (b) Guutip siuner­tarisaanik naam­mas­sin­nin­nermi inis­sisimaner­tik ’savat al­lat’ qanoq isigaat?

¹⁰ Taman­na ilin­nut tun­ngava? Taamaap­pat taava nuan­ningaar­tumik im­mik­kut pisin­naatitaaf­feqar­putit. Kuk­kunerus­saarli  kristumiunut anersaamik-tanitaasunut ilaasoris­sal­luni anersaamut tun­ngasunik itinerusunik pingaar­titsisuuneq imaluun­niit oqaluus­sinermik aal­lus­sil­luar­tuuneq qatan­ngutinil­luun­niit qamuuna asan­nit­tuuneq pis­sutigiin­narlugu. Aam­mat­taarmi ’savat al­lat’ ilar­pas­sui taamaat­tunik pis­suseqar­put. Kristusip kingor­nus­seqatis­saanut tun­ngasut Bibelimi atuaraangamik­kik aam­mat­taaq taakkua uum­mataat at­tor­neqar­tar­put, taman­nali pis­sutigiin­narlugu it­tuujuil­lutik Guutip im­min­nut pisas­saritin­ngisaanik ilungersorlutik kis­saateqar­niar­neq ajor­put. (Naleq­qiuguk Môrsasip agdlagaisa sisamait 16:1-40.) Paasivaat suna Guutip aal­laq­qaam­mul­li nunarsuarmut tun­ngatil­lugu siuner­tarigaa, siuner­tal­lu tamatuma naam­mas­sineqar­nis­saa peqataaf­figiumal­lugu pingaar­titsil­lutik suliniar­put.

Naalakkap unnukkorsior­titsinera qanoq ataqqinnittumik ilangiiffigineqartartoq

11. Ukiumoor­tumik Jesusip toquanik eq­qaaniaanermi kik­kut najuut­tar­pat — sooq?

¹¹ Ukiut tamaasa nisanip ul­luisa 14-ian­ni seqer­nup tarrin­nerata kingor­na Jesus Kristusip ajoqersugai tanitaasut nunarsuup im­mik­koor­tor­taani tamani katersuut­tar­put apustiliminut ilitsersuutigisimasai naaper­torlugit taas­suma toqua eq­qaanias­sal­lugu. (Lúk. 22:19, 20) Aam­mat­taaq ’savat al­lat’ taak­kunun­nga katersuuteqataasar­put, timiusamik viin­nimil­lu ilangeeqataaniar­natik ataq­qin­nit­tumil­li isigin­naar­tuuniarlutik.

12. Naalak­kap un­nuk­korsior­titsineranik pingaar­titsin­ngin­nermik itsaq kristumiut Korinthimiit­tut ilaat qanoq ersersitsip­pat?

¹² Taman­na tas­saan­ngilaq up­perisarsior­nik­kut asuli ileq­qulersuut, tas­saal­lunili nereqatigiin­neq pingaarutilis­suaq. Ukiuni hundredelin­ni siul­ler­ni kristumiut Korinthimiit­tut ilaasa nereqatigiin­neq taman­na eq­qor­tumik pingaar­tin­ngim­mas­suk apustili Paulusip ilungersorluni oqaaq­qis­saar­pai ima al­lal­luni: ’Taman­na pil­lugu timiusamit matuman­nga nerisoq, Naalak­kal­luun­niit ermusianit imer­toq qin­ngaq­qun­narluni, taan­na pil­lagas­saatip­poq Naalak­kap timaalu aavalu pil­lugit.’ Peqataanis­saan­nut suup ’qin­ngaq­qun­narsitip­pai’? Aap, isumamik­kut  uum­matimik­kul­lu piareersarluarsiman­ngil­lat. Ilagiit iluan­ni as­suariit­toqar­poq. Ilaal­lu ataatsimiin­nis­samut tamatumun­nga katersuutin­ngin­nermin­ni nerival­laarlutil­lu imer­pal­laarsimap­put. Naalak­kap un­nuk­korsior­titsinera suusupagaat. Timiusap viin­nil­lu sumut as­sersuutaanerat itinerusumik paasisin­naasiman­ngilaat. — 1 Kor. 11:17-34.

13. Timiusaq viin­nilu eq­qaaniaal­luni nal­liut­torsior­nermi sas­saal­liutigineqar­tar­tut sunut as­sersuutaap­pat?

¹³ Timiusaq viin­nilu sumut as­sersuutaap­pat? Imaan­ngilaq tupin­nar­tulior­nik­kut as­sersuutigineqar­tunut al­lan­ngoriataas­sasut. Imaan­ngil­luin­nar­porlu eq­qaaniaal­luni un­nuk­korsior­nerit tamaasa Kristus pil­liutigeq­qin­neqar­tar­toq, Bibelimimi oqaatigineqar­poq ’Kristus ataasiarluni pil­liutigisaasoq amerlasuut ajor­taat at­tataralugit’. (Epr. 9:28; 10:10; Rûm. 6:9) Timiusaq seer­narsaateqan­ngitsoq viin­nilu aap­palut­toq Jesusip timaanut pil­liutigisaanut aavanul­lu kuisaanut as­sersuutaan­naap­put. Piviusuusul­li taak­ku ilumut akisul­luin­nar­tuup­put! Jesusip inut­tut timaa ajor­teqan­ngitsoq pil­liutigineqar­poq inuiaat naas­saan­ngitsumik inuunis­saan­nik periarfis­sis­sin­naaq­qul­lugit. (Juán. 6:51) Aavalu kuisaq marlun­nik siuner­taqar­poq — tas­sa inuit tamatumin­nga up­perfigin­nil­lutik suliaqar­tut ajor­taajar­pai, aam­ma Guutip anersaak­kul­lu Israelip ilagiis­saasa, kristumiunik anersaamik-tanitaasunik ilaasor­tal­lit, akor­nan­ni angerusisaamik ator­tuulersitsivoq. (1 Juán. 1:7; 1 Kor. 11:25; Gal. 6:14-16) Tas­sa-una aaq­qis­suus­sanit erlin­nangaar­tunit tamak­kunan­nga ’savar­pan­nguanut’ ilaasor­taasut Guutimit iluar­tuutin­neqar­nis­samin­nut, aap inut­tut naam­mal­luin­nas­suseqartitaanissaminnut periarfis­sin­neqar­tut. (Lúk. 12:32) Taman­na pivoq Guutip er­nerisut anersaaq iluar­tuk­kut kinguaas­siarineqarsin­naaq­qul­lugit, naalagaaf­fiani qilam­miit­tumi Kristusimik naalak­kersueqataanis­saat siuner­taralugu. Ukiut tamaasa eq­qaaniaal­luni nal­liut­torsior­nermi as­sersuutaasunik ilangiigaangamik taamaalil­lutil­lu qilam­mi inuunis­samik neriugisaqar­nermin­nik ersersitsigaangamik ’angerusisaamut’, Kristus akun­nermiliut­toralugu pilersin­neqarsimasumut, ilaanermin­nik pingaar­titsinerat nutaan­ngorlunilu itinerulersar­poq. — Epr. 8:6-12.

 ’Ingerlaqatigilassi’

14. (a) Eq­qaaniaal­luni nal­liut­torsior­nermi as­sersuutit sooq ’savanit al­lanit’ ilangiif­figineqar­neq ajor­pat, taak­kunan­ngali suut qilanaarineqaqaat? (b) Naalagaaf­fim­mik kingor­nus­sisus­sanik sin­nerut­tunik suleqatigin­nin­ner­tik taak­kua qanoq isigaat?

¹⁴ ’Savat al­lat’ takusimavaat qanoq Jehovap tanitani isumas­sorai, taak­kunun­ngalu ilan­ngus­simap­put ima oqarlutik: ’Ingerlaqatigilas­si, tusaamagat­ta Guutip najoraasi.’ (Sagg. 8:20-23) Taak­ku ilagalugit ataatsimiin­nerit najuuf­figiin­nar­tan­ngilaat, aam­mat­taarli Naalagaaf­fik pil­lugu tusagas­samik nuan­nersumik nunarsuaq inuit najugarisaat tamak­kerlugu oqaluus­sis­sutigin­nin­neq peqataaf­figaat. ’Savat al­lat’ ’angerusisaamut’, anersaak­kut Israelik­kut peqatigalugit pilersin­neqarsimasumut, ilaan­ngil­lat, aam­mat­taaq „naalagaaf­fik pil­lugu“ angerutsimut, Jesusip qilam­mi inooqatis­saatut toq­qar­neqarsimasut ilagalugit pilersitaanut, ilaan­ngil­lat, taamaat­tumil­lu eq­qaaniaal­luni nal­liut­torsior­nermi as­sersuutinik ilangeeqataaneq ajorlutik. (Lúk. 22:20, 29, NV) ’Angerusisaal­li’ siuner­taa naam­mas­siar­tor­til­lugu, tas­sa ’savar­pan­nguanut’ ilaasor­taasut qilam­mi naalagaaf­fim­mut katersor­neqarlutik tamak­keriar­tuaar­til­lugit, ’savat al­lat’ malugisar­paat naalagaaf­fiup tamatuma aqutsinerani nunarsuarmi pil­luaq­qus­sutis­sat piumaak­katik qanil­lisut. Naalagaaf­fim­mik kingor­nus­sisus­sanit sin­nerut­tunik aalajaatsunik taak­kunin­nga ’ul­luni kingul­ler­ni’ mak­kunani ataasius­suseqarlutik kif­far­toqatigin­nin­ner­tik im­mik­kut pisin­naatitaaf­fit­tut isigaat.

[Quppernerup ataani ilanngussaq]

Uteqqiineq

● Qilam­mi inuunis­samik neriuut Kristumiut Al­lagaataat Grækerisuut-ni sooq taama sam­mineqar­tigaa?

● Kristumiut tanitaasut qanoq ilil­lutik nalun­ngilaat Guutip er­nerisut kinguaas­siarititaal­lutik? Eq­qaaniaal­luni nal­liut­torsior­nermi as­sersuutit taak­kua ilangiif­figisaat sunut as­sersuutaap­pat?

● ’Savat al­lat’ qanoq ilil­lutik ersersip­paat ilumut ’savar­pan­nguit’ ataasioqatigil­luin­narlugit?

[Atuaqqissaarnermi apeqqutit]