Kapiteli 22

Guutip oqaasia nakimanak oqaluutigiuaannaruk

1. (a) Tusagas­saq nuan­nersoq suna Jesusip ajoqersugaasa Piinsip ul­luani ukiumi 33-miit oqaluus­sis­sutigiler­paat, juutil­li siut­tui utoq­qaaner­taal­lu tamatumun­nga qanoq qisuariar­pat? (b) Tamatumun­nga atatil­lugu im­minut qanoq apersorsin­naavugut?

UKIUT 4000-init amerlanerusut oqalut­tuarisaanerata  ingerlanerani pisimasut pingaar­nersaat pereersimap­put. Guutip er­nera, Jesus Kristus, nunarsuarmut kun­ngin­ngor­tus­satut tanin­neqarsimavoq, up­perisarsior­nik­kul­lu akeraasa sun­niineratigut toqun­neqareersorlu Jehovap toqusunit makitis­simavaa. Maan­na taan­na aq­qutigalugu inuunermik naas­saan­ngitsumik neriugisaqarluni an­naan­neqar­nis­saq ajor­narun­naarsimavoq. Jesusil­li ajoqersugaasa aalajaatsut tusagas­saq nuan­nersoq taman­na tamanut oqaluus­sis­sutigilermas­suk sak­kor­tuumik taak­kunin­nga malersuineqalersimavoq. Siul­lermik apustilit ilaat marluk par­naarun­neqar­put, kingor­nalu tamarmik par­naarun­neqarlutik. Iperar­tor­neqar­put Jesusil­lu aq­qani oqaluus­sinermin­nik unitsitseq­quneqarlutik. (ap. sul. 4:1-3, 17; 5:17, 18, 40) Qanoq ilior­nias­sap­pat? Il­lit qanoq ilius­sagaluar­pit? Oqaluus­sinerit nakimanak ingerlatiin­nas­sagaluar­piuk?

2. (a) Tusagas­saq suli misin­nar­neroqisoq suna uagut nalitsin­ni oqaluus­sis­sutigineqar­tus­saava? (b) Kik­kut taamaalior­nis­samin­nut pisus­saap­pat?

² 1914-imi suli misin­nar­nerungaar­tumik silarsuarmul­lu tamarmut pingaaruteqar­tumik pisoqar­poq. Guutip naalagaaf­fia Jesus Kristusik­koor­toq qilam­mi pilersin­neqar­poq. Taava Satan in­ngilipiluilu nunamut igin­neqar­put. (sarĸ. 12:1-5, 7-12) Aaq­qis­suus­saanerup ajor­tup maan­nak­kut atuut­tup ul­lui kingul­liit aal­lar­tis­simap­put. Kinguaariit 1914-imi pisunik takun­nit­tut toqutin­nagit aaq­qis­suus­saaneq Satanip pia Guutip aserus­savaa. (Mat. 24:34) Amiak­kuul­lutik an­nat­tut inuunermik naas­saan­ngitsumik siunis­saqas­sap­put. Guutip  aal­laq­qaam­mul­li siuner­tarisaata naam­mas­sineqar­neratut nunarsuaq tamarmi paratiisin­ngor­tin­neqas­saaq. Tusagas­saq nuan­nersoq taman­na ilas­sereersimaguk­ku inun­nut al­lanut oqalut­tuaris­sal­lugu pisus­saavutit. (Mat. 24:14) Qanorli qisuariarfigineqar­nis­sat ilimagisin­naaviuk?

3. (a) Naalagaaf­fim­mik tusarlius­samut inuit qanoq qisuariar­tar­pat? (b) Taamaat­tumik apeq­qut suna isumaliutigeq­qis­saar­tariaqar­par­put?

³ Qular­nan­ngilaq inuit ilaasa Naalagaaf­fim­mik oqaluus­sisar­tutut ilas­sil­luas­sagaatsit, inuil­li amerlanersaat tusarumanavian­ngil­luin­nas­sap­put. (Mat. 24:37-39) Ilaasa im­maqa mitaatigis­savaatsit imaluun­niit tusarlius­sat nuan­narin­ngil­luin­nas­sal­lugu. Ajoqersuk­kami ilaasa qanigisamin­nik akerlilersor­neqarsin­naanerat Jesusip mianersoq­qus­sutigisimavaa. (Lúk. 21:16-19) Aam­mat­taaq sulif­fin­ni atuarfin­niluun­niit akerlilersor­neqarsin­naavutit. Nunar­pas­suar­ni Jehovap Nalunaajaasui naalak­kersuisunit naaper­tuil­luan­ngitsumik kil­lilersuif­figineqar­put. Il­lit taamatut nalaataqas­sagaluaruit Guutip oqaasia nakimanak oqaluutigiuaan­nas­sagaluar­piuk?

4. Aalajaal­luni Guutimut kif­far­tor­tuar­nis­samut inut­tut aalajangeriataal­laq­qis­suseq qulak­keerutaava?

⁴ Sapiitsuul­lutit Guutimut kif­faanis­sat qular­nan­ngitsumik kis­saatigaat. Oqaluus­sisar­tul­li Guutip oqaasianik oqaluus­sis­sutigin­nin­nermin­nik sumil­luun­niit unitsin­neqarsin­naan­ngitsutut misigisimagaluar­tut oqaluus­sinermin­nik taamaatitsisimap­put — oqaluus­sisar­tul­li al­lat, ilaatigut inut­tut kisit­tutut ik­kaluar­tut, Guutip kif­faasut ilungersor­tutut qasusuil­lutik ingerlaan­narsimap­put. Il­lit qanoq ilil­lutit ’aalajaatsumik up­per­tunut’ ilaalersin­naavit? — 1 Kor. 16:13.

Namminersor­niarsareqinak

5. (a) Aalajaal­luta Guutimut kif­far­tor­tuaan­nar­nis­satsin­nut suna tun­ngaviusumik pisariaqar­pa? (b) Sooq ataatsimiit­tar­nerit taama pingaaruteqar­tigaat?

⁵ Aalajaal­luni Guutimik kif­far­tuus­siuaan­nar­nermut pis­sutaaqataasut soorunami arlaliup­put. Pis­sutaasorli tun­ngaviusoq tas­saavoq Jehovamik taas­sumalu aaq­qis­suus­saanik tunaar­tarin­nin­neq. Jehovamik aaq­qis­suus­saanil­lu tunaar­tarin­nit­tuuner­put qanoq ersersis­sin­naavar­put? Ilaatigut ilagiit ataatsimiin­nerinut tamatigut najuut­tar­nitsigut. Bibelimi kajumis­saar­neqar­pugut  ataatsimooqatigiit­tar­nis­satsin­nik. (Epr. 10:23-25) Malersuisoqaraluar­toq imaluun­niit inuit tusarlius­satsin­nut soqutigin­nin­ngik­kaluaqisut Jehovamik nalunaajaas­sutigin­nin­nermin­nik aalajaal­lutik ingerlatsiin­nar­tut up­peqatitik ilagalugit ataatsimiin­nerit tamaasa ilungersorlutik najuuf­figiniar­tuar­tarsimavaat. Ataatsimiin­ner­ni tamak­kunani Bibelimik ilisiman­nin­ner­put an­nerulersar­poq, ilik­kagaqar­nis­sar­pul­li piin­nar­nagu ataatsimiin­ner­nut tamak­kunun­nga or­nigut­tar­pugut. (Naleq­qiuguk apustilit suliáinik agdlagkat 17:21.) Ajoqersuutinik ilumoor­tunik ilisimaneqarluar­tunik paasin­nin­ner­put al­lisar­por­taaq, ilik­kak­kat­talu qanoq ilil­luta ator­nis­saat eq­qumaf­figinerujar­tuin­nar­tar­par­put. Taamaalil­luta Jesusip uagutsin­nut maligas­siaa puiuik­kiul­luin­nar­tar­par­put. (Evf. 4:20-24) Ataasius­suseqarluta pal­lorfigin­nin­nitsin­ni kristumiutul­lu qatan­ngutivut im­mitsin­nut qanin­nerulersar­pugut, Guutil­lu piumasaanik ilior­nis­satsin­nut tamat­ta im­mik­kut nakus­satsin­neqar­tarluta. Ilagiit aq­qutigalugit Jehovap anersaavanit siulersor­neqar­tar­pugut, Jesusil­lu aq­qani katersuuk­kaangat­ta anersaaq taman­na ikior­tigalugu Jesus akor­natsin­niit­tar­poq. — sarĸ. 3:6; Mat. 18:20.

6. Nunani Jehovap Nalunaajaasuisa iner­teq­qutaaf­figisaan­ni ataatsimiin­nerit qanoq ingerlan­neqar­tar­pat?

⁶ Ataatsimiin­nerit tamaasa najuuf­figisar­pigit, ataatsimiin­ner­nilu sam­mineqar­tar­tut ul­luin­nar­ni ator­tarlugit? Nunani Jehovap Nalunaajaasuisa iner­teq­qutaaf­figisaan­ni ataatsimiin­nerit angerlarsimaf­fin­ni as­sigiin­ngitsuni ikit­tun­nguak­kuutaarluni ingerlan­neqar­nis­saat ilaan­nik­kut pisariaqar­tar­poq. Ataatsimiin­nerit sumi qas­sinul­lu pinis­saat pinerit tamaasa nikerarsin­naasar­put, im­maqalu pif­fis­saal­luar­tuk­kuin­naan­ngitsoq pisarlutik, tas­sami ataatsimiin­nerit ilaat un­nuk­kut kingusiin­nak­kut ingerlan­neqar­tariaqar­tar­put. Taamaak­kaluar­torli inut­tut akor­nutis­sarsisaraluarlutik navianar­torsior­taraluarlutil­luun­niit qatan­ngutit­ta angutit ar­nal­lu aalajaatsut ataatsimiin­ner­nut tamanut najuun­nis­sar­tik tamaviaarutigisar­paat.

7. (a) Jehovamik tunaar­tarin­nin­ner­put aam­mat­taaq qanoq ilil­luta ersersit­tar­par­put? (b) Nakimanata oqaluus­siuaan­nar­nis­satsin­nut taman­na qanoq ilil­luta iluaqutigisin­naavar­put?

⁷ Jehovamik tunaar­tarin­nin­ner­put aam­mat­taaq ersersit­tar­par­put qinunik­kut saaf­figisar­neratigut — alan­ngaagaan­naan­ngitsumik,  taas­suman­ngali ikior­neqar­nis­satsin­nik pisariaqar­titsinitsin­nik qamuuna ersersitsisumik. Il­lit taamaalior­tar­pit? Jesus nunami kif­far­tor­nermini qas­seeriaqaluni qinusar­poq. (Lúk. 3:21; 6:12, 13; 9:18, 28; 11:1; 22:39-44) Qisum­mut kikiat­tor­neqar­nis­si aqagut­toq un­nuk­kut ajoqersuk­kani ima kajumis­saar­pai: ’Eq­qumaniarlusilu qinugitsi, us­ser­nar­tumut peq­qunasi.’ (Mák. 14:38) Naalagaaf­fik pil­lugu tusagas­samut soqutigin­nin­ngitsoqar­pal­laar­pat oqaluus­sisar­nit­ta an­nikil­lisin­nis­saa im­maqa us­ser­nar­torsiorfigisin­naavar­put. Asis­sor­neqarlutalu il­laruaatigineqarut­ta imaluun­niit sak­kor­tunerusumik malersor­neqarut­ta, ajor­nar­torsiutit tamak­ku pin­ngitsoor­niaan­narlugit tusarlius­sas­satsin­nik nipangius­siin­nar­nis­sar­put im­maqa us­ser­nar­torsiorfigisin­naavar­put. Ilungersorlutali Guuti qin­nuigigutsigu nakimanata oqaluus­siuaan­nar­nis­satsin­nut anersaaminik ikioq­qul­luta, taava us­ser­nar­torsiorfigisatsin­nut tamatumun­nga nak­kaan­nan­ngin­nis­satsin­nut nakus­satsin­neqas­saagut. — Lúk. 11:13; Evf. 6:18-20.

Nakimanani oqaluussinermik oqaluttuaq

8. (a) apustilit suliáinik agdlagkat-ni oqalut­tuarineqar­toq sooq uatsin­nut im­mik­kut soqutiginaateqar­pa? (b) Apeq­qutit im­mik­koor­tup matuma kingulianiit­tut akik­kit erseq­qis­sarul­lu qanoq ilil­luta paasis­sutis­sat iluaqutigisin­naagivut.

⁸ Oqalut­tuaq apustilit suliáinik agdlagkat-niit­toq uagutsin­nut im­mik­kut it­tumik soqutiginar­tuuvoq. Tas­sani oqalut­tuarineqar­poq apustilit ajoqersuk­kal­lu siul­liit al­lat — inuit uagutsitul­li misigis­susil­lit — akor­nutis­satik qanoq ilil­lutik anigor­tarsimagaat, ersersis­simagaal­lu tas­saal­lutik Jehovamut nalunaajaasut nakimaatsut aalajaatsul­lu. Apeq­qutit al­las­simaf­fiil­lu matuma ataani ilan­ngun­neqar­tut ikior­tigalugit oqalut­tuap tamatuma ilaa misis­soriar­tigu. Taamaalior­nitsin­nilu eq­qarsaatigisigu uagut nam­mineq qanoq ilil­luta atuak­kavut iluaqutigisin­naanerlugit.

Apustilit ilin­niagar­tuujup­pat? Qanorluun­niit pisoqaraangat ersisuitsuup­pat? (ap. sul. 4:13; Juán. 18:17, 25-27; 20:19)

Juutit eq­qar­tuus­sisuinut, sapaatit-akun­nialun­nguaan­naat sioq­qul­lugit Guutip nam­mineq er­neranik toqumut pil­laasimasunut,  nakimanani oqalun­nis­saminut Peterip suna nakooqutigaa? (ap. sul. 4:8; Mat. 10:19, 20)

Eq­qar­tuus­sisoqatigiin­nut sas­sar­tin­neqar­tin­nis­sar­tik sioq­qul­lugu sapaatit-akun­nerini apustilit sulerisimap­pat? (ap. sul. 1:14; 2:1, 42)

Jesusip aq­qani oqaluus­siun­naar­nis­samin­nik siulersuisunit peq­quneqaramik Peter Johan­nesilu qanoq akip­pat? (ap. sul. 4:19, 20)

Iperagaagamik kimut ikior­tis­sarsioq­qip­pat? Malersuineq unitseq­qul­lugu taan­na qin­nuigaat, imaluun­niit? (ap. sul. 4:24-31)

Oqaluus­sineq akerliusunit unitsin­niar­neqaraluarmat oqaluus­sisut Jehovap sutigut ikior­pai? (ap. sul. 5:17-20, 33-40)

Aniguisitaanermin­nut pis­sutaasumik paasin­nin­ner­tik qanoq ilil­lutik apustilit ersersip­paat? (ap. sul. 5:21, 41, 42)

Malersuineq sak­kor­tooq pis­sutigalugu ilar­pas­suatik siam­maraluar­tut ajoqersuk­kat suna ingerlat­tuar­paat? (ap. sul. 8:3, 4; 11:19-21)

9. (a) Ajoqersuk­kat siul­liit oqaluus­sinermin­ni qanoq an­ner­tuumik angusaqarsimap­pat? (b) Qanoq ilil­luni taman­na uagutsin­nut at­tuumas­suteqar­pa?

⁹ Tusagas­samut nuan­nersumut atatil­lugu suliaat asuliin­nan­ngilaq. Ukiumi 33-mi Piinsip ul­luani ajoqersuk­kat 3000-it mis­saan­niit­tut kuisip­put. ’Ilataarsin­nar­pul­lu Naalak­kamut up­per­tunik angutinil­lu ar­nanil­lu amerlasoorsuar­nik.’ (ap. sul. 2:41; 4:4; 5:14) Kingusin­nerusuk­kut nalunaarutigineqar­poq malersuisut tamaviaar­nersaasa ilaat, Saulus Tarsusimiu, kristumiun­ngorsimasoq nam­minerlu nakimanani sal­lusuis­sum­mik nalunaajaatigin­nilersimasoq. Taan­na apustili Paulusitut kingor­na ilisimaneqaler­poq. (Gal. 1:22-24) Suliaq ukiuni hundredelin­ni siul­ler­ni aal­lar­ner­neqarsimasoq unis­siman­ngilaq. ’Ul­lunili kingul­ler­ni’ mak­kunani tamaviaar­nerusumik suliaq taman­na ingerlan­neqar­poq, nunarsuarmul­lu tamarmut an­ngus­simavoq. Suliamut tamatumun­nga suleqataaner­put im­mik­kut pisin­naatitaaf­figaar­put, sulinitsin­nilu nalunaajaasut ilumoor­tut siunitsigut kif­far­torsimasut maligas­siaat ilin­niarfigisin­naavar­put.

10. (a) Nalunaajaanis­samut periarfis­sat suut Paulusip ator­tarsimavai? (b) Naalagaaf­fik pil­lugu tusagas­saq qanoq ilil­lutit inun­nut al­lanut oqaluus­sis­sutigisar­piuk?

¹⁰ Sal­lusuis­sut Jesus Kristusimut tun­ngasoq Paulusip ilik­karamiuk  uniin­nan­ngilaq. ’Er­niin­naq Jesus oqaluus­sis­sutigiler­paa Guutip er­nerigaa.’ (ap. sul. 9:20) Ajun­ngis­suseq pisas­sarin­ngisaraluani Guutip im­minut ersersis­simasaa qujamasuutigaa, inuil­lu tamarmik tusagas­samik nuan­nersumik nam­mineq tusareersimasaminik atorfis­saqar­titsinerat paasil­lugu. Nalunaajaaniarluni juutit pisar­nerat­tut, juutit katersuut­tarfigisaan­nut, naalagiar­tarfin­nukar­tar­poq. Aam­mat­taaq il­lumiit il­lumut angalaarluni oqaluus­sisar­poq inuil­lu sumi tamaani angalaar­tut eq­qarsalersin­niarlugit oqaloqatigisarlugit. Tusagas­sarlu nuan­nersoq siaruar­tersin­naajumal­lugu oqaluus­sif­figisas­sanut nutaanut aal­lar­nis­saminut piumas­suseqar­tar­poq. — ap. sul. 17:17; 20:20; Rûm. 15:23, 24.

11. (a) Paulus oqaluus­sigaangami nakimaatsuujutigaluni qanoq ilil­luni sianis­sutsimit­taaq ersersitsisarsimava? (b) Qanigisatsin­nut, suleqatitsin­nut atuaqatitsin­nul­luun­niit oqaluus­sigaangat­ta qanoq ilil­luta uagut­taaq sianis­sutsimik ersersitsisin­naavugut?

¹¹ Naak Paulus nakimaatsuugaluarluni sianisuunermit­taaq ersersitsisar­poq, uagul­lu taamaalior­tariaqar­pugut. Juutit siuaasaan­nut Guutip neriorsuutigisimasai tun­ngavigalugit taak­kunin­nga soqutigin­nilersitsiniar­tar­poq. Grækerit nalun­ngisaat tun­ngavigalugit oqaluf­figisar­pai. Ilaan­nik­kut qanoq ilil­luni sal­lusuis­sum­mik ilisarsilersimanermi in­nersuus­sutigineratigut nalunaajaasar­poq. Nas­suiaanermisut ilior­tar­poq: „Tusagas­saq nuan­nersoq pil­lugu tamaasa suliaraak­ka, al­lat ilagalugit tamatumun­nga peqataasin­naan­ngoq­qul­lunga.“ (NV) — 1 Kor. 9:20-23; ap. sul. 22:3-21.

12. (a) Akerliusut oq­qateqatigiuaan­narumanagit Paulus naak nakimaatsuugaluarluni qanoq ilior­tar­pa? (b) Maligas­siaq taman­na uagut qaquguk­kut iluaqutaasumik malis­sin­naavar­put, aam­ma qanoq ilil­luta? (c) Nakimanata oqaluus­siuaan­nar­nis­satsin­nut sumit nakus­satsin­neqar­tar­pugut?

¹² Tusagas­samut nuan­nersumut akerlilersuineq sak­kor­tusil­luin­naraangat al­laat al­lamukarluni oqaluus­siar­tuin­nar­nis­saq imaluun­niit oqaluus­sif­figisas­samut al­lamut nuuk­kal­laan­nar­nis­saq or­niginarsil­luni, sal­lusuis­sum­mut akeraasut oq­qateqatigiuar­nis­saan­nut taarsiul­lugu Paulus taamaalior­tar­poq. (ap. sul. 14:5-7; 18:5-7; Rûm. 12:18) Tusagas­sarli nuan­nersoq kan­ngusuutigin­ngisaan­nar­paa. (Rûm. 1:16) Nikanarsaataasumik, ilaatigul­lu peq­qar­niitsumik, akerliusunit iliorfigineqar­nini naak nuan­niigigaluarlugu ’Guutitsigut ersisuerluni’  oqaluus­sinini ingerlatiin­nar­paa. Naak ajor­nar­torsiutis­saqar­taraluarluni suliani ingerlatiin­nar­paa. Ima oqar­poq: ’Naalak­kap najor­paanga pis­satsil­lungalu, oqaluus­sis­sutigisas­saq uak­kut naam­matsin­neqaq­qul­lugu.’ (1 Tás. 2:2; 2 Tim. 4:17) Sulias­samik, naggatis­samut ilisar­naatis­sat ilaat­tut siulit­tuutigisimasaminik, naam­mas­sin­nis­sin­naaq­qul­lugit ajoqersuk­kanis­saaq Naalak­kap Jesusip, ilagiit kristumiut qul­lersaata, pisariaqar­titaan­nik nakus­satsit­tuar­pai. — Mák. 13:10.

13. Kristumiutut nakiman­ngis­sutsimik qanoq ilil­luta ersersitsisin­naavugut, sunalu tun­ngavigalugu taamaaliorsin­naavugut?

¹³ Jesus Kristusip Guutil­lu kif­faasa aalajaatsut al­lat ukiuni hundredelin­ni siul­ler­ni iliorsimanerat­tut nakimanata Guutip oqaasianik oqaluus­sis­sutigin­nit­tuaan­nar­nis­satsin­nut pis­sutis­saqarluar­pugut. Imaan­ngilarli sorraatsumik unam­mil­ler­palut­tumil­lu pis­susilersus­sasugut. Inuit tusarlius­samut tusaajuman­ngitsut kusanaatsumik iliorluta pin­ngitsaalil­lugil­luun­niit tusar­naar­tin­niarsarinis­saan­nut pis­sutis­saqan­ngilagut. Inuil­li soqutigit­taal­lutik tusaajuman­ngin­nerat pis­sutigiin­narlugu uniin­naruman­ngilagut, akerlilersor­neqar­ner­pul­lu qunulis­sutigiin­narlugu tusarlius­sas­satsin­nik nipangius­siumanata. Nunarsuarmut naalak­kersuisus­saviusutut Guutip naalagaaf­fia Jesusip iliorsimaneratut in­nersuus­sutigisar­par­put. Jehovamut, nunami qilam­milu tamanut oqar­tus­saal­luni Naalagaasutuamut, sin­niisuuner­put pis­sutigalugu aam­malu tusarlius­sat­ta uagutsin­nit pinani taas­suman­nga pinera pis­sutigalugu nakimaatsumik oqaluus­sisar­pugut. — Fil. 1:27, 28; 1 Tás. 2:13.

Uteqqiineq

● Naalagaaf­fik pil­lugu tusagas­sap inun­nut al­lanut ingerlateq­qin­nis­saanut periarfis­sat suul­luun­niit ator­nis­saat sooq taama pingaaruteqar­tigaa? Qanorli qisuariar­toqar­nis­saa ilimagisin­naavar­put?

● Qanoq ilil­luta ersersis­sin­naavar­put Jehovamut kif­far­tor­nitsin­ni nam­mineer­niar­pal­laar­tuunata?

● apustilit suliáinik agdlagkat-ni oqalut­tuarineqar­toq sumik ilin­niarfigaar­put?

[Atuaqqissaarnermi apeqqutit]