GUUTI ilumoor­toq oqaatsimini al­lan­neqarsimasumi, Biibilimi, ima oqar­poq: ‘Uanga Jehovaavunga.’ (1 Mosesi 15:7, Ot­to Fabriciusip nutsigaa 1822-meersoq) Taan­na aam­ma taaguuter­pas­suaqaraluarluni, soorlu ‘Pin­ngor­titsisumik’, ‘Ajugaqan­ngitsumik’ aam­ma ‘Guutimik Naalak­kamik’, kif­fani ilumoorfigin­nit­tut ataq­qiuarsimavai, saaf­figin­nik­kaangata nam­mineq aterminik atuitit­tarlugit.

As­sersuutigalugu ataataaner­paaq Abrami, kingusin­nerusuk­kut Aaperaamik ateqalersoq, Guutimut qinugami ima aal­lar­tip­poq: ‘Naalagaq-aa Jehova.’ (1 Mosesi 15:2, Ot­to Fabriciusip nutsigaa 1822-meersoq) Aam­ma Daavip tus­siaasiami ilaat ima aal­lar­tip­paa: ‘Il­lit, Jehova-aa! Tatigaagit Guutiga.’ (Tus­siaat 7:2, Niels Wolfip nutsigaa 1824-meersoq) Qularutis­saan­ngilaq Ataatat­ta qilam­miusup kis­saatigigaa saaf­figigaangatsin­ni atini ator­tas­sagip­put.

Jehovap aq­qata atornissaa pingaaruteqaraluar­toq, Jehovamik ilisarisimannivinneq isumaqar­neruvoq. Jehovap asan­nitsini tatigin­nitsinilu ima neriorsor­pai: “Ser­nigis­savara atera ilisimam­magu.” (Tus­siaat 91:14) Guutip aq­qanik ilisiman­nin­nerin­naq aq­qanil­lu atuisar­neq naam­map­pa? Naagga, Guutip aq­qanik ‘ilisiman­nin­neq’ isumaqar­tupilus­suusimas­saaq Guutimit ser­nis­sor­neqar­nis­samut piumasaqaatit pingaaruteqar­ner­paat ilagip­pas­suk. Taavami Guutip aq­qanik ‘ilisiman­nin­neq’ qanoq paasisariaqar­pa? Aam­ma il­lit Jehovamik ilisarisiman­nilivik­kumal­lutit qanoq ilior­tariaqar­pit?