‘Is­siavis­saarsuaq qilam­miip­poq tas­sanilu is­siasoqar­poq. Is­siasoq takul­lugu soorlu tas­sa jaspisi sarderilu, neriusaarlu is­siavis­saarsuup avataaniit­toq soorlu tas­sa smaragdi.’ – Saq­qum­mersitat 4:2, 3.

“Kaajal­lal­lugu qin­ngor­neqar­poq, soorlu neriusaaq sial­leraangat nuis­sani saq­qum­mer­tar­toq, taamatut isik­koqar­poq qin­ngor­nera avatangiisoq. Taamaap­poq Naalak­kap naalan­nas­susiata as­sigisaa.” – Ezekieli 1:27, 28.

Apustili Johan­nesi pruf­fiitilu Ezekieli inuit paasisin­naasaat – ujaq­qat pin­nersaatit, neriusaaq is­siavis­saarsuarlu alutor­nar­toq – atorlugit takorruuisin­neqarlutik Qutsin­nerus­saar­tup, Jehovap Guutip, takoran­nis­susianik takun­nip­put. Takorruuk­kanit paasivar­put Jehovap najuuf­fia im­mik­kut it­tumik alutor­nangaarlunilu toq­qis­sisimaf­fiungaar­toq.

Guutimik al­laatigin­nin­nerit taak­ku tus­siaasior­tup oqaasiinut ukunun­nga naleq­qup­put: “Naalagaq angingaar­poq un­nersiutigineqangaar­tuul­lunilu ... Inuiaam­mi guutii tamarmik suun­ngitsuup­put, Naalagarli tas­saavoq pin­ngor­titsisoq qilam­mik. Ataq­qinangaas­suseq alutor­nas­suserlu sioraaniip­put, pis­saaneq alutor­nas­suserlu il­ler­nar­tuum­mi pigisaani ip­put.” – Tus­siaat 96:4-6.

Qutsin­nerus­saar­tuugaluarluni Jehovap im­minut qinunik­kut saaf­figin­neq­qul­luta kajumis­saar­paatigut tusar­naarumal­lutalu neriorsorluta. (Tus­siaat 65:3) Guutip asangaarmatigut isumas­sungaarmatigul­lu apustili Johan­nesi ima al­las­sin­naavoq: “Guutimi tas­saavoq asan­nin­neq.” – 1 Johan­nesi 4:8.

“[Ajoqersugaq kristumiu Stefanusi] Anersaamik Il­ler­nar­tumik ilumioqangaarluni qilan­nut aarlorsimavoq, takuaalu Guutip naalan­nas­susia Jiisusilu Guutip taler­piata tungaani qeqar­toq. Oqar­porlu: ‘Maan­na isigaara qilak am­masoq Inuul­lu Er­nera Guutip taler­piata tungaani qeqar­toq.’” – Apustilit Suliaat 7:55, 56.

Stefanusip taamatut takorruuinera sioq­qutitsiarlugu Jiisusi toqutaavoq, tusarler­niagaalu tas­saap­put Jiisusimik toqutsinis­samut kajumis­saarisut – juutit siut­tui. Takorruuk­kamit erser­poq Jiisusi toqusunit makititaal­lunilu ataq­qinarsisitaasoq. Taman­na pil­lugu apustili Paulusi ima al­lap­poq:  ‘[Jehovap Jiisusi] toqusunit makitip­paa ingitil­lugulu qilam­mi taler­pim­mi tungaanut, an­nerungaar­tun­ngor­til­lugu pigin­naanilin­nit, pis­saanermit, nakuus­susermit, naalagaas­sutsimit ater­nil­lu taaneqarsin­naasunik tamanit maan­nak­kuin­naan­ngitsoq aam­mat­taarli piumaar­tus­sani.’ – Efesosimiut 1:20, 21.

Qutsis­sumik inis­sisimanerata al­laatigineqar­nerata saniatigut Biibilimi ersersin­neqar­poq Jiisusi, Jehovatul­li, inun­nik isumas­suingaar­tuusoq. Jiisusip nunarsuarmi kif­far­tor­nermini nap­parsimasut san­ngiitsul­lu ajorun­naarsit­tar­pai toqungasunil­lu makititsisarluni. Inuunini pil­liutigalugu Guutimik inun­nil­lu asan­ningaar­nini ersersip­paa. (Efesosimiut 2:4, 5) Jiisusi Guutip taler­piata tungaani qeqarluni qanit­tuk­kut oqar­tus­saas­sutsi atus­savaa inuil­lu naalat­tut tamaasa pil­luaq­qungaarlugit.

Pruf­fiiti Danieli al­lap­poq imaat­tunik takusaqarluni: “Is­siavis­saarsuit inis­sititer­neqar­put, in­nalu it­tuin­nar­toq [Jehova] arlaan­nut ingip­poq. ... Tuusintit, ilumut tuusintilip­pas­suit, kif­far­tuup­paat, tituusintit, ilumut tituusintilip­pas­suit saani qeqar­put.” – Danieli 7:9, 10.

Qilak pil­lugu takorruuk­kami tamatumani Danielip in­ngili ataasiin­naan­ngitsoq in­ngiler­par­pas­suil­li takuai. Takorruugaq tupin­nangaarsimas­saaq! In­ngilit kinaas­susiliup­put naalan­nas­susil­lit silas­soril­lutil­lu pis­saaneqar­tut. Taak­kunun­nga ilaap­put serafit kerubil­lu. In­ngilit Biibilimi ikin­ner­paamik 250-eriarlugit eq­qaaneqar­put.

In­ngilit tas­saan­ngil­lat inuit toqugamik qilaliar­tut. Guutip inun­nik pin­ngor­titsinini sioq­quterujus­suarlugu in­ngilit pin­ngor­tip­pai. Nunarsuaq pin­ngor­tin­neqarmat in­ngilit isigin­naar­tuul­lutik nip­paal­lugu nuan­naangaar­put. – Jobi 38:4-7.

In­ngilit aalajaatsut ul­lumik­kut suliaq pingaaruteqar­ner­paaq – Guutip naalagaaf­fia pil­lugu nutaarsias­samik nuan­nersumik oqaluus­sis­sutigin­nin­neq – suleqataaf­figalugu Guuti kif­far­torfigaat. (Mat­thæusi 24:14) Taamatut suleqataanerat pil­lugu apustilip Johan­nesip takorruuk­kani ima al­laatigaa: “Takuara in­ngili al­la pavani qilaap ataani tim­misoq. Nalunaarutigiar­tor­paa iivangkiiliu atajuar­tus­saq nunarsuarmi najugaqar­tunut, inuiaqatigiin­nut naggueqatigiin­nul­lu, im­mik­kut oqaasilin­nut inuian­nul­lu tamanut.” (Saq­qum­mersitat 14:6) In­ngilit ul­lumik­kut itsar­tul­li inun­nut oqalut­tan­ngik­kaluarlutik iivangkiiliumik oqaluus­sisar­tut eq­qor­tuliorusut­tunut siulersor­tar­paat.

“Qilam­mi sorsun­neqaler­poq. Mikaelip [Jiisusip Kristusip] in­ngiliisalu uumasorujuk saas­sup­paat, uumasorujul­lu in­ngiliilu akiuup­put kisian­ni ar­torsar­titaal­lutik, qilam­milu najugas­saarutitaap­put. Igitaavoq uumasorujus­suaq taan­na, pulateriaarsutoqaq Diaavulumik Saatanimil­lu taaneqar­toq silarsuarmik tamarmik tam­mar­titsiniar­toq nunamut igitaavoq, in­ngiliilu taas­sumun­nga ilan­ngul­lugit igitaap­put.” – Saq­qum­mersitat 12:7-9.

Maan­na qilak eq­qis­sisimaf­fiuvoq, taamaat­tuaan­narsiman­ngilarli. Inuit oqalut­tuarisaanerata aal­laq­qaataani in­ngilit ilaat pal­lorfigineqarusungaarluni Jehovamik tunus­sivoq im­minul­lu Saatanin­ngor­til­luni. Taaguut Saatani isumaqar­poq “akerlilersuisoq”. Kingusin­nerusuk­kut in­ngilit al­lat pikitsiseqataap­put anersaapilun­nil­lu taaneqar­talerlutik. Ajorluin­nar­tuul­lutik Jehova akeq­qersimaarfigaat inuil­lu amerlanersaat Jehovap asan­nit­tumik siulersuineranut naleq­qutin­ngil­luin­nar­tumik inuulersil­lugit.

Saatani anersaapiluil­lu ileq­qorlut­tuul­lutil­lu naak­kit­taatsuup­put. Inun­nut akeraap­put nunamilu naal­liuutinut pisooqataal­lutik. As­sersuutigalugu Jobip Guutimut kif­far­tor­tup nersutaatai kif­faalu Saatanip toqoriarlugit qitor­nai qulit anorersuar­titsil­luni il­lu isersimaf­fiat aserorlugu toqup­pai. Taava Jobi “perlutsip­paa ajus­sanik ajor­tunik kas­seranit aluinut”. – Jobi 1:7-19; 2:7.

Qanit­tuk­kul­li Saatani susin­naajun­naarsin­neqas­saaq. Nunarsuup qanit­tuanut igitaagamili ‘pif­fis­sakil­luni’ nalun­ngilaa. (Saq­qum­mersitat 12:12) Saatani piuneerus­saajumaar­poq. Tusarluar­nas­susia!

‘[Il­lit Jiisusi] Guutimut pisiaraatit inuit im­mik­kut naggueqatigiis­sunit im­mik­kul­lu oqaasilin­nit im­mik­kul­lu inuiaasunit inuiaqatigiin­nil­lu tamanit, kun­ngiuf­fin­ngor­tip­patil­lu palasin­ngor­til­lugil­lu Guutitsin­nut, nunamul­lu kun­ngius­sap­put.’ – Saq­qum­mersitat 5:9, 10, tastamantitâĸ.

Jiisusip qilam­miit­tus­satut toqusunit makititaaneratul­li al­lat aam­ma qilam­miit­tus­satut makititaas­sap­put. Jiisusi apustiliminut aalajaatsunut ima oqar­poq: ‘Inis­sas­sin­nik piareersaak­kiar­toreerus­si tikiuteq­qik­kumaar­punga uan­nul­lu pisik­kumaarlusi ilis­sis­saaq uanga najugarisan­neeq­qul­lusi.’ – Johan­nesi 14:2, 3.

 Qilaliar­tus­sat siuner­taqar­tumik qilalias­sap­put. Guutip naalagaaf­fiani Jiisusi naalak­kersueqatigis­savaat nunarsuarmiit­tunik tamanik aqutsil­lutik pil­luaq­qus­sutaal­lutil­lu. Jiisusip ajoqersuk­kani oqarfigai Naalagaaf­fik taman­na qin­nutigisas­sagaat: “Ataatar­put qilan­niit­tutit! Aq­qit il­ler­nar­titaali, naalagaaf­fiit tikiul­li, piumasat qilam­misut nunamis­saaq pili.” – Mat­thæusi 6:9, 10.

‘[Uanga apustili Johan­nesi] tusar­para nipi nipitoqisumik is­siavis­saarsuarmit tutsiut­toq: Guuti ineqarfeqaler­poq inun­ni. Qul­liil­lu tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq siul­liit peermata.’ – Saq­qum­mersitat 21:3, 4.

Takorruuk­kami siulit­tuutaasumi tamatumani pineqar­poq pif­fis­saq Guutip naalagaaf­fiata, Jiisusimik nunarsuarmiil­lu makititaasunit aqun­neqar­tup, Saatanip aqutsineranik atorun­naarsitsif­fis­saa nunamil­lu paratiisin­ngor­titsif­fis­saa. An­niaataangaar­tut aliasutsitsisul­lu peerutis­sap­put. Al­laat toqu peerutis­saaq.

Taavami inuit mil­liardil­lit toqungasut qilam­mul­lu makititaasus­saan­ngitsut? Siunis­sami nunami paratiisiusumi naas­saan­ngitsumik inuunis­samut periarfis­saqas­sal­lutik makititaas­sap­put. – Lukasi 23:43.