Jehova Guuti tas­saavoq inuunerup puilaf­fia. (Tus­siaat 36:10) Taamaap­pat toqusimasunik uum­mar­titseq­qis­sin­naanera pis­susis­samisuugin­nas­saaq, ilaa? Siunis­sami taamaaliorumaar­neranik Biibilimi neriorsoq­qis­saar­neqar­pugut. (Apustilit Suliaat 24:15 atuaruk). Sooq taamaaliorusup­pa?

Inuit nunarsuarmi naas­saan­ngitsumik inuuneqar­nis­saat Pin­ngor­titsisit­ta aal­laq­qaam­mul­li siuner­taraa. (1 Mosesi 1:31; 2:15-17) Suli taman­na siuner­taraa. Inuit atugaat – ajor­nar­torsiutaat sivikitsumil­lu inooreerlutik toqusar­nerat – aliasuutigisar­paa. – Jobi 14:1; Esaja 26:19 atuak­kit.

Guutip inuk qilam­miit­tus­satut pin­ngor­tip­paa? Naamik. Guutip in­ngilit qilam­miit­tus­satut pin­ngor­tip­pai. Inuit nunarsuarmi inuusus­satut pin­ngor­tip­pai. (1 Mosesi 1:28; Jobi 38:4, 7) Taman­na eq­qarsaatigalugu Jiisusi toqusunik makititsim­mat qanoq pisoqar­toq sam­meriar­tigu. Nunarsuarmi maani makititsivoq. Taamatut­taaq siunis­sami makititaasut amerlaner­paat nunarsuarmi inuuleq­qis­sap­put. – Johan­nesi 5:28, 29; 11:44 atuak­kit.

Guutil­li inuit amerlan­ngitsut anersaak­kut it­tumik timeqarlutik qilam­mut makititaasus­satut toq­qarsimavai. (Lukasi 12:32; 1 Korinthimiut 15:49, 50) Qilam­mut makititaasut Kristusi ilagalugu kun­ngitut nunarsuarmut naalak­kersuis­sap­put. – Saq­qum­mersitat 5:9, 10 atuak­kit.