1. Sooq Biibili qujamasuutigaajuk?

 JEHOVAP Biibili uagutsin­nut tun­nium­magu qujamasungaar­pugut! Ajor­nar­torsior­nitsinni iluaqutigisin­naasatsin­nik Jehovap Biibili aqqutigalugu siun­nersorluar­tar­paatigut. Aamma siunis­saq pil­lugu nuan­nersumik neriuutis­sip­paatigut. Pingaar­nerusumillu kinaanerminik paasitip­paatigut. Pis­susii nuan­nersut eqqarsaatigigaangatsigit kil­litsis­sutigalugit Guuter­put qanimut ikin­ngutigerusun­neruler­tar­par­put. – Jaak 4:8.

2. Jehova qanoq imminut ilisaritis­simava?

² Jehovap kis­saatigaa inuit ilisarisimas­sagaanni. Itsaq takorruuisitsinik­kut sin­nat­tor­titsinik­kut allaallu inngilinik oqariar­tor­titsinik­kut imminut ilisaritis­simavoq. (Mos 4. 12:6; ApS 10:3, 4) Takorruuk­kat, sin­nat­tuk­kat inngilinillu tusarlius­sat taakku qanoq nalitsinni iluaqutigisin­naavagut? Jehovap uagutsin­nut paasitik­kusutami allan­neqar­nis­saat isumagaa. (Jer 30:2) ‘Guutip aqqutaa isor­naal­luin­narmat’ qularin­ngis­sin­naavar­put uagutsin­nut paasititseriaasia pitsaal­luin­narlunilu iluaqutaangaar­toq. – Tuss 18:31.

3. Jehovap Biibili qanoq piujuar­tip­paa? (Esaja 40:8)

³ Esaja 40:8 atuaruk. Ukiuni tuusintilinni angutit arnallu upperluar­tut Guutip oqaasianit siun­nersor­neqarluar­tarsimap­put.  Qanoq Allak­kat Iller­nar­tut atuarsin­naasimavaat? Itsarmi allaf­fis­sianut aserujasunut allan­neqaq­qaarsimam­mata allas­simaq­qaarfii nalitsinni pigin­ngilagut. Jehovalli assiliil­luni allaq­qin­neqar­tar­nis­saat isumagaa. Allaq­qiisut kuk­kusaraluarlutik peq­qis­saarlutik sulisar­put. Hebræerisut Allak­kat Iller­nar­tut pil­lugit ilisimatooq ima allap­poq: “Qularinagu oqarsin­naavugut allagatoq­qat allat taama eqqor­tigisumik allaq­qin­neqarsiman­ngitsut.” Taamaat­tumik Biibili qangali allaf­fis­sianut aserujasunut allan­neqaraluar­toq allaq­qiisullu naam­mal­luin­nan­ngitsuugaluar­tut upperil­luin­narsin­naavar­put Biibilip atuarsin­naasatta Atuak­kior­tup Jehovap tusarlius­saa suli imarigaa.

4. Allaaserisami matumani suut sam­mis­savagut?

⁴ “Tunis­sutit ajun­ngitsut naam­mal­luin­nar­tullu tamarmik” Jehovameersuup­put. (Jaak 1:17) Biibili Jehovap uagutsin­nut tunis­sutaasa pitsaaner­paar­taasa ilagaat. Tunis­sutisiamit erser­tar­poq tunisisup qanoq ilisarisimal­luar­tigineraatigut. Aamma Biibilimut tun­ngatil­lugu taamaap­poq. Tunis­sut taanna misis­sorutsigu Jehova pil­lugu paasisaqangaarsin­naavugut. Ilisarisimal­lutalu pisariaqar­titagut ilisimal­luin­narai paasisar­par­put. Allaaserisami matumani sam­mis­savar­put Jehovap pis­susiisa ilaat pingasut uku Biibilimit qanoq erser­tut: Ilisimas­susia, naaper­tuil­luar­nera asan­nin­neralu. Guutip ilisimas­susia Biibilimit qanoq erser­toq sam­meq­qaariar­tigu.

5. Guutip ilisimas­susia Biibilimit qanoq erserpa?

⁵ Jehovap nalun­ngilaa siun­nersuutiminik pisariaqar­titsisugut. Tunis­sutaalu, Biibili, ilisimas­susianik ulik­kaar­poq. Inuit Biibilip siun­nersuutaanit sun­ner­til­lutik inuunermin­nik allan­nguisar­put. Moorsisip Biibilimi allak­kat siul­liit allak­kamigit Israalik­kut ima oqarfigai: “[Oqaatsit] taakku asuliin­naan­ngil­lat, tas­saap­pulli ilis­sin­nut inuus­sutaasus­sat.” (Mos 5. 32:47) Allak­kanik maleruaasut ingerlal­luarlutillu pil­luarsin­naap­put. (Tuss 1:2, 3) Biibili qangali allataagaluarluni suli inuit inuuneran­nik pitsan­ngor­titsisin­naavoq. Assersuutigalugu jw.org-imi qup­per­nermi “Biibili inuit inuuneran­nik allan­nguisitsisar­poq”-mi misigisalik­kersaarutit amerlasuut takusin­naavagut. Taak­kua upper­narsar­paat Biibili nalitsinni ‘upper­tuni sun­niuteqar­tar­toq’. – Tes 1. 2:13.

6. Sooq oqarsin­naavugut Biibili atuak­kanit allanit tamanit allaanerusoq?

⁶ Guutip oqaasia atuak­kanit allanit tamanit allaaneruvoq. Sooq? Atuak­kior­tua, Jehova Guuti, kil­leqan­ngitsumik pis­saanilik naas­saan­ngitsuum­mat ilisimas­suseqar­ner­paal­lunilu. Atuak­kat allat amerlasuut ukior­pas­suarni atuar­neqar­taraluar­tut taak­kunin­nga atuak­kior­tut toqusar­put, taak­kualu siun­nersuutaat pif­fis­sap ingerlanerani naleq­quk­kun­naar­tar­put. Biibililli najoq­qutas­siai iluaqutaajuaan­nar­put; inuit qanga inuusimasut iluaqutigisimavaat, nalitsin­nilu inuusut iluaqutigisar­paat. Biibili atuarlugulu ilik­kak­kagut eqqarsaatigeq­qis­saarutsigit Atuak­kior­tup anersaani iller­nar­toq aqqutigalugu siun­nersuutinik maleruaanis­satsin­nut ikior­tar­paatigut. (Tuss 119:27; Mal 3:16; Hebr 4:12) Aap, Biibilip atuak­kior­tuata piujuar­tus­sap ikiorusungaar­paatit. Tamanna Biibilip ullut tamaasa atuar­tar­nis­saanut kil­litsis­sutigaar­put!

7. Itsaq Guutip innut­taasa Biibili qanoq ataasius­suseqalis­sutigaat?

⁷ Guutip ilisimas­susia Biibilimi aamma allatigut erser­poq. Tassa Guutip innut­taanik Biibilip ataasius­suseqalersitsisar­nera. Israalik­kut nunami neriorsuutigisami isorar­tuumi sumiif­finni assigiin­ngitsuni nunas­sip­put. Ilaat aalisar­tun­ngor­put, ilaat nersutaateqaler­put  allallu naasoris­saasun­ngorlutik. Israalik­kut nunap immik­koor­tuisa ilaanni najugal­lit nunaq­qatitik nunap ilaani allani najugal­lit soqutigiun­naariaan­naavaat. Jehovalli inatsisit atuar­nis­saat nas­suiar­nis­saallu Israalik­kut tusarsin­naanias­sam­matigit katersor­tit­tar­pai. (Mos 5. 31:10-13; Neh 8:2, 8, 18) Takorlooruk Israalik­kuusoq Jerusalem­mimut apuul­luni uppeqatinilu illoqarfin­niit allaniit tikerar­tut mil­lioniliugunar­tut takul­lugit qanoq misigisimas­sasoq. Jehovap taamaalil­luni ataasius­suseqar­tuar­nis­saan­nut ikior­pai. Kingusin­nerusuk­kut, kristumiut siul­liit nalaanni, angutit arnallu assigiin­ngitsunik oqaasil­lit kristumiun­ngor­put. Ilagiinni ilaat nuimasuup­put ilaallu inus­siaataal­lutik, ilaat pisuujup­put allallu piitsuul­lutik. Tamarmilli Allak­kat Iller­nar­tut nuan­naringaaramik­kit Guutimik ilumoor­tumik guutisior­ner­tik ataasius­suseqalis­sutigaat. Kristumiun­ngor­tut uppeqatimik ikiuineratigut peqatigineratigullu aatsaat Guutip oqaasia paasisin­naavaat. – ApS 2:42; 8:30, 31.

8. Nalitsinni Jehovap innut­taasa qanoq Biibili ataasius­suseqalis­sutigaat?

⁸ Guutitta ilisimas­suseqangaar­tup aamma nalitsinni Biibili atorlugu innut­tani ilin­niar­til­lugillu ataasius­suseqalersit­tar­pai. Anersaak­kut inuus­sutis­sagut tamavim­mik Biibilimin­ngaan­niit aal­laaveqar­put. Ilagiit­tut ataatsimiin­nerni ataatsimeersuar­ner­nilu Biibilip atuar­nis­saa nas­suiar­neqar­nis­saalu tusar­naar­niarlugu  eqqar­tueqatigiin­niarlutalu katersuut­tar­pugut. Jehovap siuner­taatut isumaqatigiil­luta guutisioqatigiin­nias­sagatta Biibili pingaaruteqarluin­nar­poq. – Sef 3:9.

9. Biibilip oqariar­tuutaa paasis­sagutsigu qanoq ittuusariaqar­pugut? (Luk­karsi 10:21)

⁹ Jehovap ilisimas­susianut upper­narsaat alla eqqarsaatigeriaruk. Allas­simaf­fiit ilar­pas­suisa taamaal­laat atuar­tar­tunit maniguut­tunit paasineqar­nis­saat Jehovap isumagaa. (Lukkarsi 10:21 atuaruk). Inup­pas­suit Biibilimik atuar­tar­put. Ilisimatooq Biibili pil­lugu ima oqaaseqarsimavoq: “Atuak­kanit allanit tamanit atuar­neqar­ner­paajuvoq atuaq­qis­saar­neqar­ner­paajul­lunilu.” Maniguut­tulli kisimik paasil­luar­tar­paat maleruarlugulu. – Kor 2. 3:15, 16.

10. Jehovap ilisimas­susia qanoq aamma Biibilimit erserpa?

¹⁰ Jehovap ilisimas­susia aamma allatigut Biibilimit erser­poq. Jehovap Biibili aqqutigalugu ilagiit­tut ilin­niar­tit­tar­paatigut, aam­mali tamatta immik­kut tup­pal­lersar­tarlutalu ilitsersor­tar­paatigut. Jehovap oqaasia atuaraangatsigu malugisar­par­put soqutigigaatigut. (Es 30:21) Ajor­nar­torsior­ninni Biibilimik atuaraangavit misigisar­piuk allas­simaf­fik ilin­nor­piaq allataasoq? Inuilli mil­lionilik­kuutaat Biibili iluaqutigisar­paat. Qanoq illit pisariaqar­titan­nut tul­luar­tumik atoriaan­naasumillu paasis­sutis­saqarsin­naava? Pis­sutis­satuaq tassa Jehova atuak­kior­tuum­mat ilisimas­suseqar­ner­paaq. – Tim 2. 3:16, 17.

11. Biibilip allan­neqar­neranut tun­ngatil­lugu Guutip qanoq ersersip­paa kinaas­susersior­tuunani?

¹¹ Jehova naaper­tuil­luar­tuuvoq. (Mos 5. 32:4) Naaper­tuil­luar­neq kinaas­susersior­tuun­ngin­nerlu imminut ataqatigiil­luin­nar­put, Jehovalu kinaas­susersior­tuun­ngilaq. (ApS 10:34, 35; Rom 2:11) Biibili oqaatsini inup­pas­suit taamani inuusimasut paasisin­naasaanni allataam­mat erser­poq Jehova kinaas­susersior­tuun­ngitsoq. Biibilimi allak­kat siul­liit 39-t oqaatsini Israalik­kut paasisin­naasaanni, amerlaner­tigut hebræerisut, allataap­put. Kristumiulli nalaanni inuit amerlanerit grækerisut oqalut­tar­put. Taamaat­tumik Biibilimi allak­kat kingul­liit 27-t pingaar­ner­tut grækerisut allataap­put. Jehovap oqaatsini allatsik­kamiuk taamaal­laat oqaatsit ataatsit atun­ngilai. Nalitsinni inuit 8 mil­liardit pal­lil­lugit assigiin­ngitsor­pas­suar­nik oqaaseqar­tar­put. Inuit taama amerlatigisut Jehova pil­lugu qanoq ilin­niarsin­naap­pat?

12. Danieli 12:4 ulluni kingul­lerni mak­kunani ilaatigut qanoq eqquus­simava?

¹² Pruf­fiiti Daaniali aqqutigalugu Jehova neriorsuivoq naggatis­sap nalaani ‘paasisimasaqar­neq anner­tusiar­tus­sasoq’. Tassa ilumoor­toq Biibilimiit­toq inup­pas­suit paasis­savaat. (Danieli 12:4 atuaruk). Biibilimik Biibililersaarutinillu nutserinik­kut, saq­qum­mersitsinik­kut agguaas­sinik­kullu tamanna anguneqarsimavoq. Biibili atuak­kani nutser­neqar­ner­paal­lunilu siam­marsimaner­paavoq. Nutsik­kat niuer­tunit naqiter­neqar­tar­tut ilaan­nik­kut akisoorujus­suusar­put. Jehovalli innut­taasa Biibili tamaat ilaan­naaluun­niit oqaatsinut 240-nit amerlanerusunut nutsersimavaat, nutsigarlu kimil­luun­niit akeqan­ngitsumik pis­sarsiarineqarsin­naavoq. Tamatuma kingunerisaanik inuit inuian­nit tamaneersut ‘Kun­ngeqarfik pil­lugu nutaarsias­sanik nuan­nersunik’ ilin­niar­tar­put. (Mat 24:14) Guutitta naaper­tuil­luar­tup inuit amerlaner­paat Biibilip atuar­neratigut imminut ilisarisiman­niler­nis­saan­nut periarfis­sik­kusup­pai. Inuimmi tamaasa asangaar­pai.

13. Sooq oqarsin­naavugut Jehovap asan­nin­nera Biibilimit erser­toq? (Johan­nesi 21:25)

¹³ Biibili iluaqutigalugu paasivar­put Atuak­kior­tuata pis­susaa pingaar­ner­paaq tas­saasoq asan­nin­neq. (Joh 1. 4:8) Jehovap suut Biibilimut allatsik­kai eqqarsaatigiuk. Jehovamut attaveqarluar­nis­satsin­nut, maanna pil­luarluta inooriaaseqar­nis­satsin­nut naas­saan­ngitsumillu inuuneqalersin­naanis­satsin­nut paasis­sutis­sat pisariaqar­titagut tamaasa Biibilip imarai. Jehovalli asagamisigut paasis­sutis­sar­pas­suit pisariaqar­tin­ngisagut Biibilimut ilan­ngutin­ngilai. – Johannesi 21:25 atuaruk.

14. Guutip asan­nin­nera aamma qanoq Biibilip imarisaanit erserpa?

¹⁴ Jehovap asan­nin­nera aamma qanoq erserpa? Biibilip imarisaanit erser­poq Jehovap ataq­qigaatigut. Inuunitsinni sun­nguit tamaasa pil­lugit malit­tarisas­siar­pas­suar­nik tunin­ngilaatigut. Eqqarsarsin­naas­suser­put atorluar­tas­sagip­put kis­saatigigamiuk pisimasuiit pil­lugit oqalut­tuat, siulit­tuutit pis­sanganar­tut siun­nersuutillu atorian­naasut Biibilimut allatsip­pai. Taak­kulu Guutip qaman­nga pisumik asanis­saanut naalan­nis­saanullu kajumis­sis­sutigaagut.

15. (a) Biibilimit qanoq erserpa Jehovap soqutigingaaraatigut? (b) Assimi niviarsiaq­qap, qatan­ngutip angutip inuusut­tup qatan­ngutillu arnap utoq­qaap Biibilimi oqalut­tuarineqar­tut kik­kut eqqarsaatigeq­qis­saar­paat? (Mos 1. 39:1, 10-12; Kng 2. 5:1-3; Luk 2:25-38)

¹⁵ Biibilimit aamma erser­poq Jehovap soqutigingaaraatigut. Qanoq? Inuit misigis­sutsimin­nik ersersitsisut pil­lugit oqalut­tuar­pas­suaqarmat. Inuit Biibilimi oqalut­tuarineqar­tut ‘uatsitulli misigis­suseqarmata’ misigis­susaat  paasisin­naavagut. (Jaak 5:17) Pingaar­nerusumillu, Jehovap inun­nik qanoq pin­nit­tar­nera pil­lugu atuaraangatta paasil­luar­neruler­tar­par­put “Jehova qaman­nga pisumik misigis­suseqarlunilu nal­lit­tuisuusoq”. – Jaak 5:11.

16. Biibilimi inuit kuk­kus­sutaat pil­lugit atuaraangatta Jehova pil­lugu qanoq ilin­niar­tar­pugut? (Esaja 55:7)

¹⁶ Biibilimi aamma allatigut paasitin­neqar­pugut Jehovamit asaneqarluta. Erseq­qis­sar­neqar­poq Guutip kuk­kusaraluar­tugut immineer­navian­ngik­kaatigut. Israalik­kut Jehovamut ajor­tulioq­qat­taar­put, ilumoorlutilli peq­qis­simigamik Guutimit isumak­keerfigineqar­put. (Esaja 55:7 atuaruk). Aamma kristumiut siul­liit nalun­ngilaat Guutip asangaaraatsik. Isumas­sarsisitaal­luni apustilip Paulusip uppeqatini kajumis­saar­pai angut ingasat­tumik ajor­tuliorsimasoq peq­qis­simisoq ‘ilumoorlutik isumak­keerfigalugulu tup­pal­lersaq­qul­lugu’. (Kor 2. 2:6, 7; Kor 1. 5:1-5) Maluginiar­nar­poq Jehovap kif­fani kuk­kus­sutaat pis­sutigiin­narlugit ajat­tun­ngik­kai! Asan­nil­lunili naq­qil­lugit imminut attaveqarlualeq­qin­nias­sam­mata ikior­pai. Aamma nalitsinni ajor­tuliorsimasut peq­qis­simisut tamaasa taamaaliorfigerusup­pai. – Jaak 4:8-10.

17. Sooq Biibili tunis­sutaava immik­kuul­laris­soq?

¹⁷ Jehovap tunis­sum­mik nuan­nerluin­nar­tumik tunisimavaatigut. Sooq Oqaasia immik­kuul­laris­suua? Soorlu sam­mereerip­put, Guutip ilisimas­susia, naaper­tuil­luar­tuunera asan­nin­neralu Biibilimit erser­put. Biibilip atuar­neratigut paasivar­put Jehovap kis­saatigigaa ilisarisimalis­sagitsinni. Imminut ikin­ngutaaler­nis­sar­put kis­saatigaa.

18. Biibili Jehovap ‘tunis­sutaa ajun­ngitsoq’ qujamasuutigalugu qanoq takutis­sin­naavar­put?

¹⁸ Biibili Guutip ‘tunis­sutaa ajun­ngitsoq’ asuliin­naasutut isigerusun­ngilar­put. (Jaak 1:17) Taamaat­tumik atuar­neratigut eqqarsaatigeq­qis­saar­neratigullu qujamasuutigiuar­tigu. Taamaaliorutta qularis­san­ngilar­put Biibilip Atuak­kior­tuata ilungersuutigut pil­luaq­qujumaarai taan­nalu ilisimalis­sagip­put. – Uss 2:5.