Meeraanerit pillugu oqaluttuutilaartigut.

1943-mi Italiami inun­ngor­punga. Qatan­ngutikka nunaqarfeeq­qami peroriar­toqatigaakka, ataatagalu naasoris­saasuul­lunilu sanasuuvoq. Angajoq­qaatta katuul­litut upperluar­tooq­qul­luta perorsar­paatigut.

Sooq palasinngorusuppit?

Nukap­piaraal­lunga oqaluf­fimmi palasit tusar­naarlugit nuan­narisar­para. Nipaat ileq­qulersuutaallu tupin­nar­tut tiguar­tis­sutigisar­pakka. Taamaat­tumik palasin­ngorusul­luin­nar­punga. 13-inik ukioqar­tunga anaanama palasitut ilin­niar­nis­samut piareersaq­qul­lunga atuarfim­mut kostskolimut nuutsip­paanga.

Atuarfimmi Biibili atuaqqissaartarpisiuk?

Iluamiun­ngitsoq. 15-inik ukioqar­tunga ilin­niar­titsisuma ilaata atuak­kamik Iivangkiiliunik – Jiisusip inuunera kif­far­tor­neralu pil­lugu oqalut­tuanik – tunim­manga arlaleriarlugu atuar­para. 18-inik ukioqarlunga Romami palasinut ilisimatusarfin­nut, paavimit nak­kutigineqar­tunut, ilin­niariar­tor­punga. Latiinerit grækerillu oqaasiinik, oqalut­tuarisaanermik, isumaliutersor­nermik, tar­nip pis­susiinik teologiimillu ilin­niar­punga. Biibilimi allas­simaf­fiit issuar­taraluarlugit sapaatik­kullu oqalugiar­nerni Biibilimik atuf­fas­sisut tusar­naar­taraluarlugit Biibili iluamik atuaq­qis­saan­ngilar­put.

Rektorinngoravit ilinniartitsisarpit?

Allaf­fis­sor­neruvunga. Sam­misalli ilaanni ilin­niar­titsisar­punga.

Sooq katuullitut upperisat qularilerpiuk?

Pingasut paasiuminaatsik­kak­kit. Ilagiit politik­kimut akuusar­put. Palasit ilagiin­nullu ilaasut kan­ngunar­tulior­tar­nerat akuerineqar­tar­poq. Katuul­lillu ajoqersuutaasa ilaat eqqor­pasin­ngil­lat. Assersuutigalugu Guutip asan­nit­tup inuit toqusimasut qanoq ilil­luni naas­saan­ngitsumik pil­larsin­naagamigit? Aamma Guutip kis­saatigaa ujam­mit rosenkransit atorlugit qin­nutit hundredileriarluta uteqat­taar­tas­sagigut? *

Taava qanoq iliorpit?

Qul­lilil­lunga siulersoq­qul­lunga Guutimut qinuvunga. Aamma katuul­lit Biibiliat Jerusalem, Italiamiusut saq­qum­meq­qam­mersoq, pisiareriarlugu atuar­para. Taava sapaatik­kut ullaak­kut naalagiar­titsereerlunga palasitut atisakka nivin­ngalerut­torlugit angutit marluk ilin­niarfim­mut iser­put. Oqar­put Jehovamik Nalunaajaasuul­lutik. Akun­neq ataaseq sin­nerlugu Biibili tamatumanilu upperisarsioqatigiit ilumoor­tut ilisar­naataat pil­lugit allas­simasut eqqar­tor­pagut.

Pulaarmatsit qanoq isummerpit?

Qulan­ngin­nerat katuul­lillu Biibilian­nik ilisiman­nil­luar­nerat tupigusuutigaara. Kingusin­nerusuk­kut Nalunaajaasup allap, Mariomik atil­lip, pulaar­taler­paanga. Naam­magit­tarluni aalajaal­lunilu arfinin­ngor­nik­kut ullaak­kut, sial­leraluar­toq seqin­neraluar­torluun­niit, qulingiluanut ilin­niarfiup matuanut kasut­tor­tuaan­nar­poq.

Taama pulaarneqartarnerit palaseqativit qanoq isumaqarfigaat?

Eqqar­tueqatigiit­tar­nitsin­nut ilaaq­qusar­pakka, tamarmilli Biibilimik atuaq­qis­saar­neq pimoorutin­ngilaat. Eqqar­tuinerilli nuan­narisaqaakka. Nuan­nersunik ilik­kagaqar­punga. Assersuutigalugu sooq Guutip ajor­toqar­nera naal­liun­nar­toqar­neralu akuerigal­lar­nerai, sivisuumik paasiuminaatsis­simasara maanna paasiler­para.

Pisortarisavit Biibilimik atuaqqissaartarnerit unitsinniarsaraat?

1975-imi isuman­nik nas­suiaajar­torlunga Romaliaqat­taar­punga. Pisor­tarisama isumaga allan­ngor­tin­niarsarisar­paat, tamarmilli Biibili ator­neq ajor­paat. Naggataatigut 1976-imi januaarip qulingiluaanni Romamut allap­punga katuuliujun­naarlunga. Ullut marluk qaangium­mata ilin­niarfik qimal­lugu Jehovap Nalunaajaasuisa ataatsimiin­neran­nut siul­lermeerlunga peqataaniarlunga qimut­tuitsor­punga. Sunaaffa ilagiit arlal­lit ataatsimeersuar­tut. Suut tamarmik sungiusimasan­nit allaaneroqaat! Nalunaajaasut tamarmik Biibileqar­put, sam­misallu assigiin­ngitsut pil­lugit oqalugiar­toqar­nerani tusar­naaq­qis­saar­put.

Ilaquttatit qanoq qisuariarpat?

Amerlanersaasa narrutsas­simal­lutik akerlilersor­paan­nga. Paasiler­parali nuk­kama Nalunaajaasut Italiap avan­naata tungaani nunap immik­koor­tuani Lombardymiit­tut Biibilimik atuaq­qis­saaqatigisarai. Tikeraarakku Nalunaajaasut tas­sani najugal­lit sulif­fis­san­nik najugas­san­nillu ikior­paan­nga. Ukiumi tas­sani kingusin­nerusuk­kut Jehovap Nalunaajaasuisa ilaat­tut imermut morsutsitaavunga.

Peqqissimissuteqarpit?

Naamerluin­naq! Ilisimasakka isumaliutersor­nermik oqaluf­fim­milu ileq­qulersuutinik tun­ngaveqar­natik Biibilimik tun­ngaveqarmata kiisami misigivunga Guuti qanil­lil­luin­narlugu. Aamma qular­nanga ilumoorlungalu allat ilin­niar­tis­sin­naaler­pakka.