“Құдай сөзін естіп, оны орындайтындар бақытты!” (Лұқа 11:28).

Шын сүйіспеншілік танытуды үйренесіз (Ефестіктерге 5:28, 29).

Жарыңызды терең құрметтеуден қуаныш аласыз (Ефестіктерге 5:33).

Отбасында береке-бірлік болады (Марқа 10:6—9).

Иә, бұған кемінде екі себеп бар:

• Отбасы атаулыға бастау берген — Жаратушы Құдай. Киелі кітапта: “Әрбір отбасы өз есімі үшін соған борышты”,— делінген (Ефестіктерге 3:14, 15). Демек, отбасы атаулыға Жаратушымыз Ехоба Құдайдың өзі бастау берген. Мұны білгеніміз неліктен маңызды?

  Мысалы, сізге бір дәмді тағам ұнап, оны өзіңіз жасап көргіңіз келді делік. Мұндайда тағамды қалай дайындау керектігін кімнен сұрар едіңіз? Әрине, сол тағамды жасаған адамнан.

  Сол сияқты отбасы өмірін бақытты ету үшін, отбасы атаулыға бастау берген Ехоба Құдайдың өзінен көмек іздегеніміз дұрыс болмас па еді? (Мұсаның 1-жазбасы 2:18—24).

• Құдай сіздің қамыңызды ойлайды. Отбасы мүшелері Құдайдың Киелі кітап арқылы беретін кеңестеріне құлақ асу керек. Неге? Өйткені Киелі кітапта: “Ол қамдарыңды ойлайды”,— деп айтылған (Петірдің 1-хаты 5:6, 7). Иә, Ехоба Құдай сіздің қамыңызды ойлайды және оның кеңестері әрдайым пайдалы! (Нақыл сөздер 3:5, 6; Ишая 48:17, 18).