Нақыл сөздер 3:1—35
3 Балам, тәлімімді* ұмытпа,Өсиеттерімді шын жүрегіңмен орында,
2 Өйткені олар күніңе күн,Ғұмырыңа ғұмыр қосып, тыныштық сыйлар+.
3 Айнымас сүйіспеншілік пен адалдықтан* ажырама+.
Оларды мойныңа тағып ал,Жүрегіңе* жазып қой+.
4 Сонда сені Құдай да, адам да ұнатып+,Терең түсінігі бар деп біледі.
5 Ехобаға бар жүрегіңмен сенім арт+,Өз ақылыңа сүйеніп жүрме+.
6 Барлық ісіңде оны ескер+,Сонда ол жолыңды тегістер+.
7 Өзіңді данамын деп санама+.
Ехобадан қорқып, жамандыққа жолама.
8 Бұл тәніңе шипа болып,Сүйектеріңді нығайтар.
9 Ехобаны құрметте құнды нәрселеріңмен+,Жеріңнің алғашқы* өнімімен+.
10 Сонда қамбаларың лық толар+,Астауларыңнан* жаңа шарап асып-тасар.
11 Балам, Ехоба жөнге салғанда, бас тартпа+,Түзеткенде, онысын жек көріп жүрме+.
12 Әкесі жақсы көретін баласын түзеткендей+,Ехоба кімді жақсы көрсе, соны түзетеді+.
13 Қандай бақытты даналықты тапқан адам+,Парықтылыққа үйренген жан!
14 Даналықты иемдену күмістен артық,Оның берер пайдасы алтыннан зор+.
15 Ол маржаннан да қымбат,Құмартқан еш нәрсең оған тең келмес.
16 Ұзақ ғұмыр оның оң қолында,Байлық пен қадір-құрмет сол қолында.
17 Оның жолдары жағымды,Татулыққа жетелейді барлығы+.
18 Ие болғандарға ол — өмір ағашы,Оны берік ұстанғандар бақытты саналады+.
19 Ехоба жердің негізін даналықпен қалады+,Аспанды ақыл-парасатпен* нық орнатты+.
20 Оның білімімен тұңғиық сулар бөлінді,Аспандағы бұлттан тамшылап жаңбыр жауды+,
21 Балам, бұларды* елеусіз қалдырма.
Даналық пен саналылықты сақта,
22 Саған олар өмір сыйлар,Мойынға тағылған алқадай болар.
23 Сонда жолыңда қауіпсіз жүресің,Аяғың шалынып, ешқашан сүрінбейсің+.
24 Жатқанда еш нәрседен қорықпайсың+,Төсекте рақаттанып ұйықтайсың+.
25 Кенеттен келетін апаттан шошымайсың+,Зұлымдарға төнген дауылдан үрейленбейсің+.
26 Ехоба тіренішің болады+,Аяғыңды тұзақтан сақтайды+.
27 Қолыңнан келіп тұрғанда+,Мұқтаждарға жақсылық жасаудан тартынба+.
28 Қолыңда бар бола тұра,“Бар, кейін кел! Ертең беремін”,— деме.
29 Жаныңда бейқам тұрып жатқан адамғаҚиянат жасауды ойлаушы болма+.
30 Өзіңе жамандық жасамаса+,Еш себепсіз адаммен жанжалдаспа+.
31 Бұзақы адамға қызығып қарама+,Оның бірде-бір жолын таңдама,
32 Өйткені Ехоба арамза адамнан жеркенеді+,Шыншыл адаммен жақын дос болады+.
33 Ехоба зұлымның үйіне қарғыс айтады+,Ал әділдің үйіне батасын жаудырады+.
34 Мазақтағыштардың өзін мазақ етеді+,Момындарға ықыласын түсіреді+.
35 Даналар сый-құрметке бөленер,Надандар масқара нәрсені мадақтар+.
Сілтемелер
^ Немесе “заңымды”.
^ Немесе “шындықтан”.
^ Сөзбе-сөз “жүрегіңнің тақташасына”.
^ Немесе “ең жақсы”.
^ Немесе “жүзім сығатын орындарыңнан”.
^ Немесе “парықтылықпен; қырағылықпен”.
^ Алдыңғы тармақтарда айтылған Құдайдың қасиеттеріне нұсқап тұрса керек.
