Мұсаның 4-жазбасы 17:1—13
-
Харонның таяғының бүр жаруы (1—13)
17 Ехоба Мұсаға былай деді:
2 “Исраилдіктермен сөйлесіп, әр рудың басшысынан+ бір-бір таяқтан, барлығы 12 таяқ алып, әрқайсысына олардың есімін жазып қой.
3 Әр рудың басшысы бір таяқтан беретіндіктен, леуі руының таяғына Харонның есімін жаз.
4 Сосын таяқтарды кездесу шатырындағы куәлік сандығының+ алдына, мен саған үнемі көрінетін жерге+ апарып қой.
5 Мен кімді таңдасам+, соның таяғы бүр жарады. Осылайша исраилдіктердің сендерге наразы болып күңкілдегенін+ тоқтатамын, өйткені олар мұнысымен маған қарсы күңкілдеуде+”.
6 Мұса осыны исраилдіктерге айтып бергенде, олардың рубасылары оған бір-бір таяқтан, барлығы 12 таяқ берді. Бұлардың ішінде Харонның да таяғы болды.
7 Сосын Мұса таяқтарды Ехобаның, яғни киелі шатырдағы куәлік сандығының алдына қойды.
8 Келесі күні Мұса куәлік сандығы тұрған киелі шатырға кіріп қараса, леуі руының атынан алынған Харонның таяғы бүр жарып қана қоймай, гүлдеп, тіпті бадам жемісін де беріпті.
9 Мұса таяқтардың бәрін Ехобаның алдынан алып шығып, Исраил халқына көрсетті. Рубасылары таяқтарға қарап, әрқайсысы өзінікін қайтарып алды.
10 Бұдан соң Ехоба Мұсаға: “Харонның таяғын+ куәлік сандығының алдына апарып, бүлікшілерге+ ескерту болатын белгі+ ретінде сақтап қой. Осылай олар маған қарсы күңкілдеуін доғарып, өлім құшпайды”,— деді.
11 Мұса бірден Ехобаның бұйрығын орындады. Өзіне қалай айтылса, солай істеді.
12 Сонда исраилдіктер Мұсаға: “Енді өлетін болдық, тірі қалмаймыз, түгел қырыламыз!
13 Ехобаның киелі шатырына жақындаған әркім өлім құшады+! Бәріміз осылай өліп кетеміз бе+?”— десті.
