Мұсаның 2-жазбасы 40:1—38
40 Бұдан соң Ехоба Мұсаға мынаны айтты:
2 “Бірінші айдың бірінші күні киелі шатырды*, яғни кездесу шатырын құр+.
3 Ішіне куәлік сандығын кіргізіп+, оны шымылдықпен көзден тасала+.
4 Сосын үстелді+ кіргізіп, үстіне керек-жарақтарының бәрін қой. Сондай-ақ шамдалды+ алып кіріп, шамдарын жақ+.
5 Хош иісті заттарды түтететін алтын үстелді+ куәлік сандығының алдына қой, ал киелі шатырдың кіреберісіне перде іл+.
6 Киелі шатырдың, яғни кездесу шатырының, алдыңғы жағына өртелетін құрбандық ұсынатын ошақты+ орналастыр.
7 Шатыр мен құрбандық ошағының ортасына үлкен қазанды қойып, ішіне су құй+.
8 Шатырдың ауласын+ қоршап, ауланың кіреберісіне перде іл+.
9 Майлау рәсіміне арналған майды+ алып, киелі шатыр мен оның ішіндегінің бәрін майла+. Осылайша шатырды және оның барлық бұйымдарын қасиетті ет, сонда ол киелі болады.
10 Сосын өртелетін құрбандық ұсынатын ошақ пен оның бар құрал-жабдықтарын майлап, қасиетті ет. Сонда ол аса киелі құрбандық ошағы болады+.
11 Сондай-ақ үлкен қазан мен оның тұғырын майлап, қасиетті ет.
12 Бұдан кейін Харон мен оның ұлдарын кездесу шатырының кіреберісіне әкел, олар сол жерде жуынсын+.
13 Харонға киелі киімді кигіз де+, оған майлау рәсімін жасап+, қасиетті ет. Осылай ол маған діни қызметкер ретінде қызмет етеді.
14 Сосын оның ұлдарын алып келіп, ұзын жеңді көйлектерді кигіз+.
15 Әкелеріне жасағандай, оларға да майлау рәсімін жаса+. Осылайша олар маған діни қызметкер ретінде қызмет етеді. Осы майлау рәсімінің арқасында олар да, олардан кейінгі ұрпақтары да діни қызметке біржола тағайындалады+”.
16 Мұса барлығын Ехоба өзіне бұйырғандай істеді+. Ол бәрін бұлжытпай орындады.
17 Сонымен, екінші жылдың бірінші айының бірінші күні киелі шатыр құрылды+.
18 Мұса киелі шатырды тұрғызу үшін ойығы бар тұғырларды+ қойып, үстіне қабырғаға арналған жақтауларды+ орнатты, сырықтарын+ кіргізіп, бағаналарын көтерді.
19 Сосын, Ехоба өзіне бұйырғандай, киелі шатырдың үстіне жабындарын+ бірінің үстіне бірін жапты.
20 Кейін куәлік тақташаларды+ алып, сандыққа+ салды. Сандықтың+ сырықтарын+ кіргізіп, бетіне қақпағын+ жапты.
21 Сосын сандықты киелі шатырға кіргізіп, алдына шымылдық іліп+, куәлік сандығын көзден тасалады+. Осылай Мұса Ехобаның бұйырғанындай істеді.
22 Мұса киелі шатырдың, яғни кездесу шатырының, солтүстік бетіне, шымылдықтың сырт жағына, үстелді+ қойып,
23 үстіне Ехобаның алдына тарту ретінде әкелінген күлше нандарды үсті-үстіне қойып жайғастырды+. Осылай Мұса Ехобаның бұйырғанындай істеді.
24 Ал шамдалды+ кездесу шатырының оңтүстік жағына, үстелдің қарсы бетіне, орналастырды.
25 Сөйтіп, Ехобаның алдында шамдарды жақты+. Осылай Мұса Ехобаның бұйырғанындай істеді.
26 Бұдан соң ол алтын үстелді+ кездесу шатырындағы шымылдықтың алдына қойды.
27 Оның үстінде хош иісті заттар+ түтетілмек еді+. Осылай Мұса Ехобаның бұйырғанындай істеді.
28 Содан кейін ол киелі шатырдың кіреберісіне пердені+ ілді.
29 Киелі шатырдың, яғни кездесу шатырының, алдыңғы жағына өртелетін құрбандықтар+ мен астық тартулар ұсынатын құрбандық ошағын қойды. Осылай Мұса Ехобаның бұйырғанындай істеді.
30 Сосын шатыр мен құрбандық ошағының ортасына үлкен қазанды қойып, ішіне жуынатын су құйды+.
31 Мұса, Харон және оның ұлдары осы сумен аяқ-қолдарын жуды.
32 Олар кездесу шатырына кірерде не құрбандық ошағына жақындарда сол сумен жуынатын+. Осылай Мұса Ехобаның бұйырғанындай істеді.
33 Ақыр соңында, Мұса киелі шатыр мен құрбандық ошағының айналасын қоршап аула істеп+, кіреберісіне перде ілді+.
Сөйтіп, Мұса бүкіл жұмысты бітірді.
34 Сонда кездесу шатырын бұлт жауып, киелі шатыр Ехобаның салтанатты ұлылығына кенелді+.
35 Кездесу шатырын бұлт жауып, киелі шатыр Ехобаның салтанатты ұлылығына кенелгендіктен, Мұса шатырға кіре алмады+.
36 Бұлт киелі шатырдан жоғары көтерілгенде, исраилдіктер қостарын жинап, көштерін жалғастыратын+.
37 Ал бұлт көтерілмесе, қостарын жинамайтын+.
38 Осылайша шатыр үстінде күндіз Ехобаның бұлты, ал түнде от тұрды. Бүкіл Исраил халқы мұны көшіп-қонып жүрген уақытының бәрінде көріп отырды+.
Сілтемелер
^ Ә5 қосымшасын қараңыз.
