Зәбүр 90:1—17
Шынайы Құдайдың қызметшісі Мұсаның дұғасы+.
90 Уа, Ехоба, ұрпақтан ұрпаққа сен біздің тұрағымыз* болып келесің+.
2 Таулар туылмай тұрып,Өзің жер мен әлемді дүниеге келтірмей тұрып+, сен бар болғансың.
Сен мәңгілік Құдайсың+;
3 Сен пендені қайтадан топыраққа айналдырасың,Оған: “Кері қайт, адам баласы!”— дейсің+.
4 Сенің көз алдыңда мың жыл өте шыққан кешегі күндей+,Бар болғаны түнгі күзеттей.
5 Оларды аяқастынан алып кетесің+;Олар түс сияқты ғайып болады;Таң ата көктеп шыққан шөпке ұқсайды+:
6 Таңертең жайнап шығады, жаңарады,Ал кешке қурап семіп қалады+.
7 Қаһарыңнан құрып жоқ боламыз+,Ашуыңнан дірдек қағамыз.
8 Күнәларымыз өзіңе аян+,Нұрлы жүзің құпияларымызды ашады+.
9 Қаһарыңнан өміріміз сөніп барады,Жылдарымыз күрсіністей өте шығады.
10 Ғұмырымыз жетпіс жасқа созылар,Қауқарымыз мол болса, сексенге барар+,Әйтсе де қайғы-қасірет бар көреріміз;Өмір зымырап өтеді де, ғайып боламыз+.
11 Сенің қаһарыңның құдіретін кім түсіне алады?
Өзіңнен тиісті дәрежеде қорқу үшін, қаһарыңның құдіретін кім ұғады+?
12 Бізге күндерімізді санауды үйретші+,Дана жүрекке ие болайық.
13 Қайта оралшы, уа, Ехоба+! Қашанғы кешеуілдетесің+?
Қызметшілеріңді аяшы+.
14 Таңертең айнымас сүйіспеншілігіңе кенелтші+,Өмір бойы шаттана дауыстап, қуанып жүрейік+.
15 Өзің қасіретке душар еткен күндерімізге сай қуанышқа бөлеші+,Бақытсыздыққа ұшыраған жылдарымызға+ сай шаттыққа кенелтші.
16 Лайым қызметшілерің сенің істеріңді,Олардың ұлдары ұлылығыңды көрсін+.
17 Лайым Құдайымыз Ехоба бізге ықыласын түсірсін.
Қолымызбен жасаған ісімізді өзің оңғара көр.
Иә, жасаған ісімізді оңғара көр+.
Сілтемелер
^ Мүмкін: “панамыз”.
