Зәбүр 69:1—36
Ән-күй жетекшісіне. “Лалагүлдер” әуенімен айтуға арналған Дәуіттің жыры.
69 Құтқара көр, уа, Құдайым, өйткені судың көтерілгені сонша — жанымды жұтып қоюға шақ тұр+.
2 Мен аяқ тірер жері жоқ батпаққа терең баттым+,Тұңғиық суға түстім,Екпінді су мені ағызып әкетті+.
3 Көмекке шақыра-шақыра өзегім талды+;Даусым да қарлығып қалды.
Құдайымды күтуден көзім талды+.
4 Мені себепсіз жек көретіндер+
Басымдағы шашымнан да көп болып кетті.
Көзімді құртқысы келетіндердің,Зымиян дұшпандарымның*, саны көбейді.
Ұрламаған затымды беруге мәжбүр етті.
5 Уа, Құдайым, ақымақтық жасағаным өзіңе аян,Кінәлі екенім де саған құпия емес.
6 Уа, Әлемнің Әміршісі Әскербасы Ехоба,Саған үміт артатындар маған бола ұятқа қалмаса екен.
Уа, Исраил Құдайы,Сені іздейтіндер маған бола масқара болмаса екен.
7 Мен сен үшін мазаққа төзудемін+,Мен әбден қарабет болдым+.
8 Туған бауырларым үшін бөтен адамға,Бір анадан туған бауырларым үшін жатжерлікке айналдым+.
9 Бойымды сенің үйіңе деген құлшыныс кернейді+,Сені қорлағандардың ғайбат сөздері маған тиеді+.
10 Ораза ұстап өзімді кіші тұтқанымда*,Сол үшін мазақ болдым.
11 Үстіме азалы киім кигенімде,Олар мені аяусыз мысқылдады*.
12 Қақпа алдында отыратындар мені әңгіме қылады,Ішкіштер мен жайлы ән айтады.
13 Бірақ өзіңе айтқан дұғам ықыласыңды түсіретін кезде жетсе екен, уа, Ехоба+.
Айнымас сүйіспеншілігің мол болғандықтан, уа, Құдай, жауап берші,Нағыз құтқарушы екеніңді паш етші+.
14 Мибатпақтан құтқаршы,Батып кетуіме жол бермеші.
Мені жек көретін адамдардан құтқаршы,Терең судан сақташы+.
15 Екпінді тасқын су мені ағызып әкетпесінші+,Тұңғиық жұтып қоймасыншы,Ордың аузы үстімнен жабылып қалмасыншы+.
16 Жауап берші, уа, Ехоба, өйткені сенің айнымас сүйіспеншілігің ізгі+.
Көл-көсір мейіріміңмен маған бет бұршы+,
17 Қызметшіңнен жүзіңді жасырмашы+.
Тездетіп жауап берші, өйткені мен бақытсыздыққа ұшырадым+.
18 Жақындап келіп, мені құтқаршы,Жауларым үшін құнымды өтеп алшы.
19 Сен менің қорлық көргенімді, абыройым төгіліп, масқара болғанымды білесің+.
Жауларымның бәрі көз алдыңда.
20 Қорлық сөздер жүрегімді күйретті, жаныма айықпас жара түсірді.
Біреу аяй ма деп ем, бірақ ондайлар болмады+;Жұбатушылар бола ма деп ем, бірақ ешкім табылмады+.
21 Олар тамақ орнына у берді+,Шөлдегенімде сіркесу берді+.
22 Олардың дастарқандары өздеріне тұзақ,Ал молшылықтары тор болсын+.
23 Көздері тұманданып, көрмей қалсын,Тұла бойлары қалшылдап тұратын болсын.
24 Оларға қаһарыңды төкші,Олар сенің ызғарлы ашуыңа іліксінші+.
25 Дуалмен қоршаған қостары бос қалсын,Шатырлары қаңырап жатсын+.
26 Өйткені олар сенен соққы алған адамды қудалап жатыр,Өзің жаралағандардың қасіретін сөз етуді қоймай жатыр.
27 Кінәларына кінә қосшы,Оларды әділетсіз деп санашы.
28 Аттары өмір кітабынан өшіріліп тасталсын+,Есімдері әділдердің тізіміне жазылмасын+.
29 Ал мен бейшарамын, азап шегудемін+;Уа, Құдайым, құтқарушы қолыңмен мені қорғашы.
30 Мен Құдайдың есімін дәріптеп ән саламын,Алғысымды білдіріп, оны мадақтаймын.
31 Ехобаға бұл құрбандыққа шалынған бұқалардан да ұнамды,Мүйізі мен тұяғы бар жас бұқадан да жағымды+.
32 Момындар мұны көріп, қуанады.
Құдайға қызмет ететіндер, лайым жүректерің нығайсын!
33 Өйткені Ехоба жарлыларды тыңдайды+,Тұтқындағы халқын елеусіз қалдырмайды+.
34 Көк пен жер оны мадақтасын+,Теңіздер мен ондағылардың бәрі де қарап қалмасын!
35 Құдай Сионды аман сақтайды+,Яһуданың қалаларын қайта тұрғызады.
Халқы сол жерге орнығып, оған ие болады.
36 Құдайға қызмет ететіндердің ұрпағы оны мұра етеді+,Құдайдың есімін сүйетіндер+ сол жерді мекен етеді.
Сілтемелер
^ Немесе “Себепсіз жауласып жүргендердің”.
^ Мүмкін: “Көз жасымды көл етіп, ораза тұтқанымда”.
^ Немесе “мәтелге айналдырды”.
