Зәбүр 27:1—14
Дәуіттің жыры.
27 Ехоба — менің нұрым+ әрі құтқарушым,Кімнен қорқамын+?!
Ехоба — өмірімді сақтайтын қорғаным+,Кімнен үрейленемін?!
2 Зұлымдар мені жалмау үшін шабуылдады+,Қастастарым мен жауларымның өздері сүрініп құлады.
3 Маған қарсы әскер қос тіксе де,Жүрегім селт етпейді+.
Маған қарсы соғыс ашса да,Сенімділігім жоғалмайды.
4 Мен Ехобадан бір нәрсені сұрадым,Соған ғана қол жеткізуді қалаймын:
Бар ғұмырымды Ехобаның үйінде өткізсем+,Ехобаның көркіне көз тіксем,Оның ғибадатханасына тамсана көз жіберсем+.
5 Себебі пәлеге душар болған күні ол мені панасына саялатады+,Шатырына, құпия жерге жасырады+.
Ол мені биік жартасқа тұрғызады+.
6 Сонда айналамдағы жауларымнан мерейім үстем болады;Шаттық үнімен оның шатырында құрбандықтар ұсынамын,Ехобаға мадақ әнін айтамын.
7 Уа, Ехоба, жанайқайымды ести көрші+,Ықыласыңды түсіріп, жауап берші+.
8 “Мені іздеңдер!” деген сөзің жүрегімде сайрап тұр.
Мен өзіңді іздеймін, уа, Ехоба+.
9 Жүзіңді менен жасырмашы+,Қаһарланып, қызметшіңнен бас тартпашы.
Көмекшім өзіңсің+,Уа, құтқарушы Құдайым, мені қалдырмашы, тастамашы.
10 Тіпті туған әке-шешем тастап кетсе де+,Ехоба мені қабылдайды+.
11 Өз жолыңа салшы мені, уа, Ехоба+.
Жауларымнан қорғап, әділдік жолымен жетелеші.
12 Мені қастастарымның қолына бермеші+,Өйткені жалған куәлар маған қарсы көтерілді+,Өршелене қоқан-лоқы көрсетті.
13 Тірілер жерінде Ехобаның ізгілігін көретініме сенбесем,Мен қайда қалар ем+?!*
14 Үмітіңді Ехобаға арт+,Батыл бол, жүрегің де мығым болсын+,Иә, үмітіңді Ехобаға арт!
Сілтемелер
^ Мүмкін: “Тірілер жерінде Ехобаның ізгілігін көретініме мен кәміл сенемін”.
