Ешуа 23:1—16
23 Ехоба Исраилді барлық жауларынан құтқарып, айнала тыныштық сыйлағанына+ біраз уақыт болғанда, егде тартқан Ешуа+
2 күллі Исраилді, оның ақсақалдарын, рубасыларын, билері мен басқарушыларын+ шақырып алып+, былай деді: “Мен жасым ұлғайып, қартайдым.
3 Сендер үшін Ехоба осы халықтардың бәріне не істегенін өздерің түгел көрдіңдер. Иә, сендер үшін Құдайларың Ехобаның өзі шайқасты+.
4 Міне, мен Иорданның батысынан Ұлы теңізге* дейінгі жерде әлі де тұрып жатқан, сондай-ақ өзім құртып жіберген барлық халықтардың+ жерін сендерге жеребе+ бойынша мұралы иелікке бөліп бердім+.
5 Сол халықтарды аластатып, сендер үшін алдарыңнан қуып жіберген Құдайларың Ехоба еді+. Осылайша олардың жеріне Құдайларың Ехобаның уәдесіне сай ие болдыңдар+.
6 Ал енді Мұсаның Заң кітабында жазылғандардың бәрін берік ұстану үшін өте батыл болуларың керек+. Бұл үшін одан оңға да, солға да ауытқымаңдар+.
7 Араларыңда қалып қойған халықтармен де араласып кетпеңдер+. Құдайларының атын ауыздарыңа алушы болмаңдар+, олардың атымен ант та етпеңдер! Оларға қызмет етпеңдер, табынушы да болмаңдар+!
8 Қайта, осы күнге дейін істеп келгендеріңдей, бұдан былай да Құдайларың Ехобадан айырылмаңдар+!
9 Сонда Ехоба үлкен, мықты халықтарды араларыңнан қуып шығады+. Бүгінге дейін сендерге ешкім төтеп бере алмай келеді+.
10 Бір ғана адам 1000 адамды өкшелей қуатын болады+, өйткені Құдайларың Ехоба уәде еткендей+, сендер үшін өзі шайқасады+.
11 Тек Құдайларың Ехобаны сүйіңдер+, сонда әрдайым аман жүресіңдер+.
12 Ал егер Құдайларыңнан теріс айналып, араларыңда қалып қойған халықтардан айырылмай+, олармен жегжаттасып+, аралас-құралас болсаңдар,
13 Құдайларың Ехоба сол халықтарды бұдан былай сендер үшін қуып тастамайды+. Қайта, Құдайларың Ехоба берген осы жақсы жерден құрып кеткендеріңше, олар сендер үшін тұзақ әрі тор болады, жондарыңа қамшы болып тиеді+, көздеріңе тікен болып кіреді.
14 Міне, көп ұзамай мен көз жұмамын. Сендер Құдайларың Ехоба берген ізгі уәделердің ешқайсысы бекер болмағанын жақсы білесіңдер. Олардың бірде-бірі орындалмай қалған жоқ — бәрі де орындалды+.
15 Бірақ Құдайларың Ехоба берген ізгі уәделердің бәрі қалай орындалса+, Ехобаның барлық қарғысы да солай бастарыңа келеді. Сонда өзі берген осы жақсы жерден Құдайларың Ехоба сендерді құртып жібереді+.
16 Егер Құдайларың Ехоба ұстануды бұйырған келісімді бұзсаңдар, басқа құдайларға барып, оларға қызмет етсеңдер әрі табынсаңдар, осы айтылғандардың бәрі бастарыңа келмек. Сонда Ехоба сендерге қаһарын төгеді де+, оның берген жақсы жерінен лезде құрып кетесіңдер+”.
Сілтемелер
^ Яғни Жерорта теңізі.
