Еремия 1:1—19
1 Бұл — Бениямин жеріндегі Анатот+ қаласындағы діни қызметкерлердің бірі Хелкияның ұлы Еремияның* сөздері.
2 Яһуда патшасы Амонның+ ұлы Жосияның+ билік құруының он үшінші жылында Ехоба* Құдай Еремияға сөзін арнады.
3 Сондай-ақ Құдай оған өз сөзін Яһуда патшасы Жосия ұлы Ехоякімнің+ күндерінде, Яһуда патшасы Жосия ұлы Седекияның+ билігінің соңына дейін (яғни он бірінші жылына дейін), Иерусалим тұрғындары бесінші айда жер аударылғанға дейін жеткізіп отырды+.
4 Ехоба маған былай деді:
5 “Ана құрсағында қалыптастырмай тұрып-ақ мен сені білгенмін*+,Құрсақтан шықпай тұрғаныңда-ақ сені қасиетті еткенмін*+.
Халықтарға сені пайғамбар етіп қойғанмын”.
6 Бірақ мен: “О, Әлемнің Әміршісі Ехоба!
Мен жұрт алдында сөйлей алмаймын+, әлі жаспын ғой+”,— дедім.
7 Сонда Ехоба маған былай деді:
“Әлі жаспын деме,Кімге жіберсем, солардың бәріне барасың,Не бұйырсам, соның бәрін айтасың+.
8 Оларды көріп қорықпа+,Мен, Ехоба, саған жар болып, құтқарамын деймін+”.
9 Сөйтті де Ехоба қолын созып, аузыма тигізді+. Сосын Ехоба маған: “Міне, сөздерімді аузыңа салдым+.
10 Бүгін сені халықтар мен патшалықтардан үстем етемін. Сен оларды тамырымен жұласың және құлатасың, жоясың және құртасың, тұрғызасың және егесің+”,— деді.
11 Ехоба маған тағы да сөзін арнап: “Еремия, не көріп тұрсың?”— деді. Мен: “Бадам ағашының* бұтағын”,— деп жауап бердім.
12 Сонда Ехоба маған: “Дұрыс. Мен сөзімді жүзеге асыру үшін сергек* тұрмын”,— деді.
13 Бұдан кейін Ехоба маған екінші рет сөзін арнап былай деді: “Не көріп тұрсың?” Мен: “Қайнап тұрған үлкен қазанды көріп тұрмын. Оның аузы солтүстіктен бері қарай еңкейген екен”,— деп жауап бердім.
14 Сонда Ехоба маған былай деді:
“Осы елдің барлық тұрғынынаСолтүстіктен апат келеді+.
15 Мен, Ехоба, былай деймін: —Солтүстіктегі патшалықтардың бар тайпасын шақырамын+.
Олар келіп, Иерусалим қақпаларының кіреберісіне+
Әрқайсысы өз тағын орнатады.
Қаланы қоршаған қабырғаларға,Яһуданың күллі қаласына шабуылдайды+.
16 Мен бар зұлымдығы үшін үкімімді жариялаймын,Себебі олар мені тастап кетті+,Өзге тәңірлерге арнап құрбандық түтінін шығарып+,Өз қолдарымен жасаған нәрселерге табынуда+.
17 Ал сен беліңді бекем бу,Тұрып, бұйырғандарымның бәрін оларға жеткіз.
Олардан үрейленіп қорықпа+,Әйтпесе олардың алдында өзіңнің үрейіңді ұшырамын.
18 Бүгін мен сені бүкіл елге қарсы тұратын бекіністі қала,Темір бағана және мыс қабырға іспетті етемін+.
Осылай Яһуданың патшалары мен басшыларына,Оның діни қызметкерлері мен халқына төтеп бересің+.
19 Олар сенімен күреседі, бірақ жеңе алмайды,Өйткені саған жар болып құтқарамын,— дейді Ехоба+”.
Сілтемелер
^ Мағынасы “Ехоба асқақтатады” болса керек.
^ Бұл — Құдайдың есімі. Түсіндірмені қараңыз.
^ Немесе “таңдағанмын”.
^ Немесе “бөліп алғанмын”.
^ Еврейше “шакед”. Мағынасы “оянған; сергек” дегенді білдіреді. Өйткені бадам — көктемде ерте гүлдейтін ағаштардың бірі.
^ Немесе “ояу”. Еврейше “шокед”. Бұл сөз 11-тармақтағы “шакед” сөзімен ұйқас.
