Иә. Келелі себепсіз жалғыз өздері бір үйде түнеп шыққандары олардың жыныстық өнегесіздік жасағанына салмақты дәлел болып табылады. Сондықтан ескеретін келелі себептер шықпаса, сот комитеті құрылуы тиіс (Қорынттықтарға 1-хат 6:18).

Ақсақалдар кеңесі сот комитетін құру қажет пе, жоқ па — соны анықтау үшін әр жағдайды мұқият қарастырады. Мысалы, келесі жайттарды анықтайды: екеуінің арасында романтикалық қарым-қатынас бар ма еді? Екеуінің қарым-қатынасына қатысты ақсақалдар оларға бұрын кеңес берген бе еді? Бір үйде түнеп шығуына не себеп болды? Бұлай етуді алдын ала жоспарлады ма? Олардың басқа амалы болды ма? Я болмаса күтпеген оқиға не төтенше жағдай сияқты жайттардың кесірінен бір үйде түнеп шығудан басқа амалдары болмады ма? (Уағыздаушы 9:11). Олар үйдің қай жерінде ұйықтады? Әр жағдай әртүрлі, сондықтан ақсақалдардың шешіміне әсер ететін басқа да жайттар болуы мүмкін.

Ақсақалдар кеңесі барлық жайттарды қарастырған соң, сот комитетін құру-құрмауды шешеді.