ماسىحشىلىك ٶمىرىمىز
جاسى ۇلكەن ايەلدەردى اناداي، جاس قىزداردى اپكە-قارىنداستاي كورىڭىز
جازبالاردا جاسى ۇلكەن باۋىرلاستارعا انامىزداي، اكەمىزدەي، ال وزىمىزدەن كىشىلەرگە ٸنى-قارىنداستاي قاراۋىمىز كەرەكتىگى ايتىلعان (تىموتەگە 1-حات 5:1، 2 وقىڭىز). اسىرەسە ەر باۋىرلاستاردىڭ ايەل باۋىرلاستاردى سيلاپ، قۇرمەتتەگەنى ابزال.
ەر باۋىرلاس ەشقاشان قىز باۋىرلاسقا قىرىنداپ، ول ٶزىن ىڭعايسىزدانىپ قالاتىنداي ەشتەڭە جاساماۋ كەرەك (ٵپ 31:1). بويداق ەر باۋىرلاس قىز باۋىرلاستىڭ سەزىمىمەن ويناپ، كوڭىلى بارداي ارەكەت ەتىپ، جالعان ٷمىت بەرمەيدى.
ەگەر ايەل باۋىرلاس قۇرمەتپەن ٴبىر سۇراق قويسا نەمەسە ٴمان بەرىلۋى قاجەت ٴبىر ماسەلەنى قوزعاسا، اقساقالدار ولاردى زەيىن سالىپ تىڭداۋى قاجەت. اقساقالدار قورعانىش بولاتىن كۇيەۋى جوق ايەل باۋىرلاستارعا اسىرەسە قامقورلىق كورسەتەدى (رۋت 2:8، 9).
«قاۋىمدا سارقىلمايتىن سۇيىسپەنشىلىك تانىتايىق: جەتىم-جەسىرلەرگە» دەگەن بەينەروليكتى كورىپ بولعان سوڭ، تومەندەگى سۇراقتارعا جاۋاپ بەرىڭىز:
-
قاۋىمداعى باۋىرلاستار مين باۋىرلاسقا قالاي ەرەكشە سۇيىسپەنشىلىك تانىتتى؟
-
باۋىرلاستاردىڭ سۇيىسپەنشىلىگى اۋىلداعى ادامدار ٷشىن قانداي كۋالىك بولدى؟
-
باۋىرلاستاردىڭ سۇيىسپەنشىلىگى مين باۋىرلاسقا قالاي اسەر ەتتى؟
قاۋىمىڭىزداعى ايەل باۋىرلاستاردى جاقسى كورىپ، قامقورلايتىنىڭىزدى ٸس جۇزىندە قالاي كورسەتە الاسىز؟
