ەشۋا 24:1—33
-
ەشۋانىڭ يسرايل تاريحىنا شولۋ جاساۋى (1—13)
-
ەحوباعا قىزمەت ەتە بەرۋگە شاقىرۋ (14—24)
-
«مەن بولسام ٷي ىشىممەن ەحوباعا قىزمەت ەتەمىن» (15)
-
-
ەشۋانىڭ يسرايلمەن كەلىسىم جاساسۋى (25—28)
-
ەشۋانىڭ قايتىس بولۋى (29—31)
-
ٴجۇسىپتىڭ سۇيەگى سيحەمدە جەرلەندى (32)
-
ەلازاردىڭ دۇنيە سالۋى (33)
24 ەشۋا يسرايل رۋلارىنىڭ ٴبارىن سيحەمگە جيناپ، ەلدىڭ اقساقالدارىن، باسشىلارىن، بيلەرى مەن باسقارۋشىلارىن شاقىرتتى+. بارلىعى شىنايى قۇدايدىڭ الدىنا كەلدى.
2 سوندا ەشۋا جينالعان جۇرتقا بىلاي دەدى: «يسرايلدىڭ قۇدايى ەحوبا مىنانى ايتادى: —بايىرعى زاماندا اتا-بابالارىڭ+، ولاردىڭ اراسىندا ىبىرايىم مەن ناحوردىڭ اكەسى تاراح تا بار، ەۆفراتتىڭ ارعى بەتىندە ٶمىر ٴسۇرىپ+، باسقا قۇدايلارعا تابىنعان ەدى+.
3 ۋاقىت وتە كەلە مەن بابالارىڭ ىبىرايىمدى+ ەۆفراتتىڭ ارعى بەتىنەن الىپ كەلىپ، بۇكىل قاناحان جەرىن ارالاتتىم. مەن وعان ىسقاقتى بەرىپ+، ۇرپاقتارىن كوبەيتتىم+.
4 ال ىسقاققا جاقىپ پەن ەساۋدى بەردىم+. كەيىنىرەك ەساۋعا سەيىر تاۋىن يەلىككە بەردىم+. جاقىپ پەن ونىڭ ۇلدارى بولسا مىسىرعا كوشتى+.
5 سوسىن مۇسا مەن حاروندى كومەككە جىبەردىم دە+، مىسىردى پالەگە ۇشىراتىپ+، سەندەردى سول جەردەن الىپ شىقتىم.
6 مىسىردان شىعىپ كەلە جاتقان اكەلەرىڭ+ قىزىل تەڭىزگە جەتكەندە، مىسىرلىقتار سوعىس اربالارىمەن، اتتى اسكەرىمەن ارتتارىنان قۋىپ كەلدى+.
7 سوندا اكەلەرىڭ مەنى، ەحوبانى، كومەككە شاقىردى+. مەن مىسىرلىقتار مەن ولاردىڭ اراسىنا ٴبىر قارا بۇلتتى جىبەردىم، سوسىن مىسىرلىقتاردى تەڭىز سۋىنىڭ استىندا قالدىردىم+. ولارعا نە ىستەگەنىمدى سەندەر ٶز كوزدەرىڭمەن كوردىڭدەر+. بۇدان كەيىن كوپ جىلدار بويى ٴشول دالادا ٶمىر سۇردىڭدەر+.
8 مەن سەندەردى يورداننىڭ ارعى بەتىندە* تۇرىپ جاتقان امورلىقتاردىڭ جەرىنە اكەلگەنىمدە، ولار سەندەرمەن سوعىسا باستادى+. ٴبىراق جەرلەرىن يەمدەنۋلەرىڭ ٷشىن مەن ولاردى اياقتارىڭا جىعىپ بەرىپ، قۇرتىپ جىبەردىم+.
9 سوسىن يسرايلمەن سوعىسۋعا مواب پاتشاسى سيپور ۇلى بالاق شىقتى. ول سەندەرگە قارعىس ايتقىزۋعا بەعور ۇلى بالاعامدى شاقىرتتى+.
10 ٴبىراق مەن بالاعامدى تىڭداعىم كەلمەي+، كەرىسىنشە، سەندەرگە قايتا-قايتا باتا بەرگىزدىم+. وسىلاي سەندەردى ونىڭ قولىنان امان الىپ قالدىم+.
11 بۇدان كەيىن سەندەر يورداننان ٶتىپ+، يەريحونعا كەلدىڭدەر+. سوندا يەريحوننىڭ باسشىلارى* جانە امورلىقتار، پەرەزدىكتەر، قاناحاندىقتار، حەتتىكتەر، گەرگەستىكتەر، حەۆتىكتەر مەن ەبۋستىكتەر سەندەرمەن سوعىستى. ٴبىراق مەن ولاردى اياقتارىڭا جىعىپ بەردىم+.
12 سەندەر كەلمەي تۇرىپ، ولاردىڭ جىگەرىن جاسىتتىم*. اقىرىندا امورلىق ەكى پاتشانى سول جەردەن قۋىپ شىققانىمداي، ولاردى دا قۋىپ شىقتىم+. بۇل سەندەردىڭ سەمسەرلەرىڭمەن نە ساداقتارىڭمەن جاسالعان جوق+.
13 وسىلايشا مەن سەندەرگە وزدەرىڭ تەر توگىپ يەمدەنبەگەن جەر مەن وزدەرىڭ سالماعان قالالاردى بەردىم+، سەندەر سوندا قونىس تەپتىڭدەر. وزدەرىڭ جەمىسىن جەپ جۇرگەن جۇزىمدىكتەر مەن ٴزايتۇن باقتارىن دا سەندەر ەككەن جوقسىڭدار+».
14 سوسىن ەشۋا مىنانى ايتتى: «سوندىقتان ەحوبادان قورقىپ، وعان ٴمىنسىز ٵرى ادال* قىزمەت ەتىڭدەر+. ەۆفراتتىڭ ارعى بەتىندە جانە مىسىردا اتا-بابالارىڭ تابىنعان قۇدايلاردان ارىلىپ+، ەحوباعا قىزمەت ەتىڭدەر.
15 ال ەگەر ەحوباعا قىزمەت ەتكىلەرىڭ كەلمەسە، كىمگە قىزمەت ەتەتىندەرىڭدى بۇگىن شەشىپ الىڭدار+. ەۆفراتتىڭ ارعى بەتىندە اتا-بابالارىڭ تابىنعان قۇدايلارعا قۇلشىلىق ەتەسىڭدەر مە+، الدە وزدەرىڭ جەرىندە تۇرىپ جاتقان امورلىقتاردىڭ قۇدايلارىنا ما+ — سونى شەشىپ الىڭدار. ال مەن بولسام ٷي ىشىممەن ەحوباعا قىزمەت ەتەمىن».
16 سوندا حالىق بىلاي دەپ جاۋاپ بەردى: «ٴبىز ەحوبادان بەزىپ، باسقا قۇدايلارعا قىزمەت ەتۋدەن اۋلاقپىز!
17 ويتكەنى قۇدايىمىز ەحوبا قۇلدىقتا جۇرگەن ٴبىزدى اكەلەرىمىزبەن بىرگە مىسىردان الىپ شىقتى+. سونداي-اق كوز الدىمىزدا زور كەرەمەتتەر جاساپ+، ٴبىزدى جول بويى ٵرى وزگە حالىقتاردىڭ جەرلەرىنەن وتكەن كەزدەرىمىزدە قورعادى عوي+.
18 ەحوبا امورلىقتاردى قوسا العاندا، وسى جەردە تۇرعان بارلىق حالىقتاردى قۋىپ جىبەردى. سوندىقتان ٴبىز دە ەحوباعا قىزمەت ەتەمىز، ويتكەنى ول — ٴبىزدىڭ قۇدايىمىز».
19 سوندا ەشۋا بىلاي دەدى: «سەندەر ەحوباعا قىزمەت ەتە المايسىڭدار، سەبەبى ول — قاسيەتتى قۇداي+. ول قالتقىسىز بەرىلگەندىكتى تالاپ ەتەدى+، بۇلىكتەرىڭ مەن كۇنالارىڭدى كەشىرمەيدى+.
20 ەحوبادان بەزىپ، بوگدە قۇدايلارعا قىزمەت ەتىپ كەتسەڭدەر، ول دا سەندەردەن تەرىس اينالادى. بۇرىن جاقسىلىق جاساپ كەلسە دە، سەندەردى جازالاپ، جويىپ جىبەرەدى+».
21 حالىق بۇعان: «جوق، ٴبىز ەحوباعا قىزمەت ەتەمىز!»— دەدى+.
22 ەشۋا ولارعا: «ەحوباعا قىزمەت ەتۋدى وزدەرىڭ شەشكەندەرىڭە كۋاسىڭدەر»+،— دەگەندە، حالىق: «ٴيا، كۋامىز»،— دەپ راستادى.
23 سوندا ەشۋا: «بوگدە قۇدايلاردان ارىلىپ، جۇرەكتەرىڭدى يسرايل قۇدايى ەحوباعا بۇرىڭدار»،— دەگەندە،
24 ولار: «قۇدايىمىز ەحوباعا قىزمەت ەتەمىز، ونىڭ ايتقانىنا مويىنسۇنامىز!»— دەدى.
25 سول كۇنى ەشۋا حالىقپەن كەلىسىم جاساسىپ، سيحەمدە ولارعا ەرەجە بەردى، قاۋلى دا شىعاردى.
26 سوسىن بۇل سوزدەردى قۇداي زاڭى جازىلعان كىتاپقا ٴتۇسىردى+. بۇدان كەيىن ٴبىر ٴداۋ تاس الىپ+، ونى ەحوبانىڭ كيەلى جەرىندەگى ۇلكەن اعاشتىڭ استىنا قويدى.
27 ەشۋا ٵرى قاراي بىلاي دەدى: «مىنە، مىنا تاس ٴبىز ٷشىن كۋا بولماق+، ويتكەنى ول ەحوبانىڭ بىزگە ايتقان سوزدەرىنىڭ ٴبارىن ەستىدى. ەگەر قۇدايلارىڭنان باس تارتساڭدار، بۇعان مىنا تاس كۋا بولادى».
28 بۇدان كەيىن ەشۋا حالىقتى تاراتىپ جىبەردى دە، ٴارقايسىسى ٶز مۇرالى يەلىگىنە كەتتى+.
29 ەحوبانىڭ قىزمەتشىسى نۇن ۇلى ەشۋا 110 جاسقا كەلىپ قايتىس بولدى+.
30 ونىڭ سۇيەگى گاعاش تاۋىنىڭ سولتۇستىگىندەگى ەفرەم جەرىنىڭ تاۋلى وڭىرىندە ورنالاسقان تيمنات-سەراحقا+، ٶزىنىڭ مۇرالى يەلىگىنە قويىلدى.
31 يسرايل حالقى ەشۋانىڭ، سونداي-اق ودان ۇزاعىراق جاساعان ٵرى ەحوبانىڭ يسرايلدىڭ يگىلىگى ٷشىن جاساعان بارلىق ىستەرىن كورگەن اقساقالداردىڭ كوزى تىرىسىندە ەحوباعا قىزمەت ەتىپ ٴجۇردى+.
32 يسرايلدىكتەر مىسىردان الىپ شىققان ٴجۇسىپتىڭ سۇيەگىن+ سيحەمگە، كەزىندە جاقىپ سيحەمنىڭ اكەسى حاموردىڭ ۇلدارىنان 100 كۇمىس اقشاعا ساتىپ العان تاناپتاعى جەر+ تەلىمىنە قويدى+. كەيىن بۇل جەر ٴجۇسىپ ۇلدارىنا مۇرالى يەلىككە ٴتيدى+.
33 ۋاقىت وتە حاروننىڭ ۇلى ەلازار دۇنيە سالىپ+، سۇيەگى ونىڭ ۇلىنا بەرىلگەن ەفرەمنىڭ تاۋلى وڭىرىندەگى پىنەحەس+ توبەسىنە قويىلدى.
سىلتەمەلەر
^ ياعني شىعىسىندا.
^ مۇمكىن: «جەر يەلەرى».
^ مۇمكىن: «ابىرجىتتىم؛ جان ۇشىرا قورقىتتىم».
^ نەمەسە «شىندىقتا».
