ۋاعىزداۋشى 10:1—20
10 ولگەن شىبىندار ٴيىسمايدى ساسىتىپ، اشىتىپ جىبەرەتىنى سياقتى، بولماشى اقىماقتىق تا دانا ٵرى قادىرلى ادامنىڭ ابىرويىن تۇسىرەدى+.
2 دانانىڭ جۇرەگى ونى دۇرىس جولمەن، ال اقىماقتىڭ جۇرەگى بۇرىس جولمەن جەتەلەيدى+.
3 اقىماققا قاي جولمەن جۇرمەسىن اقىل جەتپەيدى+، ول ٶز اقىماقتىعىن بارشاعا ايان ەتەدى+.
4 بيلەۋشى ساعان اشۋىن توكسە، ورنىڭنان كەتىپ قالما+، سەبەبى سابىرلىلىق ۇلكەن كۇنانىڭ بەتىن قايتارادى+.
5 جارىق كۇن استىندا ادامدى كۇيىندىرەتىن تاعى ٴبىر جايتتى بايقادىم، بيلىك باسىنداعىلار مىناداي قاتەلىك جىبەرەدى ەكەن+:
6 اقىماقتارعا جوعارى دارەجە بەرىپ، ال باي* ادامداردى تومەن دارەجەدە قالدىرادى.
7 قاراپايىم قىزمەتشىلەردىڭ اتقا ٴمىنىپ، ال امىرشىلەردىڭ قىزمەتشى سياقتى جاياۋ جۇرگەنىن كوردىم+.
8 ور قازعان ادام وعان ٶزى تۇسەر+. تاس دۋالدى بۇزىپ جاتقاندى جىلان شاعار.
9 كەن قازعان ادام ٶزىن جاراقاتتاپ الۋى مۇمكىن. اعاش جارىپ جاتقان ادامعا دا قاۋىپ ٴتونۋى مۇمكىن*.
10 ٴجۇزى وتپەيتىن بالتا قايرالماسا، كوپ كۇش سالۋعا تۋرا كەلەر. ال دانالىق تابىسقا جەتكىزەر.
11 جىلان اربالماي تۇرىپ شاعىپ السا، ارباۋشىنىڭ ەپتىلىگىنەن نە پايدا؟
12 دانانىڭ اۋزىنان شىققان ٴسوزى ىقىلاسقا بولەر+، ال اقىماقتىڭ ايتقانى تۇبىنە جەتەر+.
13 ونىڭ ٴسوزىنىڭ باسى — اقىماقتىق+، ال سوڭى — سوراقى ەسۋاستىق.
14 اقىماقتىڭ اۋزى جابىلمايدى+.
ادام الدا نە بولارىن بىلمەيدى. ومىردەن وتكەن سوڭ، نە بولارىن وعان كىم ايتا الادى+؟
15 اقىماقتىڭ ەڭبەگى ونى قاجىتار. ول ٴتىپتى قالاعا اپاراتىن جولدى دا بىلمەس.
16 پاتشاسى — جاس بالا+، ال امىرشىلەرى تاڭ اتقاننان توي تويلايتىن ەلگە قانداي قاسىرەت!
17 پاتشاسى — تەكتى كىسىنىڭ بالاسى، ال امىرشىلەرى ماس بولۋ ٷشىن ەمەس+، الدەنۋ ٷشىن ٸشىپ-جەيتىن ەل قانداي باقىتتى!
18 ادام قاتتى جالقاۋلانسا، ٷيىنىڭ توبەسى مايىسار، ال قول قۋسىرىپ ەرىنسە، ٷيىنىڭ توبەسىنەن سۋ اعار+.
19 نان كوڭىلدى كوتەرەر، شاراپ ومىرگە قۋانىش سيلار+، ال اقشا مۇقتاجدىق كورسەتپەس+.
20 پاتشانى ىشتەي* بولسا دا قارعاما+، بايدى جاتىن بولمەڭدە دە بالاعاتتاما! سەبەبى ۇشقان قۇس داۋسىڭدى* ٸلىپ اكەتەر، ايتقان ٴسوزىڭدى قاناتتى جەتكىزىپ بارار.
سىلتەمەلەر
^ نەمەسە «قابىلەتتى».
^ مۇمكىن: «اباي بولۋ كەرەك».
^ مۇمكىن: «توسەگىڭدە جاتىپ».
^ نەمەسە «حاباردى».
